Ɛ́FƐSƆ 1:7 - Kɛ́lɛ Niinaí

⁷ Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 1:7 Iomraidhean Croise

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

MÁFIYU 26:28

Ní ỹááw̃ɔi lɔ́ ngáá sí íwaa ngákɛ ngáá Ngalángi gɛ́lɛngi lɔ́ ngáá tɔɔỹaá í ngéɣeni ti lówah̃u taá ngi vóngaitii. Aá lɔ́ɔ vú nuu bíh̃iw̃aa hááw̃a ngáá ti háá ỹɔí h̃uuhaaló fááw̃a.”

MÁFIYU 6:12

Yí ni háá ỹɔítii suuhaaló kɛ kíya nɔ́ɔ naá sítii suuhaaló taá fáa ỹɔ́u ɣɛ́ ngáá ni ye.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:24

Kɛ i ɣɛa ti w̃a, “Ní ỹááw̃ɔi lɔ ngáá sí íwaa ngákɛ ngáá Ngalángi gɛ́lɛngi lɔ́ ngáá tɔɔỹaá í ngéɣeni ti lówah̃u taá ngí vóngaitii. Aá lɔ́ɔ vú nuu bíh̃iw̃aa hááw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:77

Yá lɔ yáá kɛ ngáá háwu ngi vóngaitiini ti ɣɛ́ faa wɔ́lɔ kɔwɔ́ato ti wumááwo fái wa áá gúla ti háá ỹɔítii suuhaalóndai h̃u,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:47

Aáva keela woí kɔwɔ́ato polú yafé fái wa faa ỹɔ́i wa, ɛ́ɣɛ faa ỹɔ́u h̃úúhaalondai ndaahéingi h̃uu lɔ taá nde na. Kɛ́ kɛ tɔkúla aa hei Jɛlúsɛl̃ɛ í ló su í foló ngelewu kpɛ́lɛɛ.

NJƆÚ 20:23

Ná wáá nuu fíli ngi háá ỹɔítii súúhaalo, ti h̃úúhaa áá lo, kɛ́ ná wɔ́i ɣɛ ti h̃úúhaaloni, ti h̃úúhaa ɛ́i lo.”

TI GƐ́Ɛ́ HAÍTII 10:43

Ngalá ndaa háá lé mbélai kpɛ́lɛɛ ti yɛ́pɛni kɔwɔ́ato Jísu wa ngáá nuí fíli áá lá la, ngi háá ỹɔítii suuhaa áá lo ndaahéingi h̃u.”

TI GƐ́Ɛ́ HAÍTII 2:38

Kɛ Pítɛ i ti woo yápotenga, i ɣɛ ti w̃a, “A volú yafé wú háá ỹɔítii mba, wú ngúyai w̃ááhɔlɔ wú yíla ngíla fíli Jísu Kílisitii laahéingi h̃u kɛinɔɔ́ wú háá ỹɔítii suuhaa í ló. Aáva wáá Hɛ́ɛ́ma Ỹínangi w̃ááhɔlɔ náa ngáá fembɛ wɔ́lingi.

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 3:19

Kɛ a volú yafé hɔ́ɔ́ wú háá ỹɔítii mba, wú vóte Ngalá mba kɛinɔɔ́ wú háá ỹɔítii ti wúya wú w̃á,

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

LÓÓMI 3:24

Ngalá ngí kɛ́a ngáá háwu a mu velé lálangɔ láá le múl̃ɔ kɔwɔ́ato ngi háá bɔwɔí wa a mú maahɔ́lɔngɔ Jísu Kílisitii w̃áá véle w̃a lɛ́i í mu wumááwongɔ.

LÓÓMI 3:25

Ngalá ngí tɔvení ngáá í ɣɛ́ ngáá saáɣa kɛinɔɔ́ laá Jísu w̃áá véle w̃a nuu búsa h̃úúhaa í ló ti háá ỹɔítii sú ti lángi w̃áá véle w̃á taa ɣɛ́ sú lá. Ngalá ngí sí ɣɛ́ngɔ kɛinɔɔ́ í ngí lélembongi yákɛ. Wɔ́lɔ wɔ́lɔ mái h̃u, Ngalá ngí liilɔ́lɔni í yááh̃u víli nungáitii ti háá ỹɔítii mááh̃u.

