Ɛ́FƐSƆ 1:5 - Kɛ́lɛ Niinaí

⁵ Ngala ngí ɣɛi náa kpatɛí ngáá mu ɣɛ́ ngáá ngi léngaa Jísu Kílisitii w̃áá véle w̃a. Aáva sí lɔ́ í ngáá ndiivó fái ɛ́ɣɛ ngi háá h̃uubatɛngí

Ɛ́FƐSƆ 1:5 Iomraidhean Croise

MÁFIYU 1:25

Kɛ́ Mɛɛloí ɔ́ɔ́ ɣɛ́ p̃ɛ́ɛ́ í ndoí le, taa ɣɛ́i nɛ́nɛ vílini w̃a taá Joosɛ́ í ló su kpóloo í ndói le ngáá siỹɛndóu loú. Aáva Joosɛ́ í ndaahéini ngáá Jísu.

MÁFIYU 11:26

Tɔɔỹaá le, Kɛɛɣɛ́ Ngalá, aá lɔ́ ngáá í líívo fáá aáva i í góóh̃unɛɛngɔ ngáá yí fái sítii kɛ h̃íí ná.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:21

Taíngi ná h̃u kái kái pa, Jísu lií h̃uulaahéngɔ i ɣɛi lá ngáá ndiilɛí Hɛ́ɛ́ma Ỹínangi yákpangi h̃u. Kɛ i ɣɛa ta, “Kɛɛɣɛ́ Ngála, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gí máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ. Tɔɔỹaá le, Kɛɛɣɛ́ Ngalá, aá lɔ ngáá í líívo fáa aáva í í góóh̃unɛɛngɔ ngáá yí fái sítii kɛ h̃íí na.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:32

Foloí sí Ngalá ngáá vá nuu kpɛ́lɛɛ kɔ́sɔma ma, nungái sítiini ti ɣɛ́ngɔ Níniva taá yooɣé sái h̃u, tí kɔ́sɔ pɛ́lɛ sí h̃úú yéteyangi h̃uu yélaitii mba. Aáva taá sí h̃uu yéteyangi h̃uu yélaitii mbaaléve ngáá taá véleni, bɔw̃álale tí gi máitii maalóvini, tí volú yáfe ti háá ỹɔítii mba ná Jóna í Ngala ngói léni ti w̃a. Kɛ́ nyá lɔɔ́ nde wú w̃á ngáá kɛ ŋani lɔ́ náa mbéinda tɔvengɔ́ Jóna wa p̃óu p̃óu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

NJƆÚ 1:12

Kɛ́ ná fíli su, sítii kínɛi tí lókoheini mbu, tí lá la, i kɛ́ni ngáá háwu nátii ti ɣɛ́ ngáá Ngalángi léngaa.

NJƆÚ 11:52

Kɛ́ aa ɣɛi nɔ́ɔ́ léi ngáá Júsuai ngilaá fááw̃a, kɛ́ aá ɣéle, maa sái i ɣɛi na sítiini kínɛi fááw̃a ti ngáá Ngalángi vóngai ti vahá fáhangɔ ndɔwɔlɔ́i h̃u hááli kɛinɔɔ́ tí ɣɛ ngoo yiláá su.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

LÓÓMI 8:23

Aa gɛɛlɛí nɔ́ɔ ná wa, kɛ́ a muỹá ɣéle tɔ Hɛ́ɛ́ma Ỹínangi lɛ́i í ngáá Ngalangí hésendaa hembɛ wɔ́lingi i mú vólu, muỹá lɔ́ɔ́ líílɔlɔ nɔ́ɔ faa bámai yáá a múwaa naa w̃áálɛlɛ ngáá í ló sú kpóloo ná h̃ú Ngalá ngáá vá ngákɛma ngáá a muỹá lɔ́ ngáá ngi léngaa. Kɛ ná vá mbaa ngáá, a mu lúwui sí ɣéle tɔ ngumáá lɔɔ vá wóma.

KƆ́L̃E HESENDAA GƆLƆÍ 1:1

Nyɛ́i ngí ngáá Pɔ́ɔ, nyɛ́i Ngalángi háá h̃úúbatɛ su í lókolongɔ mbá ngáá Jísu Kílisitii géélai, nyá lɔ ngáá kɔlɔí sí vɔ́nɛ naá mú mbála Yalá fɛ́li mɔ́i Sɔsitɛ́ni.

