Ɛ́FƐSƆ 1:15 - Kɛ́lɛ Niinaí

^15-16 Náá hááw̃a, sí kpɛ́lɛɛ Ngala ngí kɛ́a, kíya fíli ngáá ɣɛ́a Ngala fɛ́li, ngáá sɛ́ɣɛɛ gula Ngalá má wú yɛ́ í séi ná h̃úu w̃á ngí fáa ỹɛ́nini kɔwɔ́ato ndangí wa wú su ngáá Ndemɔí Jísu ɛ́ɣɛ ndongí wú su ngáá Ngalángi vóngaitii kpɛ́lɛɛ.

Ɛ́FƐSƆ 1:15 Iomraidhean Croise

TI GƐ́Ɛ́ HAÍTII 20:21

Ngí ndengá Júsuaitii ma taa sítii taa ngáá Júsua ngáá kɛ tí vóte Ngalá mba, tí vólu yáfe ti háá ỹɔítii mba, ti lá ngáá mu Lemɔ́i Jísu.

LÓÓMI 1:8

Maifɔ́lɔ mbáá ngáá, ngáá sɛ́ɣɛɛ gula Ngalá ma wú hááw̃a Jísu Kílisitii w̃áá véle w̃a bɔw̃álale, wú w̃áá woo híyangɔɔ lé hááli hááli ỹandá kpɛ́lɛɛ ndɔwɔlɔ́i sí h̃u kɔwɔ́ato wú lángi wa wú sú ngáá Jísu Kílisitii.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 1:1

Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ nyɛ́i ngi ngáá Jísu Kílisitii géélai áá gúla Ngalángi háá h̃uubatɛ su. Nyá lɔ́ ngáá Kɔlɔí sí vɔ́nɛ wú yéle wɛ́i wú ngáá Ngalángi vóngaitii taí sí h̃u taa tolí ngáá Ɛ́fɛsɔ, wɛ́i wáá híɣengɔ tɔ́wɔbaɣa vélei sí wa wú lɛ́ɛ́h̃ui h̃u wú kpáhangɔ Jísu Kílisitii wa.

Ɛ́FƐSƆ 3:18

kɛinɔɔ́ wá p̃ɛ́ɛ́ ɛ́ɣɛ Ngalángi vóngaa vekaítii wú hómbo wú ngatɔ́ mba kpál̃au kíya Kílisitii lóngɔ ngáá wú ye ngwala ngáá suulɔ́vengɔ.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 4:9

Ná áá lí náa í tó ndongí wá kule í ma í ɣɛ́ a mu lówah̃u a maá mu mbála Yalá fɛ́li mbélaitiini, nɛ́i mɔ́ɔ lo kɔlɔ vɔ́nɛma wú yéle kɔwɔ́ato ná wa sífaa, Ngalá kpúte lɔ í wú galámbongɔ ngáá wú ló ngáá ỹɔw̃ɔ́ ỹɔ́w̃ɔ.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI HESENDAA GƆLƆÍ 1:14

Faa bɔ́wɔi Ndemɔí Jísu í kɛ́i mbɛ́ suuwɔ́ɔ́lɔngɔɔ lé ngwala. Faa bɔ́wɔi sí vá tɔ í kɛngá ngáá háwu ngí lángɔ ngáá Jísu Kílisitii, ngí ló ngáá ní mbála Yalá fɛ́li mbélaitii. Ndangí ɛ́ɣɛ ndóngi sítii pa tɔ taa ɣɛ́ nuu fíli su kpahangɔ áá ɣɛ́ la Jísu Kílisitii wa.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

FELÉMO 1:5

bɔw̃álale, ngí fáá ỹɛ́ninga kɔwɔ́ato ndongí wa yí su ngáá Ngalángi vóngaitii kpɛ́lɛɛ ɛ́ɣɛ ndangí yí su ngáá Ndemɔí Jísu.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

NJƆÚ HESENDAA GƆLƆÍ 3:17

Ná nuu áá ɣɛ́ na toko i mbɛ́ aáva í ngí mbála Yalá fɛli mɔ́i lɔ i kpeɣé sú, kɛ́ í yaah̃ú w̃ááleve ngáá ngi mbála Yalá fɛli mɔ́i ná, kɛ aa ɣelé ndé náá ngáá Ngalángi lóngi lɔ́ ndií h̃u?

NJƆÚ HESENDAA GƆLƆÍ 4:21

Savaí Jísu Kílisitii í féngɔ mu yaá aá wáa ngáá sí, nuí fíli áá ɣɛ́ loi ngáá Ngalá, kule lɔ́ ma í ló ngáá ngi mbála Yalá fɛ́li mɔ́i.