Ɛ́FƐSƆ 1:10 - Kɛ́lɛ Niinaí

¹⁰ Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

Ɛ́FƐSƆ 1:10 Iomraidhean Croise

MÁFIYU 25:32

nuí kpɛ́lɛɛ pá tí lengɔ́ ngeleí sí wu, ti yatɛ́ngɔ aa ɣɛ lá mbá kakála, aáva aa ti yakɔ́lɛma kíya nɔ́ɔ mbaala w̃ááh̃u béle mɔ́i áá mbáálaitii ngakɔ́lɛma taá njeéngaitii.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:15

I ɣɛi áá ɣɛ́ ta, “Táingi i folónga ma, Ngalángi w̃ásandai lɔɔ vá í ɣɛ́ nuu kpɛ́lɛɛ mááh̃u h̃umbuwa. Faalɔ, a vólu yáfe wú háá ỹɔítii mba, wú la ngáá Ngalángi gééla woo vandaí!”

KƆ́L̃E HESENDAA GƆLƆÍ 10:11

Faí sítii ti híyani ngáá ti ye ngáá ti ɣɛ́ ngáá kalambo mu haáw̃a aáva ti vɔ́nɛngɔɔ lé ngáá ti ɣɛ́ ngáá ndaahí ngóó mu haáw̃a. Sífaa muỹá lɔ náa ngetéyangi h̃u, kuí sí w̃a suu áá mɔ́ɔ gooh̃á kɛ ngakɛ́ɛ́lɛmai i foloá ma.

KƆ́L̃E HESENDAA GƆLƆÍ 11:3

Ndóngɔɔ lé wú ngátɔ mba ngáá kɛ siỹɛ́ngi fíli maah̃u w̃ɔ́i waa ngáá Kílisitii. Aáva nyah̃ái fíli maah̃u w̃ɔ́i waa ngáá ngi h̃íỹɛngi. Kílisitii vá maah̃u w̃ɔ́i waa ngáá Ngalá.

GALÉSIYA 4:4

Kɛ́ ná kúi kái káingi í fóloni ma, Ngala ngí ngi H̃íỹɛndou Loí lɔ́veni ngelewu. Ngi njéé i ɣɛi ngáá nuu búsa, aáva i góloni sávaitii mbu Ngala ngí féni Muusé yáa,

Ɛ́FƐSƆ 1:22

Ngala ngí ngakpá féngɔ Kílisitii yáa ŋani kpɛ́lɛɛ mááh̃u í mɔ́ɔ́ kɛ ngáá ngutuwɔɔ́ w̃ɔ́ɔ́ walaí Ngala fɛ́li mbélaitii faaw̃a.

Ɛ́FƐSƆ 2:15

I Júsuai tí hávaitii ngi háá bɛni nga í ɣɛ́i na í ɣɛ́i áá nungái nguto kɛinɔɔ́ Júsuai ɛ́ɣɛ sítii taa ngáá Júsua ti ɣɛ́ ngáá nuu yílaa, tí báhangɔ í ɣɛ́ la su Jísu wa. Ná lɔ í kɛ́nga ndiihéi í híí félengɔi sítii ndówa h̃u.

Ɛ́FƐSƆ 3:15

lɛ́i í kɛ́ngɔ ngáá háwu sítii kínɛi ti ngelegóóh̃u ɛ́ɣɛ ngélewu tí ná.

Ɛ́FƐSƆ 3:2

Kɛ́ nɛ́nɛ p̃ɛ́ɛ́, ndángɔɔ lé lá ngáá wáá ɣɛ́ faa yɛ́ninga kɔwɔ́ato ngengengí sí wa Ngalá ngí féngɔ ngéya ngi háá bɔwɔí w̃áá véle w̃a ngáá ngí mbo áá wú gúlah̃uunuma.

KƆLƆ́SE 1:16

sífaa Kílisitii w̃aa véle w̃a lɔ́ Ngalá ngi ŋáni kpɛ́lɛɛ kpátɛngɔ ma tí ngelegóóh̃u ɛ́ɣɛ ngélewu, sítii máá ti lɔ ɛ́ɣɛ sítii mɔ́i tí lɔ, í báha náá ngakpa ŋániaitii mba ɛ́ɣɛ ndɔwɔlɔ w̃ásangaitii. Ngalá ngí ŋani kpɛ́lɛɛ kpátɛngɔ Kílisitii w̃áá véle w̃a ɛ́ɣɛ laa Kílisitii í ngúfema w̃ááhɔlɔ ti w̃áá véle w̃a.

KƆLƆ́SE 1:20

Saaɣá haí Ngalángi H̃íỹɛndou Loí í mbóngɔ kulɔ́sii w̃á i kɛ́a ngáá háwu Ngalá ngí ndówah̃u batɛ́ wó ti lówah̃u taá ŋániitii kpɛ́lɛɛ. Máá hái lɔ í kɛ́ngɔ ngáá háwu Ngalá ngí váángɔ ngáá ndiihéi vólu í mɔ́ɔ́ kɛ ngáá háwu ŋaniáitii kpɛ́lɛɛ ti ngélewu ɛ́ɣɛ ngelegóóh̃u tí ɣɛ́ múl̃ɔ ngáá ngi ndá.

KƆLƆ́SE 3:11

Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.

HÍBULU 1:2

Kɛ́ muỹɛ́i náa mu ngapumáá yéteyangi sí h̃u, i yɛpɛngá mú yelé ngi H̃íỹɛndou Loí w̃áá véle w̃a. Ngala ngí mɔ́ɔ kɛngɔ́ ngáá háwu ngeleí sí wu í ɣɛ́ na ngi lói sí w̃áá véle w̃á. Laáva tɔ nɔ́ɔ múl̃ɔ Ngala ngí lókolongɔ mba ngáá faa kpɛ́lɛɛ í ngápu toko h̃u.

HÍBULU 11:40

sífaa Ngalá ngí ɣɛi faa h̃uubátɛ pánda wóni mu kpɛ́lɛɛ fááw̃a í lɔ́ve kúúlongi sí wa í ɣɛ́i mbóni ngáá ti yé. Ná wáá ngáá, í ɣɛ́i lói ti ɣɛ́ kíli batɛngɔ́ í ɣɛ́ la fó fóndei maa tiyéni.

HÍBULU 9:10

Nátii tiyá lɔ́ nɔ́ɔ́ ngáá faaní kɔwɔ́ato mɛɛníni mba ɔɔ kpɔle wɔlíngaani mba ɔɔ pele vekáitiini nuu búsa áá kɛ bɛ́kpɛ faa ỹɔ́itii ngúya fááw̃a nuu w̃a. Nátii kpɛ́lɛɛ taa ngáá faá tɔ́ɔ́ nuu búsa líí w̃áálovi, ti ɣɛ́i nɔ́ɔ́ na ngáá ti ló ná kpóloo í ló su Ngala ngí fáitii kpɛ́lɛɛ kɛ́ kíli batɛ́ vólu.

PÍTƐ HESENDAA GƆLƆÍ 1:20

Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.