KƆ́L̃E HESENDAA GƆLƆÍ 1:21

Ngalángi géle ɣélengi h̃u, i kɛngɔ́ ngáá háwu ngáá ɛi ɣɛ́ ngáá solowo fáá nungáitii ngeyá ngáá tɔɔ́ hómbo tɔ́ɔ́ ɣɛ́ kɔ́lɔ ngáá ele gíte waa ngáá laá ti bɔwɔ́ bɔ́wɔ géle ɣélengi h̃u. Kɛ́ aá ɣéle, Ngala ngí ndangɔ́ gi má ngáá í sítii ngumááwo taa lá ngáá keela woí sí náá nde, lɛ́i sítii ti ngáá ngeleí sí wu yélai gíte taa ngéɣe ngáá faa ỹááka.

KƆ́L̃E GƆ́LƆI HELE KÉLEI 6:18

Ngáá ɣɛ ngáá wú kɛ́ɛ́ɣɛ aáva wáá ɣɛ ngáá ní léngaa. Nyɛ́i ngí ngáá Ndemɔí Ngála Ngakpa Ngálangi nyá lɔ́ ngí sí léngɔ.”

GALÉSIYA 3:26

Ndangí w̃áá véle w̃a wú kpɛ́lɛɛ wú su ngáá Jísu Kílisitii, i wú báhaa Jísu wa aáva i kɛ́a wú kpɛ́lɛɛ wú ɣɛ ngáá Ngala ndéngaa.

Ɛ́FƐSƆ 1:11

Faí kpɛ́lɛɛ aa ɣɛ kɛ kíya Ngalá ngáá ɣɛ́ loí tí ɣɛ́. Ngalángi lokolongɔ́ ni wa ngáá ngi vóngaa kpahaí wa mú su Kílisitii wa. I sí ɣɛ́ngɔ bɔw̃álale sí lɔ́ í suubátɛngɔ ngáá í kɛ́ tɔkúla héimai wɔ́lɔ kpɔ́lɔɔ

Ɛ́FƐSƆ 1:9

Ndɔɔwu h̃ú hái í ɣɛ́ngɔ kpatɛí i kɛ́a mu ɣɛ́ kɔ́lɔ Kílisitii w̃áá véle w̃a. Ná vá tɔ í ɣɛ́ngɔ loí í kɛ.

FÉLEPA 2:13

Sífaa Ngalá tɔ áa yénge ngáá wú ye, áá kɛ ngáá háwu áá ɣɛ́ ngáá wú líívo fáá ngáá wáa sítii kɛ áá nɛ́ɛ́ mbɛ.

KƆLƆ́SE 1:19

Ngalá kpútei lɔ́ í suubátɛngɔ ngi nɛ́ɛ́mbɛ h̃u ngáá ngi H̃íỹɛndou Loí í ɣɛ́ nɔ́ɔ ngáá laá Ngala kɛ kíli pele kpɛ́lɛɛ sú.

TƐSALÓNIKA GƆ́LƆI HELE KÉLEI 1:11

Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

NJƆÚ HESENDAA GƆLƆÍ 3:1

A tɔ lɛ́ɛ kíya Kɛɛɣɛí Ngalá ndóngɔ ngwala ngáá mú ye. Ndongí í su ngáá mú ye ngwala yabɔ́ɔ́lɔngɔɔ lé ná lɔ í kɛ́a p̃ɛ́ɛ́ taá mu lolí ngáá Ngalángi léngaitii aáva p̃ɛ́ɛ́ a muỹá lɔ́ ngáá ngí léngaa. Nungái sítii tí ngáá ngeleí sí wúu yélai taá kɔ́lɔ ngáá ele gíte waa ngáá mú ye sífaa nápa taá ɣɛ́ngɔ Ngalá kɔ́lɔ ngáá ele gíte waa ngáá laá.

FAA YÁKƐ KƆ́LƆI 21:7

Nuí fíli ngí ndái áá ndó ma, sí lɔ áá ɣɛ́ maa w̃ɔ́i yɛ, ná waa ngáá, ngáá ɣɛ́ ngáá Ngalá maa w̃ɔ́i hááw̃a, maa w̃ɔ́i va aa ɣɛ ngáá ní lóu.