Ɛ́FƐSƆ 1:21 - Kɛ́lɛ Niinaí

²¹ Kílisitii w̃ásandai í ngelegóóh̃u áá lɔ́ masandái kpɛ́lɛɛ kpɛ́lɛɛ maah̃u ngelegóóh̃u. Masa tóów̃aa mbá lááheingi sí í mba, tɔvengɔ́ɔ́ lé masa tóów̃aa mbá lááheingi kpɛ́lɛɛ mbá í ngelewu ɛ́ɣɛ sí áá ɣɛ́ na kúna.

Ɛ́FƐSƆ 1:21 Iomraidhean Croise

MÁFIYU 12:32

Aáva nuí fíli pá áá ngoo ỹɔ́u ỹɔ́u nde kɔwɔ́ato nuí síí w̃ɔ́i wa taa ɣɛ́ ma Nuu Búsa Goo H̃ú Loí, maa w̃ɔ́i h̃uuhaa áá ló. Kɛ́ nuí fíli áá fáa ỹɔ́u le kɔwɔ́ato Hɛ́ɛ́ma Ỹínangi wa, maa w̃ɔ́i h̃uuhaa ɛ́i ló kúnafɔ, ngeleí sí wú ɛ́ɣɛ ngelewu níínai sí wú áá vá vááma kúna.”

TI GƐ́Ɛ́ HAÍTII 4:12

Ngumaawó ngɛ́i hɔ́lɔ nuu véka fíli su, sífaa ndaaheí péka fíli aa na ngeleí sí wu Ngalá ngɔ́ɔ́ ɣɛ́ féngɔ ngáá á maá ngumaawó sɔ́lɔ su.”

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 3:10

kɛinɔɔ́ sí h̃úi náa Ngala fɛ́li mbélaitii maa véle w̃á, ngakpa ŋániitii ti ɣɛ́ Ngalángi géle ɣélengi wɔ́lɔ pele kpɛ́lɛɛ su.

Ɛ́FƐSƆ 6:12

Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

KƆLƆ́SE 2:10

Aáva mu ndɛ́ɛ́h̃u gítei w̃aahɔ́lɔngɔ kpahaí wa mu su Kílisitii wa. Aá va tɔ ngakpa ngí ngeyá ngakpa ŋániaitii kpɛ́lɛɛ mááh̃u ti ngákpa su.

KƆLƆ́SE 2:15

Ngalá ngí ngakpángi gúlani ngakpa ŋáni ỹɔu ỹɔungáitii kpɛ́lɛɛ ngeyá sái w̃áá véle w̃a Kílisitii í mbóni kulɔ́sii w̃a. I kɛni nungáitii kpɛ́lɛɛ tí ngélewu tí ɣɛ́ faa wɔ́lɔ mba ná í ɣɛ́i áá góóh̃unɛɛ ti w̃a ngáá ngi ndái í ndongá ma.

HÍBULU 1:4

Ngala ngí kɛ́ni ngáá háwu ngi H̃íỹɛndou Loí ya ngí bá í lɔ́ve malékaitii mba kíya nɔ́ɔ toow̃aa mbá lááheingi í pɛ́lɛngɔ mba tɔvengɔ́ malékaitii ti ndái wa.

HÍBULU 2:5

Ngetéya níínai sí í náá wutúwɔ ngumaawóngi w̃áá véle w̃a múwaa yɛ́pɛ kɔwɔ́ato mba, Ngalá ngáá maléka lóngɔ máá véle la.

HÍBULU 4:14

Ná náá Jísu lɛ́i í ngáá Ngalángi H̃íỹɛndou Loí í ngáá a mú Yála sááɣa gula mɔ́ɔ́ walaí i liingá naa wutúwɔɔ véle ngelegóóh̃u, faalɔ, a mú ndí ngu ma ngáá ndangí a máá ndé ngáá a muỹá lɔ́ su la.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.