Ɛ́FƐSƆ 1:17 - Kɛ́lɛ Niinaí

¹⁷ Ngáá Ngalá mɔ́ɔ́ni lɛ́i í ngáá ngakpa Kɛ́ɛ́ɣɛi Ndemɔí Jísu Kílisitii hááw̃a í kɛ ngáá háwu Hɛ́ɛ́ma Ỹínangi í ɣɛ́ wú vólu, i wú géle ɣele wú ɣɛ́ tɔɔỹái wɔlɔ́ kɔwɔ́ato Ngalá mbá, wú ɣɛ́ kɔlɔ́ ngáá ele gíte wáá ngáá laá.

Ɛ́FƐSƆ 1:17 Iomraidhean Croise

MÁFIYU 11:25

Táingi ná w̃a kínɛi, kɛ Jísu i ɣɛa ta, “Kɛɛɣɛ́ Ngalá, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gi máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ.

MÁFIYU 11:27

Jísu i mɔ́ɔ ɣɛ ta, “Ní Kɛ́ɛ́ɣɛ i ŋani kpɛ́lɛɛ fénga ngéya. Nuú fíli pá aa Ngalángi H̃íỹɛndou Loí wɔ́lɔ kɛ léi Kɛɛɣɛí. Nuu fíli pá aa Kɛɛɣɛí wɔ́lɔ kɛ léi ngi H̃íỹɛndou Loí ɛ́ɣɛ sítiini ngi H̃íỹɛndou Loí áá lókolo ti wa ngáá í Kɛɛɣɛí Ngalá kɛ ngáá ti ye kpál̃au.”

MÁFIYU 16:17

Kɛ Jísu i ɣɛa ma, “Aa lɔ́ ngáá faa vánda í hááw̃a Sáimɔ, yɛ́i yí ngáá Njɔú lói, sífaa, nuu búsa láá le ɔ́ɔ́ tɔɔỹái sí vú í lá yɔ́ɔ́ nde, kɛ́ ní Kɛ́ɛ́ɣɛi í ngelegóóh̃u aá lɔ́ í púngɔ í lá.

MÁFIYU 20:33

Tí ngoo yápoteni, ti ɣɛ́ ma, “Kawálai, ni longɔ́ɔ́ lé yí ni yaah̃úi w̃ááwo.”

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:12

sífaa Hɛ́ɛ́ma Ỹínangi aa wú gálambo táingi ná w̃a kái kái ngáá sí kule áá ɣɛ́ wú w̃a wú nde.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:15

Sífaa nyá bútei ngáá hómbo ngí njɛpɛítii pu wú la, ná vólu, ngí wú gí máá gúla. Wú waahílima yélaitii kéle tɔ tɛ́i hómbo tɔɔ́ ló wú láá wú kɛlaa tɔɔ́ wú w̃ááɣaali.

NJƆÚ 14:17

Maa bɔ́mba w̃ɔ́i waa ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mbá. Ngeleí sí wuu yélai tɛí lókohei kpɔmba w̃ɔ́i sí wú bɔw̃álale tɛí tɔ kɛlaa tɔɔ́ ɣɛ́ kɔlɔ́. Kɛ́ wá laa wú kɔlɔ́ bɔw̃álale aá lɔ́ ɣɛ́ wú vólu kúnafɔ aáva wú báhangɔɔ aa ɣɛ la su.

NJƆÚ 14:26

Kɛ́ kpɔmba w̃ɔ́i, ná wáá ngáá Hɛ́ɛ́ma Ỹínangi lɛ́i ní Kɛ́ɛ́ɣɛ áá va tɔvemá ndááheingi h̃u, aá lɔ áá wú gálambo ngáá faa kpɛ́lɛɛ, aa va í wú gísitɛ faí sítii kpɛ́lɛɛ mba ngí wú gálambonga la.

NJƆÚ 16:3

Nungáitii taá ɣɛ́ taá faí sítii kɛ ngáá wú ye bɔw̃álale nápa taá ní Kɛ́ɛ́ɣɛ ɣéle tɔ kɛ kíli wɔlɔ́ p̃ɛ́ɛ́ kɛlaa nyá.

