Ɛ́FƐSƆ 1:13 - Kɛ́lɛ Niinaí

¹³ Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

Ɛ́FƐSƆ 1:13 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:13

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú naa wɔlɔ́ ŋani vandá héma wú léngaitii ngeyá, kɛlaa ɣéle p̃ɛ́ɛ́ wú Kɛ́ɛ́ɣɛ Ngalá í ngelegóóh̃u aa Hɛ́ɛ́ma Ỹínangi he sítiini ngeyá taá mɔɔní faaw̃a!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:49

Sí ní Kɛ́ɛ́ɣɛ í wú gúúlongɔ la, nyá ngáá kɛ ngáá háwu wú mááhɔlɔ. Kɛ́ a ló mbéinda taa walái sí h̃u í ló su kpóloo Ngalángi yákpangi áá gúla ngelegóóh̃u wú maahɔ́lɔ.”

NJƆÚ 1:17

Ngalá ngí savaítii fení Muusé yáá ngáá ná í fé nungáitii ngeyá. Kɛ́ faa bɔ́wɔi ɛ́ɣɛ tɔɔỹái kɔwɔ́ato Ngala mba a mu nátii maahɔ́lɔngɔ Jísu Kílisitii w̃áá véle w̃a.

NJƆÚ 14:26

Kɛ́ kpɔmba w̃ɔ́i, ná wáá ngáá Hɛ́ɛ́ma Ỹínangi lɛ́i ní Kɛ́ɛ́ɣɛ áá va tɔvemá ndááheingi h̃u, aá lɔ áá wú gálambo ngáá faa kpɛ́lɛɛ, aa va í wú gísitɛ faí sítii kpɛ́lɛɛ mba ngí wú gálambonga la.

NJƆÚ 15:26

Ná kpɔmba w̃ɔ́i áá va lɛ́i ngíwaa vá tɔ́vema wú yéle áá gúla ní Kɛ́ɛ́ɣɛ yelé í ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mba, aá lɔ áá vá faa léma kɔwɔ́ato mbá.

NJƆÚ 3:33

Aáva nuí fíli áá lokohéi ngi gééla woí wu, kɛ maa w̃ɔ́i i ngakɛ́a kpál̃au ngáá Ngalá tɔwɔ́ báɣangɔɔ lé.

NJƆÚ 6:27

A waa yénge mɛɛníi sí hááw̃a ɛ́i lɛ́mbi, kɛ́ aá ɣéle, a yenge mɛɛníi sí hááw̃a áá lɛ́mbi aáva wáá kúnafɔ lɛ́ɛ́h̃ui w̃aahɔ́lɔ su. Mɛɛníi sí nuí síí w̃ɔ́i taa ɣɛ́ ma Nuu Búsa Goo H̃ú Loí áá fé wú yáá. Sífaa, laa lɔ Ngalá ngí ngakpá féngɔ ngeyá í ngáá Kɛɛɣɛi Ngalá tókovongi í ma.”

TI GƐ́Ɛ́ HAÍTII 1:4

Folo yílaa, Jísu taá Ngalángi géélai nátii ti ɣɛ́i taá laaỹɛ́ ỹanda yílaa. I ndení ti w̃a ndaaỹɛɛ mbomái sí i ɣɛ ta, “Wálaa gúla Jɛlúsɛl̃ɛ taa walái wa, kɛ́ wáá fembɛ wɔ́lingi w̃áálɛlɛ ní Kɛ́ɛ́ɣɛ í maagúúlo mbongɔ́ sí wú mɛningá ngí yɛ́pɛ kɔwɔ́ato mba.

TI GƐ́Ɛ́ HAÍTII 13:26

Pɔ́ɔ í mɔ́ɔ ɣɛ ta, “Mu mbálangaa, muỹɛ́i mu ngáá Lébilah̃au laala lengáitii ɛ́ɣɛ wɛ́i wáá ngáá Júsua kɛ́ wáá Ngala fɛ́li, a muỹá lɔ ti keela woí sí léi mu yɛ kɔwɔ́ato ngumaawóngi wa, tí tɔvengɔ́ mu yelé.

TI GƐ́Ɛ́ HAÍTII 2:33

Ngalá ngí séinga ngufema ỹándai kpéla ngi w̃ásandai h̃u. I Hɛ́ɛ́ma Ỹínangi w̃ááhɔlɔnga áá gúla Kɛɛɣɛí Ngalá ngéya. Hɛ́ɛ́ma Ỹínangi sí vá tɔ́ Ngalá ngí maagúúlo mbongɔ́. Ná vólu, sí naá wú waa mɛni náa nde ɛ́ɣɛ sí wúwaa naa lɔ náa kɛ, maa Hɛ́ɛ́ma Ỹínangi lɔ náá í ní volú.