LÓÓMI 9:23

I ná ɣɛ́ni ngáá í ngákɛ ngáá kíya ngi hái wala w̃aanɛ́ɛ́ngɔ ná í núngai sítii ngaah̃ú w̃ááw̃aanu hóuni ti ɣɛ kíli batɛ́ngɔ ngáá ti ɣɛ́ ngí yákpa maanɛɛnɛɛngí h̃u taá tiyéni.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

Ɛ́FƐSƆ 1:14

Hɛ́ɛ́ma Ỹínangi í mú volú i kɛngá a mu ɣɛ́ kɔlɔ ngáá sí Ngalángi í ngi vóngaitii kuulongɔ la, aa kɛ. Aáva í mɔ́ɔ kɛ mu ɣɛ́ kɔ́lɔ ngáá sítii ti ngáá Ngalángi vóngaitii tí wumááwongɔ áá ɣɛ́ la. Ná vá tɔ́ í kɛ́a táa Ngalá ndaaw̃áálɛ ngi yákpangi hááw̃a.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 1:6

kɛinɔɔ́ laa Ngalá ndaaw̃áá í lɛ́ ngi háá bɔwɔ vanda walaí hááw̃a sí í féngɔ mu yaá ngi líívo Síỹɛndou Loí w̃áá véle w̃a.

Ɛ́FƐSƆ 1:8

í kɛ́a mu yɛ́ ngi géle ɣelengi w̃áá véle w̃a.

Ɛ́FƐSƆ 2:4

Kɛ́ maaw̃aanúi í Ngalá ngeyá mu hááw̃a ɛ́ɣɛ ndongí í su ngáá mu ye ngwala h̃uu í wɔ́ɔ́lɔ.

Ɛ́FƐSƆ 2:7

I sí ɣɛ́ngɔ mu yɛ kɛinɔɔ́ nuu kpɛ́lɛɛ ti ɣɛ́ kɔlɔ́ kúnafɔ ngáá faa bɔ́wɔ lo ngwalaí sí í su ngáá mu ye kɔwɔ́ato kpahaí wá mú sú Jísu Kílisitii wa.

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

FÉLEPA 4:19

Ngalá pa, lɛ́i ngíwaa yénge mbɛ aáva kpatɛngɔ́i ngwala, aá lɔɔ wú béɣema wɔlingái kpɛ́lɛɛ kúla kɛlɛ́ma wú yɛ́ Jísu Kílisitii w̃aa véle w̃a.

KƆLƆ́SE 1:14

Ngi H̃íỹɛndou Loí sí w̃aa véle vá tɔ a mu ɣɛ́a ngáá ngumaawo mbélaa, ná wáá ngáá, mu háá ỹɔítii suuhaa í lónga.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 2:13

Wú ɣɛ́ngɔ ɣɛi kíya nɔ́ɔ nuu háángɔ í ná Ngala kákala, bɔw̃álale wú ɣɛ́ngɔ ngáá faa ỹɔ́u yélaa aáva wú wúmaawongɔ aa ɣɛi la nɛ́nɛ faa ỹɔ́i yaa. Kɛ́ Ngalá ngí kɛ́ni ngáá háwu Kílisitii í ndɛ́ɛ́h̃u gíte gúla kɛlɛ́ma wú yɛ́ í mú háá ỹɔítii kpɛ́lɛɛ súúhaalo.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

TÍMOTI HESENDAA GƆLƆÍ 2:6

Jísu va i lɛɛh̃úi gúlai kɛ́lɛma kɛinɔɔ́ nuu kpɛ́lɛɛ ngúmaa í wo faa ỹɔ́i yaá. Kpɔwɔ́ lɛ́ɛ́h̃ui sí i kulaí kɛ́lɛma ngáá saáɣa kuí kái kái má, laá lɔ́ í ngákɛi kpál̃au ngáá kɛ Ngalá ndóngɔɔ lé nuu kpɛ́lɛɛ ngúmaa í wo.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

TÁITƆ 3:6

Ngalá ngí kɛngɔ́ ngáá háwu ngi Hɛ́ɛ́ma Ỹínangi í mú volu mú ngi yákpangi bih̃íw̃aa w̃ááhɔlɔ Jísu Kílisitii w̃áa véle w̃a lɛ́i í ngáá mu Wumááwo Mɔ́i.

