Ɛ́FƐSƆ 1:3 - Kɛ́lɛ Niinaí

³ A mú sɛ́ɣɛɛ gula Ngalá ma lɛ́i í ngáá Kɛɛɣɛí Ndemɔí Jísu Kílisitii hááw̃a. I káámaa hɛɛ kpɛ́lɛɛ mbónga mu yɛ ɛ́ɣɛ mu h̃úúyafuw̃angi kɔwɔ́ato kpahaí wa mú su Kílisitii wa.

Ɛ́FƐSƆ 1:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:28

Símiyɔ i ndóu lalái Jísu yeɣéni, í séi bakí su, í Ngalá tɛ. I ɣɛi áá ɣɛ́ ta,

NJƆÚ 14:20

Folói ná w̃a vá, wáá ɣɛ kɔlɔ́ ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ su aáva wáá ɣɛ mɔ́ɔ́ kɔlɔ ngáá maa wúyeni mu ɣɛ kíli i yíla kpé pele kpɛ́lɛɛ su.

NJƆÚ 17:21

Kɛɛɣɛ́, nyá lɔɔ í hɛ́li ngáá ti ɣɛ́ kíli í ɣɛ́ yíla kpé pele kpɛ́lɛɛ sú kíya nɔ́ɔ mu ɣɛ kíli í yíla kpé pele kpɛ́lɛɛ sú. Bɛlɛ́ mu ɣɛ kíli í ɣɛ yíla kpé pele kpɛ́lɛɛ sú maa tiyéni kɛinɔɔ́ ngeleí sí wúu yélai ti lá la ngáá kɛ yá lɔ yí tɔ́vengɔ.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

LÓÓMI 12:5

ngimɔ́ɔ́ nɔ́ɔ a muỹá Ngala fɛ́li mbélaitii a mu bih̃íngɔ, kɛ́ a muỹá lɔ́ nɔ́ɔ ngáá nuu yílaa kpahái wa mu su Kílisitii wá, mú bahángɔɔ lé ỹɔw̃ɔ́ ỹɔ́w̃ɔ wa kíya nɔ́ɔ mú luwúi waa wɔ́lingaitii ti léélaa léélaa kɛ́ ti báhangɔ su.

LÓÓMI 15:6

Ná ná áá ɣɛ́, wáá héiw̃aa ɣɛ náá yíla, wú woo i ɣɛ́ su yíla wúwaa Ngála ndaaw̃áálɛ lɛí í ngáá Kɛɛɣɛí a mu Lemɔ́i Jísu Kílisitii hááw̃a.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E HESENDAA GƆLƆÍ 12:12

Nuu búsai í yíla kpé, kɛ́ mbaawɔ́lingaitii kpíh̃ingɔ mba. Kɛ́ kɛ kíya bɛ́lɛ nuu búsai waawɔ́lingai kpih̃íngɔ mba, kɛ́ aa lɔ́ nɔ́ɔ́ ngáá kpusa yílaa. Aáva ngimɔ́ɔ́ nɔ́ɔ muỹɛ́i mu langɔ́ ngáá Kílisitii mu gúlangɔ ngáá kpúsa yílaa mbaa wɔ́li bih̃íngɔ mba.

KƆ́L̃E GƆ́LƆI HELE KÉLEI 1:3

A mú sɛ́ɣɛɛ gulá Ngalá má lɛ́i í ngáá Ngalángi ɛ́ɣɛ Kɛɛɣɛí mu Lemɔ́i Jísu Kílisitii hááw̃a, lɛ́i í ngáá Kɛɛɣɛí áá nuu yááh̃u w̃ááw̃aanu hóu, ná vólu, í ngáá Ngalángi kpɔ́mbai kpɛ́lɛɛ áá gúla ngeyá.

KƆ́L̃E GƆ́LƆI HELE KÉLEI 11:31

Ngalá lɛ́i í ngáá Ngalángi ɛ́ɣɛ Kɛɛɣɛí mu Lemɔ́i Jísu hááw̃a, lɛ́i mɔ́ɔ́ ndaaw̃áá áá lɛ́ kúnafɔ fááw̃a, í kɔlɔ́ ngáá ngáá ndɛɛ wɔ́ɔ́la ma.