NJƆÚ 17:3

Kúnafɔ lɛ́ɛ́h̃ui va tɔ ngáá sí ngáá nungáitii ti ɣɛ́ kɔlɔ́ ele wáá ngáá i ye, yɛ́i yí ngáá tɔɔỹaá Yála ngiláá kpéngi ɛ́ɣɛ Jísu Kílisitii lɛ́i yí tɔvengɔ́.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

TI GƐ́Ɛ́ HAÍTII 6:10

Kɛ́ tɛ́i belé hómbo tɔɔ ló ndaa wú kɔwɔ́ato ngi géle ɣelengí wa ɛ́ɣɛ njɛpɛí í ɣɛ́i áá pu Hɛ́ɛ́ma Ỹínangi yákpangi w̃aa véle w̃a.

TI GƐ́Ɛ́ HAÍTII 7:2

Sitívi i ngoo yápoteni, i ɣɛ ta, “Kɛɛɣɛ́ni, í báha náá mu mbálangaitii mba, a wolílo ma! Ngakpá Ngálangi i gulaní a mu kɛ́ɛ́ɣɛ Lébilah̃au yaah̃ú ná h̃u Lébilah̃au í ɣɛ́i nɛ́nɛ ndɔwɔlɔ́i sí h̃u taa naa lolí ngáá Mɛsɛpɔtémiya, ɔ́ɔ́ ɣɛ́a li í héi mbéi tɔ́ɔ́ naa lolí ngáá Hála.

LÓÓMI 1:28

Ná núngai sítiini ti lélenga ngáá tí kisíyai sí ɣéle tɔ mbo ngáá Ngalá, ná lɔ́ í kɛ́a Ngalá ngí lókogulaa tí h̃u ngáá tí ɣɛ́ ti lámal̃a kisiyái nátiini su. Ná lɔ́ í kɛ́a taa ɣɛ́ táá njɔlɔ haá lááli taalingái kpɛ́lɛɛ kɛ.

LÓÓMI 15:6

Ná ná áá ɣɛ́, wáá héiw̃aa ɣɛ náá yíla, wú woo i ɣɛ́ su yíla wúwaa Ngála ndaaw̃áálɛ lɛí í ngáá Kɛɛɣɛí a mu Lemɔ́i Jísu Kílisitii hááw̃a.

KƆ́L̃E HESENDAA GƆLƆÍ 12:8

Hɛ́ɛ́ma Ỹína ngílaa kpéngi aa kɛ ngáá háwu nuí sí áá kele ɣelé kééla wóó le, ná vólu, í kɛ ngáá háwu pekaí áa faa gálangɔ gééla wóo le.

KƆ́L̃E HESENDAA GƆLƆÍ 14:6

Mu mbála Yalá fɛ́li mbélai, ná wɔ́lii ngáá vá ngí yɛ́pɛ wú yéle híí woo vekani su, ná ɛi ɣɛ́ ngáá kulasuunúma wú hááw̃a. Ɛi ɣɛ ngáá kulasuunúma kúlo bɛ́lɛ wú hááw̃a ná ngɛ́i ɣɛ́ sí léi wú w̃a Ngala ngáá ɣɛ́ ngakɛ́i ngáá ngé, ɔɔ faa gálangɔi áá ɣɛ́ kɛ́i ngáá ngé ɔɔ ndaa háá léndai áá ɣɛ́ kɛ́i ngáá ngé ɔɔ kalambo mbóndaa áá ɣɛ́ kɛ́i ngáá ngé.

KƆ́L̃E HESENDAA GƆLƆÍ 2:10

Kɛ́ Ngalá ngí ngi lɔ́ɔ́wu h̃u hái kpɛ́lɛɛ kpɛ́lɛɛ ngákɛa ngáá mu ye kpál̃au ngi Hɛ́ɛ́ma Ỹínangi w̃áá véle w̃a. Hɛ́ɛ́ma Ỹínangi aa faí kpɛ́lɛɛ ngákula mba í lí bɛ́lɛ í to Ngalángi háá h̃uubatɛngítii mba tí ndɔ́ɔ́wu h̃u.

