Ɛ́FƐSƆ 1:4 - Kɛ́lɛ Niinaí

⁴ P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

Ɛ́FƐSƆ 1:4 Iomraidhean Croise

MÁFIYU 24:22

Kɛbei Ngalá ngáá ɣɛi folói nátii sɔíngi h̃uu ɣɛ́i lúkpu, nuu fíli ɛ́i belé lo ndɛɛh̃ú h̃u. Kɛ́ nungái sítii faaw̃a í lókolonga ti wa ngáá ngi vóngaa, i maa hóloitii sɔíngi h̃úu ɣɛngá lúkpu.

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 24:31

Búlu wói aa ɣɛ wɔɔlɔ ngwala áá hɛ. Aáva Nuu Búsa Goo H̃ú Loí aa ngi w̃álekaitii tɔve nungái sítii ngelé Ngalá ngí lókolonga ti wa ngáá ngi vóngaa, taá ti gúla ỹanda kpɛ́lɛɛ kpɛ́lɛɛ ngeleí sí wú, tí tí yatɛ́ mba ỹanda yílaa.”

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

NJƆÚ 10:16

Mbaala vekáá lɔ́ ngéya taá mbaala bɔ́ngi sí h̃u. Kɛ ngí vá ngáá ti ye tiyá bɛ́lɛ, aáva taá wólilo má. Ti kpɛ́lɛɛ pá taá bɔ́ naa su tí ɣɛ́ ngáá mbaala bɔ́ ngiláá, tí ɣɛ́ mbaala w̃ááh̃u belé mɔ́ɔ́ yiláa mbú.

NJƆÚ 15:16

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

NJƆÚ 17:24

Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́.

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

TI GƐ́Ɛ́ HAÍTII 15:18

nungáitii ti ɣɛ́i faa wɔ́lɔ faí sítii mba wɔ́lɔ kpɔ́lɔɔ.’ ”

TI GƐ́Ɛ́ HAÍTII 18:10

sífaa nyá lɔ í vólu aáva nuu fíli ɛi laa lɛ́ í wú ɔ́ɔ́ ỹanda héi í wá, bɔw̃álale nuu bíh̃iw̃aa lɔ ngéya taa walái sí h̃u.”

LÓÓMI 8:33

Ná wɔ́lii Ngála ngáá ndé ngáá kɛ faa áá sítii mba í lókolonga tí wa ngáá ngi vóngaa, kɛ ele lɔ náá áá faa vɛ́lɛ ti wa?

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

GALÉSIYA 5:13

Kɛ́ wɛ́i wú ngáá mu mbála Yalá fɛ́li mbélai, Ngala ngí wú lólingɔ ngáá wú wúmaa í wó, kɛ́ wálaa lokola náa wú wúmaawongi w̃a ngáá sí fíli áá ɣɛ́ ngáá wú líívo fáa ỹɔ́itii wááyaa ti ɣɛ. Kɛ́ aá ɣéle, a yenge ỹɔw̃ɔ́ ỹɔ́w̃ɔ yɛ sífaa, wú lóngɔ ngáá ỹɔw̃ɔ́ ỹɔ́w̃ɔ.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 2:10

Ngalá tɔ́ í mú bátɛngɔ kíya a mú na. I mu bátɛngɔ ngáá niina kpahaí wá mú su Jísu Kílisitii wa ngáá a mú ngenge pándai sítii mbo sí í suubátɛnga náa kílii ngáá a mú tí wo.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

FÉLEPA 2:15

kɛinɔɔ́ wú ɣɛ́ ngáá faa ỹɔ́u ɣɛ tála yelaa. Ná vólu, wú ɣɛ́ ngáá Ngala ndéngaa, wú w̃ááw̃uỹangɔ í ɣɛ́ la fó ngáá nuu fíli álaa faa ỹɔ́u lɔ wú h̃u ná wú faa ỹɔ́u yélaitii ndiiwáá faa ỹɔ́u yéteyangi sí h̃u. Kɛ́ wú holó ti liiwáá kɛ kíya temúleɣaitii tí na ngeleí ya

KƆLƆ́SE 1:22

Kɛ́ sí h̃úi náa, Ngalá ngí wú lówah̃u bátɛnga saí w̃áa véle w̃a ngi H̃íỹɛndou Loí í mbóngɔ kɛinɔɔ́ ngi H̃íỹɛndou Loí í vá ngáá wú ye Ngalá ngéle tɔmbema w̃áá fíli álaa ɣɛ́ wú wa.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA HESENDAA GƆLƆÍ 4:7

Sífaa, Ngalá ngáá mu yeɣéngɔ ngáá mu ɣɛ́ faa ỹɔ́i nátii kɛ́ ndaani su, kɛ́ aá ɣéle, i mu yeɣéngɔ ngáá ngi vóngaa ngáá faa ỹɔ́u fíli álaa ɣɛ́ mu h̃u.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.

TÍMOTI GƆ́LƆI HELE KÉLEI 2:10

Háwui náa haaw̃a, ngáá liilɔ́lɔ sítii kpɛ́lɛɛ ngá sítii faaw̃a ti ngáá Ngalángi vóngaitii kɛinɔɔ́ ti ngumaawóngi w̃ááhɔlɔ áá gula Jísu Kílisitii yaa, ná wáá ngáá, kúnafɔ lɛ́ɛ́h̃ui nuu áá ɣɛ su Ngalángi yákpa maanɛɛnɛɛngí h̃u.

TÍMOTI GƆ́LƆI HELE KÉLEI 2:19

Kɛ́ Ngala tɔɔỹáa geela woí gulangɔ́ɔ́ lé ngáá pɛlɛ́ gɔ́wɔ h̃úúbangɔ Ngalá ngí sítɛngɔ ɛi liilí. Ngói sítii pá pɔnɛngɔ́ pɛ́lɛ gɔ́wɔi sí w̃á tiyá waa ngáá sí í ɣɛ́ngɔ tá, “Ndemɔí Ngalá ngi kɔlɔ sítii tí ngáá ngi vóngaa” aáva “Nuí fíli áá ɣɛ́ ta aa lɔ Ngalá fááw̃a, kɛ maa w̃ɔ́i í vólu yáfe faa ỹɔ́u ɣɛ́ndai wa.”

JIMISÍ 2:5

Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 1:20

Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

NJƆÚ HESENDAA GƆLƆÍ 4:16

Niỹa gíte vá ní ndóngi sí wɔ́lɔ í Ngála ngéya mu haáw̃a aáva ni langɔ́ɔ́ lé la. Ngalá tɔ ngáá ndo mɔ́ɔ́. Nuí fíli pá ndo ngáá ɣɛ́ ndií h̃u kɛ maa w̃ɔ́i báhangɔɔ lé Ngalá mba Ngalá bɛ́lɛ nɔ kpahangɔ́ maa w̃ɔ́i wa.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.