KƆ́L̃E GƆ́LƆI HELE KÉLEI 5:17

Ná nuu fíli áá báha Kílisitii wá, kɛ maa w̃ɔ́i ná lɔ́ náá ngáá nuu níína aáva tuva velé vɔ́lɔi aa ɣɛ náa lɔvéni, ngi níínai lɔ náá áá ɣɛ́ su.

KƆ́L̃E GƆ́LƆI HELE KÉLEI 5:21

Faa ỹɔ́u fíli aa ɣɛi Kílisitii h̃u, kɛ́ a mu haáw̃a, Ngalá ngí i mu háá ỹɔítii njení ma ngáá kɛinɔɔ́ kpahaí á mú su laá Jísu wa, ná í mú ɣɛ́ ngáá telembo mbélaa Ngalá ngááh̃u.

GALÉSIYA 3:9

Lébilah̃au i laní ngáá Ngalá aáva Ngalá ngí nɛ́ɛ́ma yéini ma, faalɔ, sítii kínɛi taa la ngáá Ngalá, Ngala ngáá nɛ́ɛ́ma yéi ti w̃a kíya nɔ́ɔ í njéini Lébilah̃au w̃a.

Ɛ́FƐSƆ 1:10

Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

Ɛ́FƐSƆ 1:17

Ngáá Ngalá mɔ́ɔ́ni lɛ́i í ngáá ngakpa Kɛ́ɛ́ɣɛi Ndemɔí Jísu Kílisitii hááw̃a í kɛ ngáá háwu Hɛ́ɛ́ma Ỹínangi í ɣɛ́ wú vólu, i wú géle ɣele wú ɣɛ́ tɔɔỹái wɔlɔ́ kɔwɔ́ato Ngalá mbá, wú ɣɛ́ kɔlɔ́ ngáá ele gíte wáá ngáá laá.

Ɛ́FƐSƆ 1:20

í Kílisitii yooɣéni lá sái h̃u í séi bɔwɔ́ béla ngufema ỹándai masandáá h̃u.

Ɛ́FƐSƆ 2:6

Sífaa, mu báhangɔ su maa Jísu Kílisitii, náá hááw̃a, a mu yooɣénga sái h̃u aáva a muỹá lɔ mba ngáá masangáá ngelegóóh̃u w̃ásandai h̃u.

Ɛ́FƐSƆ 3:10

kɛinɔɔ́ sí h̃úi náa Ngala fɛ́li mbélaitii maa véle w̃á, ngakpa ŋániitii ti ɣɛ́ Ngalángi géle ɣélengi wɔ́lɔ pele kpɛ́lɛɛ su.

Ɛ́FƐSƆ 6:12

Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

FÉLEPA 2:11

Nuu kpɛ́lɛɛ pá taá nde lííwaa wála ngáá Jísu Kílisitii lɔ í ngáá Ndemɔí kɛinɔɔ́ Kɛɛɣɛí Ngalá í ngúfema w̃ááhɔlɔ su.

HÍBULU 8:5

Ngala sááɣa gula ngéngengi sí taá mbó ngelewu aá lɔ́ nɔ́ɔ́ ngáá faa w̃áábale kɛ kíli, i ngáá sí ɣɛ́ kíli áá wó ngelegóóh̃u. Maa hái gúlangɔɔ lé nɔ́ɔ ngáá sí ɣɛ́ kíli í ɣɛ́i Muusé ndái h̃u. Ná wáá ngáá, ná í ɣɛ́i áá vá kula ỹɛpɛ́l̃ɛngi ná bátɛma tɔ́ɔ́ Ngala fɛ́li na sí Ngala ngí ndéi ma, i ɣɛi ngáá sí, “Kíya nɔ́ɔ kpatɛ kíli í ɣɛ́ngɔ ngáá í ye bɛ́kpɛ ná h̃u yí ɣɛ́ngɔ ngihéngi wá, ndama gíte tɔ́ yí kpátɛ nɔ́ɔ ngáá naa híya veléi ná kpóloo.”

HÍBULU 9:23

Fái sítii ti bátɛ gilíí gúlangɔɔ lé ngáá sítiini tí ngelegóóh̃u ti w̃áábale, aáva kɛ tɔ́ɔ́ ti wúya h̃íí na. Kɛ́ sítii ti ngáá ngelegóóh̃u géleaitii, kɛ saáɣa ya ngúyangɔ í lɔ́ve ngelewu hááɣai sítiini mba áá kɛ́ ngáá háwu ti w̃áá í w̃úỹa.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.