KƆ́L̃E HESENDAA GƆLƆÍ 2:8

Masangái sítii tí ngélewu ti tá fíli taá kele ɣélengi ná yátɔi mba. Kɛbei ti ɣɛ́i ngatɔ́i mba, tɛ́i belé ɣɛ́ Ndemɔí Jísu bakpái kulɔ́sii w̃a ɔ́ɔ́ há, lɛ́i í Ngalángi yákpangi yakɛ́ngɔ kpál̃au.

KƆ́L̃E GƆ́LƆI HELE KÉLEI 12:1

Yonga tévendai sí ɛi faa vánda fíli kɛ́, kɛ́ nyá ngáá ndí ngú ma ngáá yonga tévendai. Kɛ kíya suú í na nyá ngáá yɛ́pɛ naa kɔwɔ́ato faítii mba Ndemɔí í kúlai ngááh̃u ɛ́ɣɛ sítii ngɔ́ɔ́ gélu ngí náá lɔ.

Ɛ́FƐSƆ 1:3

A mú sɛ́ɣɛɛ gula Ngalá ma lɛ́i í ngáá Kɛɛɣɛí Ndemɔí Jísu Kílisitii hááw̃a. I káámaa hɛɛ kpɛ́lɛɛ mbónga mu yɛ ɛ́ɣɛ mu h̃úúyafuw̃angi kɔwɔ́ato kpahaí wa mú su Kílisitii wa.

Ɛ́FƐSƆ 3:5

Hése wɔ́lɔ nungáá taá ɣɛ́i ndɔɔwu h̃ú hái sí wɔ́lɔ, kɛ́ Ngalá ngí kɛngá ngáá háwu Hɛ́ɛ́ma Ỹínangi í ndɔ́ɔ́wu h̃ú hái sí ɣɛ́nga ngáá Ngalángi hɛ́ɛ́ma géélaitii ɛ́ɣɛ ndaa háá lé mbélaitii.

Ɛ́FƐSƆ 4:13

í ló su kpóloo, a mu kpɛ́lɛɛ mu lángi ɣɛ́ kíli í ɣɛ yíla Ngalángi H̃íỹɛndou Loí h̃u, aáva a mu ɣɛ́ kɔ́lɔ pele yílaa su ngáá ele gíte wáá ngáá laá. A mu h̃úú áá bá náá Ngala fái h̃u kíya Kílisitii í na.

FÉLEPA 3:15

A múỹɛi kínɛi mu lóko h̃úú levéngɔ naá Ngala fái h̃u a mú kisíya láálii sí wo. Ná wɔ́lii í gísiyai áá ɣɛ́ léélaa faa tá h̃u, ná ɣéle tɔ bɛ́lɛ Ngalá ngáá maa hái yakɛ́ í yáá kpál̃au.

TÍMOTI GƆ́LƆI HELE KÉLEI 2:25

Í mɔ́ɔ́ sítii kalambo ngáá ndiilɛi taa w̃aaɣaali ngáá ngí gálambo mbóndai. Tɛingaa Ngala ngáá kɛ ngáá háwu ti lii í vóte ti ɣɛ́ tɔɔỹái wɔlɔ.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

JIMISÍ 2:1

Mu mbála Yalá fɛ́li mbélai, wɛ́i wú lángɔ ngáá Ndemɔí Jísu Kílisitii lɛ́i kaámaangɔ, a waá nuu h̃úúwɔlɛ.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

FAA YÁKƐ KƆ́LƆI 7:12

“Amíína! A mú sɛ́ɣɛɛ gula mu Yálangi w̃a, mú ndaaw̃áálɛ, mú ngufema hé mbɛ ngi géle ɣelengi hááw̃a, ngi h̃úúbangi ɛ́ɣɛ ngi yakpángi hááw̃a, kúnafɔ taá ngí ndá gúnafɔ! Amíína!”