Ɛ́FƐSƆ 1:23 - Kɛ́lɛ Niinaí

²³ Ngala fɛ́li mbélaitii kulangɔ́ɔ́ lé ngáá Kílisitii laá búte. Ngala fɛ́li mbélaitii tɔ ti ngáá Kílisitii yénge toko yafɔ́ningɔi. Aáva Kílisitii lɔ náa í ngáá fái kpɛ́lɛɛ ngu tevéngɔi ỹandá kpɛ́lɛɛ.

Ɛ́FƐSƆ 1:23 Iomraidhean Croise

NJƆÚ 1:16

Maa haa bɔwɔ́i í ndiíh̃u laahéngɔ, i kɛ́a ngáá háwu a mú Ngalángi háá bɔwɔí sí w̃ááhɔlɔnga kɛɛlɛ́ ngáá mba.

LÓÓMI 13:5

Kɛ́ aáva maa áá ɣɛ́ nɛɛni wú gólo masangáitii mbɛ bɔw̃álale, wú súúwɔlɔ ngáá aá lɔ́ pele w̃a ngáá ná í ɣɛ́. Álaa ɣɛ́ nɔ́ɔ ngáá sífaa Ngalá ndiiyáw̃al̃angɔ áá ɣɛ́ lá wú w̃a ná wɔ́i gólo ti yɛ.

KƆ́L̃E HESENDAA GƆLƆÍ 12:6

Nuu hómbondaa háitii tiyá lɔ na léélaa léélaa. Kɛ́ Ngalá ngílaa kpéngi lɔ nɔ́ɔ áá naa gúla kɛ́lɛma nungái mbɛ ngi yéngengitii mbo fááw̃a.

KƆ́L̃E HESENDAA GƆLƆÍ 15:28

Kɛ́ ná Ngalá ngáá faa kpɛ́lɛɛ pú Kílisitii yákpangi wu, Kílisitii bútei í ngáá Ngalángi H̃íỹɛndou Loí, aa bɔwɔ́ ɣɛ́ náa Ngalángi yákpangi wu lɛ́i Ngalá ngi faa kpɛ́lɛɛ púngɔ ngi yákpangi wu. Ngalá pa ngi yákpangi áá ɣɛ náa faa kpɛ́lɛɛ mááh̃u.

Ɛ́FƐSƆ 2:16

Sái Jísu Kílisitii í mbóni kulɔ́sii w̃á i silímai gúlanga híí félengɔi sítii ndowah̃u, í tí ɣɛ́ ngáá nuu yílaa, í mɔ́ɔ kɛ ngáá háwu tí lówah̃u í bátɛ taá Ngála.

Ɛ́FƐSƆ 3:10

kɛinɔɔ́ sí h̃úi náa Ngala fɛ́li mbélaitii maa véle w̃á, ngakpa ŋániitii ti ɣɛ́ Ngalángi géle ɣélengi wɔ́lɔ pele kpɛ́lɛɛ su.

Ɛ́FƐSƆ 3:19

Ngáá Ngala fɛ́li ngáá wú hómbo wú ɣɛ́ Kílisitii lóngi wɔ́lɔ, í ɣɛ́ wú yɛ, wú ɣɛ́ ngáá Ngalá kɛ kíli kíya bɛ́lɛ ngi lóngi h̃uuwɔ́ɔ́lɔngɔ nuu áá kɛɛlɛmáá wɔlɔ́.

Ɛ́FƐSƆ 4:10

Nuí sí vá i yéingɔ aá va tɔ nɔ́ɔ múl̃ɔ í lɛ́ɛ́ngɔ ngelegóóh̃u kɛinɔ́ɔ faa kpɛ́lɛɛ í ỹanda kpɛ́lɛɛ í ɣɛ́ kíya ndongɔ́ í ɣɛ.

Ɛ́FƐSƆ 4:12

I sí ɣɛ́ni kɛinɔɔ́ í sítii kɛ kíli batɛ́ tí ngáá Ngalángi vóngaitii ngi yéngengi hááw̃a ngáá Ngala fɛ́li mbélaitii tí h̃úú í bá Ngala fái h̃u,

Ɛ́FƐSƆ 4:13

í ló su kpóloo, a mu kpɛ́lɛɛ mu lángi ɣɛ́ kíli í ɣɛ yíla Ngalángi H̃íỹɛndou Loí h̃u, aáva a mu ɣɛ́ kɔ́lɔ pele yílaa su ngáá ele gíte wáá ngáá laá. A mu h̃úú áá bá náá Ngala fái h̃u kíya Kílisitii í na.

Ɛ́FƐSƆ 4:4

Mu kpɛ́lɛɛ muỹá lɔ ngáá nuu yílaa aáva Hɛ́ɛ́ma Ỹína ngílaa kpéngi lɔ í mu volú kíya nɔ́ɔ Ngalángi í mú kpɛ́lɛɛ tólingɔ mu gítomai í yíla.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

KƆLƆ́SE 2:19

Aáva tókolangɔ láá le múl̃ɔ Kílisitii w̃a, lɛ́i í ngáá Ngalá fɛ́li mbélai ti wungí. Ngalá fɛ́li mbélaitii pa ti bɔngɔ́ɔ́ lé su, ti báhangɔ Kílisitii wa lɛ́i áá jíji vu ti h̃u kíya nɔ́ɔ nuu lúwui waa wɔ́lingaitii taa ɣɛ na ti báha kpahangɔ áá ɣɛ la wa táá lóóla kíya Ngalá ngáá ɣɛ loi ti lóóla.

KƆLƆ́SE 3:11

Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.