Ɛ́FƐSƆ 1:22 - Kɛ́lɛ Niinaí

²² Ngala ngí ngakpá féngɔ Kílisitii yáa ŋani kpɛ́lɛɛ mááh̃u í mɔ́ɔ́ kɛ ngáá ngutuwɔɔ́ w̃ɔ́ɔ́ walaí Ngala fɛ́li mbélaitii faaw̃a.

Ɛ́FƐSƆ 1:22 Iomraidhean Croise

MÁFIYU 16:18

Aáva ngí ndé í w̃á, Pítɛ, yá lɔ́ ngáá kɔtu ɣɛ kíli. Aáva kíya nɔ́ɔ nuu áá pɛ́lɛi ló ndɔwɔlɔ́ bángi w̃a kíya kɔtu í na, ngimɔ́ɔ́ nɔ́ɔ ngáá vá ní Yála fɛ́li mbélaitii ngatɛ́ma mba í w̃á. Saí ɣéle tɔ ngi yákpa ngɛi hombó ɔ́ɔ́ ɣɛ́ ti w̃ááh̃u.

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

KƆ́L̃E HESENDAA GƆLƆÍ 11:3

Ndóngɔɔ lé wú ngátɔ mba ngáá kɛ siỹɛ́ngi fíli maah̃u w̃ɔ́i waa ngáá Kílisitii. Aáva nyah̃ái fíli maah̃u w̃ɔ́i waa ngáá ngi h̃íỹɛngi. Kílisitii vá maah̃u w̃ɔ́i waa ngáá Ngalá.

Ɛ́FƐSƆ 5:23

bɔw̃álale siỹɛ́ngi lɔ í ngáá ngi nyáh̃ai wútuwɔɔ w̃ɔ́i aá va tɔ ngoo í nda ngí ỹáh̃ai w̃ááh̃u kíya nɔ́ɔ Kílisitii í ngáá Ngala fɛ́li mbélaitii ti wutúwɔɔ w̃ɔ́i, aá va tɔ ti w̃áá woo í nda. Laá bútei va tɔ í ngáá Ngala fɛ́li mbélaitii ti Wúmaawo Mɔ́i.

KƆLƆ́SE 1:18

Kílisitii lɔ́ í ngáá Ngalá fɛ́li mbélai ti wungí. Ngalá fɛ́li mbélai pa tiyá lɔ́ Kílisitii wa kíya nɔ́ɔ nuu lúwui áá ɣɛ nuu w̃a. Aá va tɔ áá kɛ́ ngáá háwu Ngalá fɛ́li mbélai táa ɣɛ́ ndɛɛh̃u gítei h̃u. Aá vá tɔ́ í ngáá hésendaa w̃ɔí Ngala ngí mbuyoɣéni sái h̃u, kɛinɔɔ́ ngilaá kpé ngoo í ɣɛ́ nda ŋani kpɛ́lɛɛ mááh̃u.

KƆLƆ́SE 1:8

Ɛpáfulɔ i ndengɔ́ ní w̃a kíya Hɛ́ɛ́ma Ỹínangi í kɛ́nga ngáá háwu wú lóngɔ ngáá wú mbála Yalá fɛ́li mbélaitii.

KƆLƆ́SE 2:10

Aáva mu ndɛ́ɛ́h̃u gítei w̃aahɔ́lɔngɔ kpahaí wa mu su Kílisitii wa. Aá va tɔ ngakpa ngí ngeyá ngakpa ŋániaitii kpɛ́lɛɛ mááh̃u ti ngákpa su.

KƆLƆ́SE 2:19

Aáva tókolangɔ láá le múl̃ɔ Kílisitii w̃a, lɛ́i í ngáá Ngalá fɛ́li mbélai ti wungí. Ngalá fɛ́li mbélaitii pa ti bɔngɔ́ɔ́ lé su, ti báhangɔ Kílisitii wa lɛ́i áá jíji vu ti h̃u kíya nɔ́ɔ nuu lúwui waa wɔ́lingaitii taa ɣɛ na ti báha kpahangɔ áá ɣɛ la wa táá lóóla kíya Ngalá ngáá ɣɛ loi ti lóóla.

TÍMOTI HESENDAA GƆLƆÍ 3:15

Kɛ́ ná ngɛ́i ɣɛ́ vái h̃umbuwa, kɔlɔí sí lɔ ná ngáá í ngákɛ kíya kule í ma mú lúva veléi í ɣɛ na ná mú ngáá Ngala fɛ́li mbélaa. Ngalá lɛ́i ɛ́i há kúnafɔ, a múỹa lɔ́ ngáá ngi vóngaa. Muỹɛ́i mú ngáá Ngala fɛ́li mbélai múỹa lɔ ngáá kpɛndɛ kɛ kíli ngí lɔ́ɔ́ỹai wú, maá maah̃ú béle.

HÍBULU 2:8

Yí tí ɣɛ́nga ngáá masa faa kpɛ́lɛɛ mááh̃u.” Ná Ngala ngí ti ɣɛí ngáá masa faa kpɛ́lɛɛ mááh̃u, faa fíli áá na yɔ́ɔ́ ɣɛ́ ta aa mbalái ti w̃ásandai wu. Kɛ́ maá tɔ́ma nuu búsaitii ti léhe ɔ́ɔ́ ɣɛ́ faa kpɛ́lɛɛ mááh̃u náa.