Ɛ́FƐSƆ 1:14 - Kɛ́lɛ Niinaí

¹⁴ Hɛ́ɛ́ma Ỹínangi í mú volú i kɛngá a mu ɣɛ́ kɔlɔ ngáá sí Ngalángi í ngi vóngaitii kuulongɔ la, aa kɛ. Aáva í mɔ́ɔ kɛ mu ɣɛ́ kɔ́lɔ ngáá sítii ti ngáá Ngalángi vóngaitii tí wumááwongɔ áá ɣɛ́ la. Ná vá tɔ́ í kɛ́a táa Ngalá ndaaw̃áálɛ ngi yákpangi hááw̃a.

Ɛ́FƐSƆ 1:14 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:28

Ná fái sítiini taá pɛ́lɛ naa ɣɛmá, wú yááh̃u í ɣɛ́ péle h̃u bɔw̃álale wú wúmaawo sɔ́wɔi wul̃á áá ɣɛ́ áá bɛ́ɛ́ mba.”

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 20:32

Ná Pɔ́ɔ í vílani sí léma ti w̃a, kɛ i ɣɛa ta, “Ngí wú gáihanga náa Ndemɔí Ngalá ma ɛ́ɣɛ ngi gééla wói kɔwɔ́ato ngi háá bɔwɔ longí wa. Laá lɔ́ áá suuba fé wú yáá ɛ́ɣɛ í nɛ́ɛ́ma yéi wú w̃á sí Ngalángi ngandɔ́ɔ́lɔngɔ nungáitii kpɛ́lɛɛ fááw̃a í ti ɣɛ kíli batɛngá bɔwɔ́ hááw̃a.

LÓÓMI 8:23

Aa gɛɛlɛí nɔ́ɔ ná wa, kɛ́ a muỹá ɣéle tɔ Hɛ́ɛ́ma Ỹínangi lɛ́i í ngáá Ngalangí hésendaa hembɛ wɔ́lingi i mú vólu, muỹá lɔ́ɔ́ líílɔlɔ nɔ́ɔ faa bámai yáá a múwaa naa w̃áálɛlɛ ngáá í ló sú kpóloo ná h̃ú Ngalá ngáá vá ngákɛma ngáá a muỹá lɔ́ ngáá ngi léngaa. Kɛ ná vá mbaa ngáá, a mu lúwui sí ɣéle tɔ ngumáá lɔɔ vá wóma.

KƆ́L̃E HESENDAA GƆLƆÍ 1:30

I kɛngɔ́ ngáá háwu mu báha su maa Jísu Kílisitiini. Í mú ɣɛ́ ngáá kele ɣéle mbélaa, í mu yeɣé ngáá telembo mbélaa laá búte yaá ɛ́ɣɛ í mu w̃ááw̃uỹa fó fóndei, ná vólu, í mu wúmaawo mu háá ỹɔítii ngeyá. Ngala pá i sí kpɛ́lɛɛ kɛ́ngɔ mu yɛ Jísu Kílisitii w̃áá véle w̃a.

KƆ́L̃E GƆ́LƆI HELE KÉLEI 1:22

ɛ́ɣɛ i lokovo ndónga mu w̃a ngáá kɛ muỹá lɔ ngáá ngi vóngaa. Ngalá tɔ í kɛ́a ngáá háwu ngi H̃ɛ́ɛ́ma Ỹínangi í mu volu ngakɛ́ fááw̃a ngáá kuulóngitii mbóngɔ ngáá mu ye tiyá lɔ́ɔ vá hítɛma nga.

KƆ́L̃E GƆ́LƆI HELE KÉLEI 5:5

Ngalá pá tɔ í mú ɣɛ kíli batɛa háwui sí hááw̃a laáva i Hɛ́ɛ́ma Ỹínangi héa mu yaá. Ná vá tɔ áá ngákɛ kpál̃au ngáá sítii í suubátɛngɔ mu haáw̃a tiyá lɔ́ɔ vá hítɛma nga.

GALÉSIYA 4:6

Sífaa wú ngáá Ngalá ndéngaa kíya nɔ́ɔ ní na, i kɛngɔ́ ngáá háwu ngi H̃íỹɛndou Loí Ỹínangi í ɣɛ́ mu volú, lɛ́i áá kɛ ngáá háwu aa maá Ngala tóli ndaanɛɛ h̃u, maa ɣɛ́ tá, “Kɛɛɣɛ́, Kɛɛɣɛ́.”

Ɛ́FƐSƆ 1:11

Faí kpɛ́lɛɛ aa ɣɛ kɛ kíya Ngalá ngáá ɣɛ́ loí tí ɣɛ́. Ngalángi lokolongɔ́ ni wa ngáá ngi vóngaa kpahaí wa mú su Kílisitii wa. I sí ɣɛ́ngɔ bɔw̃álale sí lɔ́ í suubátɛngɔ ngáá í kɛ́ tɔkúla héimai wɔ́lɔ kpɔ́lɔɔ

Ɛ́FƐSƆ 1:12

kɛinɔɔ́ ní láa Ngála ndaaw̃áálɛ ngi yákpangi hááw̃a niỹɛí hése ni yaah̃ú í ɣɛ́ngɔ Kílisitii lúwɔ.

Ɛ́FƐSƆ 4:30

Wálaa Ngalángi Hɛ́ɛ́ma Ỹínangi w̃ááw̃aanu ngáá ngoo ỹɔ́u ỹɔ́u ndendáá. H̃ɛ́ɛ́ma Ỹínangi lɔ áá ngakɛ́ ngáá kɛ wá lɔ ngáá Ngalángi vóngaa, í mɔ́ɔ ngakɛ́ ngáá kɛ táingi lɔ́ɔ fólo ma Ngalá ngí wú wúmaawo.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.