LÓÓMI 1:16

Ngáá wúfema ngáá Ngalángi gééla woo vandaí bɔw̃álale, aá lɔ í ngáá Ngalángi yákpangi ngumaawóngi hááw̃a nuu fíli fááw̃a áá lá la. Maifɔ́lɔ mbélaitii í ɣɛ́ngɔ ná ti haáw̃a tiyá wáá ngáá Júsuaitii, náa vólu yélaitii mbaa ngáá sítii taa ngáá Júsua.

LÓÓMI 4:11

Laá ɣéle, Lébilah̃au i tɔve pɛlɛ́ vólu w̃aahɔ́lɔni kɛinɔɔ́ í ngákɛ ngáá kɛ Ngalá ngí ngeɣénga ngáá telembo mɔ́ɔ́ ndangí w̃áá véle w̃a í ɣɛ́i su ngáá Ngalá p̃ɛ́ɛ́ ɔ́ɔ́ ɣɛ́a tɔve pɛlɛ́ vólu w̃aahɔ́lɔ. Ná vá tɔ í kɛ́ngɔ Lébilah̃au í ngáá kɛɛɣɛ́ walaí sítii kpɛ́lɛɛ fááw̃a Ngala ngáá ti yeɣé ngáá telembo mbélaa ndangí w̃áá véle w̃a taa ɣɛ́ sú lá, kíya bɛ́lɛ tí lɔ́vengɔ láá lé pɛ́lɛ vólu.

LÓÓMI 6:17

Nuu áá sɛ́ɣɛɛ gulá Ngalá ma ngáá kíya bɛ́lɛ wú ɣɛ́i ngáá nduwɔ lopóa ɣɛ́ kíli faa ỹɔ́u ɣɛ́ndai h̃u kɛ́ wú bɔ́wɔ gulangá kɛ́lɛma fó fóndei tɔɔỹaá galambongí sí wu, wú mááhɔlɔni.

KƆ́L̃E GƆ́LƆI HELE KÉLEI 1:22

ɛ́ɣɛ i lokovo ndónga mu w̃a ngáá kɛ muỹá lɔ ngáá ngi vóngaa. Ngalá tɔ í kɛ́a ngáá háwu ngi H̃ɛ́ɛ́ma Ỹínangi í mu volu ngakɛ́ fááw̃a ngáá kuulóngitii mbóngɔ ngáá mu ye tiyá lɔ́ɔ vá hítɛma nga.

KƆ́L̃E GƆ́LƆI HELE KÉLEI 6:7

ɛ́ɣɛ tɔɔỹaá gééla woí náa nde ɛ́ɣɛ Ngalángi yákpangi h̃u í ní yaá. Ni lélembongi ní su, laá lɔ í ní yaá ngáá ni gɔ́ɔ́ wɔ nyáákai naa lápi la ni mɔ́ɔ w̃aaɣawó la.

GALÉSIYA 3:14

Jísu Kílisitii í sí ɣɛ́ni kɛinɔɔ́ nɛ́ɛ́mai Ngala ngí maa gúúlomboni ngáá Lébilah̃au, maanɛ́ɛ́mai í fólo sítii ma taa ngáá Júsua aáva taa maahɔ́lɔ Jísu Kílisitii w̃áá vele w̃a, ná vólu, kɛinɔɔ́ ndangí w̃áá véle w̃a a maa ɣɛ́ su ngáá Jísu, Hɛ́ɛ́ma Ỹínangi Ngala ngí maa gúúlo mboní í ɣɛ́ mu vólu.

Ɛ́FƐSƆ 4:21

Ngí kɔ́lɔ ngáá wú faá ỹɛ́ninga kɔwɔ́ato Jísu wa wɛ́i wú ngáá polú yélaitii. Ti wú gálangɔ ngáá tɔɔỹaá gééla woo vandaí kɔwɔ́ato mba.

Ɛ́FƐSƆ 4:30

Wálaa Ngalángi Hɛ́ɛ́ma Ỹínangi w̃ááw̃aanu ngáá ngoo ỹɔ́u ỹɔ́u ndendáá. H̃ɛ́ɛ́ma Ỹínangi lɔ áá ngakɛ́ ngáá kɛ wá lɔ ngáá Ngalángi vóngaa, í mɔ́ɔ ngakɛ́ ngáá kɛ táingi lɔ́ɔ fólo ma Ngalá ngí wú wúmaawo.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TÍMOTI GƆ́LƆI HELE KÉLEI 2:15

Yenge ngáá hɛmbɛ kpɛ́lɛɛ kɛinɔɔ́ yí Ngalá ndiilɛi. Ɣɛ́ ngáá Ngalá ngénge mɔ́ɔ vánda ngáá yɛi wúfe ngáá ngengengí yíwaa mbo, yí ɣɛ ngáá nuu áá tɔɔỹáa gálambongi wo ngáá pangɔ́.

