Ɛ́FƐSƆ 1:18 - Kɛ́lɛ Niinaí

¹⁸ Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

Ɛ́FƐSƆ 1:18 Iomraidhean Croise

MÁFIYU 13:15

Bɔw̃álale, nungái sítii ti gi mái yasáángɔɔ lé, aáva tí woli h̃úitii bɔkpɔ́ngɔɔ lé, ná vólu, tí yaah̃uítii tivingá. Ngalá ngí ɣɛngɔ ta, Kɛbei taá ɣɛi ná ɣɛ́ni, tɔ́ɔ ɣɛ́ taá ỹandá lɔ ngáá yaah̃úi, taa faa ỹɛ́ni ngáá wolíi, táa faa yátɔ mba ngáá ti gí maitii. Ná ná vá ngɔ́ɔ́ ɣɛ́, tɔ́ɔ́ vóte mbá, laáva ngɔ́ɔ́ ti waló.’ ”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:17

Ná Jísu í pele hóuni, siỹɛ́ ngílaa i liiní ngáá viliỹɛ́ ngelé, í lá mbɛ, í mɔ́ɔ́ni, i ɣɛ ma, “Kaamɔ́ɔ́ vándai, ndée lɔ kúle í má ngí kɛ́ ngɔ́ɔ́ ɣɛ́a kúnafɔ lɛ́ɛ́h̃ui w̃ááhɔlɔ?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:45

Kɛ Jísu i kɛngá ngáá háwu ti gi máitii ndaa í wó kpál̃au kɛinɔɔ́ sí pɔ́nɛngɔ Ngala Kɔ́lɔi h̃u tí ngatɔ́ mba.

TI GƐ́Ɛ́ HAÍTII 16:14

Nyah̃ái nátii su ti ɣɛ́i taá wolílo, nyah̃ápo yiláá i ɣɛí na taa ɣɛ́ ma Lédiya. Laáva nyah̃ápoi sí i ɣɛi ngáá kula biỹa maa híya mɔ́ɔ. I gulaní taa walái ná h̃u taa tolí ngáá Tayatálɔ. Aáva i ɣɛi laní ngáá Ngala. Ndemɔí Ngalá i ki mái laawóni kɛinɔɔ́ í wolílo keela woí sí w̃a Pɔ́ɔ í ɣɛ́i áá nde.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

LÓÓMI 11:29

sífaa Ngalá ngɛ́i nɛ́ɛ́ma yéi nuu w̃a ɔ́ɔ́ mɔ́ɔ́ ngeɣé vólu, ná vólu, ɛi leew̃a sítii ma í lókolonga tí wa ngáá ngi vóngaa.

LÓÓMI 2:4

Ngalángi háá bɔwɔ walaí ɛ́ɣɛ ngí líílɔlɔi ɛ́ɣɛ wú hái áá kúmbo h̃u, ta fíli aa wú yááh̃u ngáá faa fíli. Wáá kɔ́lɔ ngáá aá lɔɔ ná ɣɛ́ nɔ́ɔ ngáá kɛinɔɔ́ í kɛ́ ngáá háwu wú vólu yáfe wú háá ỹɔítii mba?

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

GALÉSIYA 5:5

Kɛ́ ni gitóngɔɔ lé Ngalá mbá ngáá í ni ɣɛ́ ngáá telembo mbélaa. Ná vá tɔ náa máá maalɛ́lɛ ngi H̃ɛ́ɛ́ma Ỹínangi yákpangi w̃áá véle w̃a ɛ́ɣɛ ni lángi ní sú ngáá Jísu Kílisitii.

Ɛ́FƐSƆ 1:11

Faí kpɛ́lɛɛ aa ɣɛ kɛ kíya Ngalá ngáá ɣɛ́ loí tí ɣɛ́. Ngalángi lokolongɔ́ ni wa ngáá ngi vóngaa kpahaí wa mú su Kílisitii wa. I sí ɣɛ́ngɔ bɔw̃álale sí lɔ́ í suubátɛngɔ ngáá í kɛ́ tɔkúla héimai wɔ́lɔ kpɔ́lɔɔ

Ɛ́FƐSƆ 1:7

Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 2:12

Hése, wú báhangɔ aa ɣɛngɔ lá Kílisitii wa, wáá ɣɛ́i ngáá Ísulɔ yélai ti tá. Kɛ́lɛngi í Ngalá ndowah̃u taá ngi vóngaitii kɔwɔ́ato kuulóngi wa í mbóni ngáá ti ye, wáá ɣɛ́i naa wa. Wú ɣɛ́ngɔ nɔ́ɔ ndɛɛh̃ú h̃u kɛ́ wú gítomaa aa ɣɛngɔ na. Wáá ɣɛ́ngɔ tɔɔỹaá Yála kái káingi wɔ́lɔ.