HÍBULU 9:22

Tɔɔỹaá kái kái te ngáá savaí í ndéngɔ ngáá kɛ nɔ́ɔ léi ŋaaw̃ɔ́i w̃áá véle w̃a áá kɛ ngáá háwu faa ỹɔ́u áá wúya ŋani fíli má Ngalá ngááh̃u aáva ná ŋááw̃ɔ ɛ́i ɣɛ́ vúúni faa ỹɔ́u h̃úúhaa ɛ́i ló.

PÍTƐ HESENDAA GƆLƆÍ 2:24

A mú háá ỹɔítii kpɛ́lɛɛ tí vungɔ́ Kílisitii gíte w̃a ná h̃u í ɣɛ́i kulɔ́sii w̃a. I ná ɣɛ́i kɛinɔɔ́ a mu gi ngí léve náa faa ỹɔ́u ɣɛ́ndai volú, a mu ɣɛ́ ngáá telembo mbélaa ndɛɛh̃úi sí h̃u. Ỹandái ná í héini mba, laá lɔ́ í mu walongá.

PÍTƐ HESENDAA GƆLƆÍ 3:18

Sífaa, Kílisitii áá ɣɛi ngáá faa ỹɔ́u ɣɛ́ mɔ́ɔ́ kɛ́ i haaní faa ỹɔ́u ɣɛ́ mbélaitii faaw̃a. I haaní naa héiw̃aa i yíla kpé kɔwɔ́ato mu háá ỹɔítii mba. Aáva í ná ɣɛí ngáá kɛinɔɔ́ í mu lówah̃u í bátɛ maá Ngála. Tí paaní, kɛ́ Ngalángi Hɛ́ɛ́ma Ỹínangi kɛní ngáá háwu í vá mɔ́ɔ́ ndɛɛh̃ú h̃ú volú,

NJƆÚ HESENDAA GƆLƆÍ 2:12

Nyá lɔ́ɔ kɔlɔí sí vɔ́nɛ wú yéle wɛ́i wu ngáá ndengáitii ndóngɔ ngáá wú ye, bɔw̃álale, wú háá ỹɔítii suuhaa í lónga Jísu Kílisitii haalái h̃u.

NJƆÚ HESENDAA GƆLƆÍ 2:2

Laá lɔ́ í ngáá saáɣai a mu háá ỹɔítii súúhaalo fááw̃a. Aáva aa gɛɛlɛí nɔ́ɔ a muỹá séɣe héɣe mbá kɛ́ laá lɔ́ í ngáá saáɣai nuu kpɛ́lɛɛ ti háá ỹɔítii suuhaaló fááw̃a.

NJƆÚ HESENDAA GƆLƆÍ 4:10

Ndongí gítei aa ngáá ndongí mu sú ngáá Ngala kɛ́ aá wáa ngáá ndongí Ngala ngí su ngáá mu ye í ngi H̃íỹɛndou Loí lɔ́vengɔ ma ngáá saáɣa a mu háá ỹɔítii suuhaaló fááw̃a.

FAA YÁKƐ KƆ́LƆI 14:4

Nungái sítii tɔ faa ỹɔ́u fíli áá ɣɛ́i ti h̃u, ná wáá ngáá, nápa taá ɣɛí faa fíli kɔ́lɔ kɔwɔ́ato nyah̃á háá wa. Tiyá lɔ́ɔ Mbaalaí sí vólu mbéi fíli áá lí na. Tiyá vá tɔ́ mɔ́ɔ ti wúmaawongɔ ngeleí sí wu. Nungáitii su, tiyá hése tɔ́ tí Ngalá ɛ́ɣɛ Mbaalaí hááw̃a.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.