TÍMOTI GƆ́LƆI HELE KÉLEI 2:19

Kɛ́ Ngala tɔɔỹáa geela woí gulangɔ́ɔ́ lé ngáá pɛlɛ́ gɔ́wɔ h̃úúbangɔ Ngalá ngí sítɛngɔ ɛi liilí. Ngói sítii pá pɔnɛngɔ́ pɛ́lɛ gɔ́wɔi sí w̃á tiyá waa ngáá sí í ɣɛ́ngɔ tá, “Ndemɔí Ngalá ngi kɔlɔ sítii tí ngáá ngi vóngaa” aáva “Nuí fíli áá ɣɛ́ ta aa lɔ Ngalá fááw̃a, kɛ maa w̃ɔ́i í vólu yáfe faa ỹɔ́u ɣɛ́ndai wa.”

TÍMOTI GƆ́LƆI HELE KÉLEI 3:15

Yí kɔ́lɔ ngáá yí lói ngáá ndopo gúlo yí ɣɛ́ Hɛ́ɛ́ma Yála Kɔ́lɔi wɔ́lɔ. Kɔlɔí sí vá tɔ áá kɛ nuu áá ɣɛ́ faa wɔ́lɔ kɔwɔ́ato ngumaawóngi wa nuu áá mááhɔlɔ ndangí h̃u nuu áá ɣɛ́ su ngáá Jísu Kílisitii.

TÁITƆ 2:11

Kule lɔ Ngala fɛ́li mbélaitii ma ti lúva h̃íí ná sífaa, Ngalá ngí ngi háá bɔwɔí yákɛnga. Ná wáá ngáá, ngumaawóngi áá mbo ngáá núu kpɛ́lɛɛ.

HÍBULU 2:3

Ngimɔ́ɔ́ nɔ́ɔ mɔ́ɔ́ í ná ngáá Ndemɔí Jísu hése tɔ í fáá léni mu w̃a kɔwɔ́ato ngumaawóngi wa. Sítii pa tí ngoo ỹɛ́nini tiyá lɔ́ náá tí ngákɛngɔ ngáá mu ye ngáá kɛ tɔɔỹaá le. Ngalá bɛ́lɛ i ngakɛ́ngɔ ngáá mu ye ngáá tɔɔỹaá le ngáá faí sítii kɛ́ndaa bɛ́kpɛ. Ná wáá ngáá, káámaa haítii ɛ́ɣɛ kíndaa vilí fáitii kɛ́ndaa ɛ́ɣɛ múl̃ɔ kíya áá kɛ ngáá háwu Hɛ́ɛ́ma Ỹínangi áá ɣɛ́ mú volú kíya áá ɣɛ́ loí í ɣɛ́ mu yilá ngíla pólu. Ná ná áá ɣɛ, a maá ɣéle w̃áávela faa bámai wa Ngala ngáá vá ndáma mu w̃a ná á maá wóli híɣe ngumaawó kééla woo walaí sí w̃a Ngala ngí kúlangɔ kɛ́lɛma?

JIMISÍ 1:18

Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

PÍTƐ HESENDAA GƆLƆÍ 2:10

Hése wáá ɣɛ́i ngáá Ngalángi vóngaa, kɛ́ sí h̃úi wá lɔ́ náa ngáá Ngalangí vóngaa, ná vólu, wáá ɣɛ́i ngi yááh̃u w̃ááw̃aanui wɔ́lɔ kɛ́ wú ngi yááh̃u w̃aaw̃aanuí w̃aahɔ́lɔnga naa ngeyá.

FAA YÁKƐ KƆ́LƆI 7:2

Kɛ ngí mɔ́ɔ malékai ta lɔngá áá gúla ngáá foló gúla máa veleí áá vá, Ngalangí sí ndɛɛh̃úi í su, ngi lókovongi í ngeyá. Malékai sí í yɛpɛní woo wála h̃u malékaa nááningɔitii ngelé tiyɛ́i Ngala ngí ngákpa féi tí yáa ngáá tí ndɔwɔlɔ́i ɛ́ɣɛ yívoi ỹááni.