Ɛ́FƐSƆ 3:16

Ngáá Ngala fɛ́li ngáá Ngalángi háá bɔwɔí w̃áá véle w̃a wú ngakpá mááhɔlɔ Hɛ́ɛ́ma Ỹínangi yáa ngáá wú líí í bá.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 4:4

Mu kpɛ́lɛɛ muỹá lɔ ngáá nuu yílaa aáva Hɛ́ɛ́ma Ỹína ngílaa kpéngi lɔ í mu volú kíya nɔ́ɔ Ngalángi í mú kpɛ́lɛɛ tólingɔ mu gítomai í yíla.

Ɛ́FƐSƆ 5:8

Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

FÉLEPA 3:14

Nyá ngáá yakpá ngáá ngí fólo mbéinda a múwaa maa lápii wɔ. Ná wáá ngáá kulasuunúmai sí Ngala ngí mu wu pótenga mba ngelegóóh̃u véle. Aáva nuu áá mááhɔlɔ Jísu Kílisitii w̃aa véle w̃a.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 1:27

Ngalángi háá h̃uubatɛngí wáá ngáá í kɛ ngi vóngaitii ti ɣɛ́ fáá wɔ́lɔ kɔwɔ́ato ngi gééla woo w̃aanɛɛnɛɛngí wa í ɣɛ́ngɔ ndɔɔwu h̃ú ngeya nuu kpɛ́lɛɛ fááw̃a. Ndɔɔwu h̃ú hái sí wáa ngáá, Kílisitii lɔ wu líí h̃u, ná vá tɔ áá wú wɔ́ ngáá kitomaá ngáá kɛ wá lɔ́ɔ vá ɣɛ́ma Ngalángi yákpa ngwala w̃aanɛɛnɛɛngí h̃u.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA HESENDAA GƆLƆÍ 5:8

Kɛ́ ná a muỹɛ́i mu ngáá kala kala ma yélaa, a mu ɣɛ́ maá h̃úúhou w̃a. Ndangí ɛ́ɣɛ ndóngi tí ɣɛ́ mu h̃u kíya nɔ́ɔ sóya w̃ɔí áá ŋáni vɛ́lɛ gaka h̃u naa w̃ááh̃u belé fááw̃a. Ná vólu, a mu gitóngɔ í ɣɛ́ lá a mú wúmaawongi wa Ngalá ngáá fé mu yaá kíya nɔ́ɔ sóya w̃ɔí áá kɔlu wɔɔlɔí vɛ́lɛ wú mba.

TƐSALÓNIKA GƆ́LƆI HELE KÉLEI 1:11

Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TÍMOTI HESENDAA GƆLƆÍ 6:12

Hómbo yí Ngala fɛ́li fái ɣɛ ngáá hɛ́mbɛ kíya nɔ́ɔ nuu áá ɣɛ́ maaɣaalí víliỹɛi h̃u kɛinɔɔ́ yí kúnafɔ lɛ́ɛ́h̃ui w̃aahɔ́lɔ bɔwɔ́ hááw̃a. Sífaa, kúnafɔ lɛ́ɛ́h̃ui sí lɔ́ Ngalá ngí í lólingɔ fááw̃a ná h̃u yí kúlai la yí ndé ngáá yí laa ngáá Jísu Kílisitii nuu bíh̃iw̃aa yaah̃ú w̃a.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

TÁITƆ 3:7

I sí ɣɛ́ngɔ kɛinɔɔ́ mu kúnafɔ lɛ́ɛ́h̃ui w̃aahɔ́lɔ í ngáá mu gitómai sífaa ngi haa bɔwɔí w̃áá véle w̃a, í mu ɣɛ́a ngáá telembo mbélaa.

HÍBULU 10:32

A gisíya lɛ́ɛ́ ngáá ná h̃u Ndemɔí Ngalángi í tɔɔỹái yakɛ́i ngáá wú yé hése, wú lɔ́vei maanɔw̃ɔ́ bíh̃i bih̃i su laáva wú liilɔ́lɔ ngá.

HÍBULU 6:4

Aá lɔ ngáá faa tá ngáá ɛ́i hólowo kpósouŋ ngáá sítiini ti ɣɛ́ngɔ Ngala fái h̃u gíte ná taá gúla Ngala fái h̃u ngáá tɔɔ mɔ́ɔ́ yangáima sú. Ti ɣɛ́i lokohéini Ngala kééla woí wu ngáá tɔɔỹaá aáva ti ɣɛ́i Ngalángi haa bɔwɔí w̃ááhɔlɔni. Ná vólu mɔ́ɔ́, Hɛ́ɛ́ma Ỹínangi í ɣɛi ti volú.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 3:9

Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.