TI GƐ́Ɛ́ HAÍTII 9:2 - Kɛ́lɛ Niinaí

² í mɔ́ɔ́ni ngáá ná í kɔ́lɔni fé ngeyá ngáá í lí ngáá ti ye Ngala fɛ́li máákpɔ wotaítii mbu ti ɣɛ́i taí ná h̃u taá naa lolí ngáá Damásikɔ, kɛinɔɔ́ ná ɔ́ɔ́ nuu fíli tɔ́ i Jísu Ndá Vélei w̃a ɔ́ɔ́ bɔ́ɔ́ ɣɛ ngáá siỹɛ́ ɔɔ nyah̃á, í ti hóu ngáá pelésina, í lí ngáá ti ye Jɛlúsɛl̃ɛ taa walái h̃u.

TI GƐ́Ɛ́ HAÍTII 9:2 Iomraidhean Croise

MÁFIYU 10:17

A w̃aah̃ú béle, nungáá lɔ na tiyɛ́i taa ɣɛ́ taa wú hóu, táá lí ngáá wú ye kóótiitii su. Aáva taa ɣɛ́ taa wú léve ti Yála fɛli máákpɔ wotaítii mbu.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

TI GƐ́Ɛ́ HAÍTII 18:25

I ɣɛi náa kalambo ngéɣeni kɔwɔ́ato Ndemɔí Jísu Ndá Veleí wa. I yɛpɛní tɔɔỹáá veleí wa ngwála, ná vólu, i kalambo mbóni sí í ɣɛ́i ngáá tɔɔỹáá kái kái kɔwɔ́ato Jísu wa. Kɛ́ ná fíli su, i ɣɛi nɔ́ɔ́ léi faa wɔ́lɔ kɔwɔ́ato Ngúya Wo Mɔ́i Njɔú wúya wondái wa.

TI GƐ́Ɛ́ HAÍTII 19:23

Ná h̃uu lɔ́ kpɔɔlɔ wála í gúlani Ɛ́fɛsɔ taí h̃u kɔwɔ́ato Ngala fɛ́li pélei sí wa taá tolí ngáá Ndemɔí Jísu Nda Vélei.

TI GƐ́Ɛ́ HAÍTII 19:9

Kɛ́ ná fíli su, ti lɛ́ingaa taá lókoheini tɔɔỹái wu kɛlaa tɔɔ́ lá la. Kɛ́ ti ngoo ỹɔ́u ỹɔungaa lení ma kɔwɔ́ato Ndemɔí Jísu Nda Vélei wa kpɔngí ná gakála ti ɣɛ́i na. Faalɔ, Pɔ́ɔ i gulaní naa wa taá pólu yélaitii, tí lí taa tiyéi lómu walaí sí h̃u í ɣɛ́i pɛlɛ́ wálai sí wu, siỹɛndópoi ná taa ɣɛ́ ma Telánɔ ɔ́ɔ́ yɛ́pɛ na nungáitii ngelé. Naa vá tɔ ɔ́ɔ́ yɛpɛ na tí yelé hɔ́wɔ fíli.

TI GƐ́Ɛ́ HAÍTII 24:14

Kɛ́ aáva, ngáá luw̃á ma ngáá kɛ Ngalangí sí ni káwalani tɔ́ɔ́ fɛli, laá lɔ ngáá fɛli. Ná wáá ngáá, nyá lɔ Ngala fɛ́li pélei sí w̃a taá ɣɛ́ ma Ndemɔí Jísu Ndá Vélei. Aá vá tɔ ní háá vɛlɛ mba yélaitii táa nde ngáá kɛ ndɛɛ vélee le. Aáva ndángɔɔ lé ngáá sí kínɛi savaí Ngalá ngí féni Muusé yáá í ndéngɔ ma ɛ́ɣɛ sí Ngalá ndaa háá lé mbélaitii ti pɔnɛní.

TI GƐ́Ɛ́ HAÍTII 24:22

Aáva Masangí Fílesi lɛ́i í ɣɛ́i faa wɔ́lɔ kpál̃au kɔwɔ́ato Ndemɔí Jísu Ndá Vélei wa i kpɔɔlɔ́i w̃aa hóuni, í nde ti w̃a, i ɣɛ ta, “Ná Lésiya lɛ́i í ngáá sóyaitii ti w̃ááh̃u w̃ɔ́ɔ́ walaí áá ɣɛ́ vaaní, ngáá wú bɔ́ɔ́lɔi waaléve naa.”

TI GƐ́Ɛ́ HAÍTII 26:10

Aáva ná va tɔ nɔ́ɔ ngí kɛní jɔ́ Jɛlúsɛl̃ɛ. Ngala sááɣa gula mbélai ti wutúwɔaitii tí ngakpá féni ngéya ngáá ngí Ngalángi vóngaitii kpih̃íw̃aa víli kpindi vɛlɛ́ wu. Ná laáva tɔ́ɔ ɣɛ́a ti tá váa, nyá bɛ́lɛ ngɔ́ɔ́ lúw̃a ma ngáá í ɣɛ́.

TI GƐ́Ɛ́ HAÍTII 26:12

Kɛ Pɔ́ɔ i mɔɔ ɣɛa ta, “Maa híyangi tá yiláá sú, ngí ɣɛ́i ngáá lí Damásikɔ ngáá ngakpángi Ngala sááɣa gula mbélai ti wutúwɔaitii tí féni ngéya ɛ́ɣɛ sí tí ndéni má ngáá ngí kɛ.

TI GƐ́Ɛ́ HAÍTII 6:9

Kɛ́ mbaahílima yélaitii ti ɣɛ́i na. Mbaahílima yélai ti gúlani kotái sí wu tɔ́ɔ́ tolí ngáá Ngala fɛ́li máákpɔ wotái nduwɔ lopóai faaw̃a ti wumaawongɔ́ í ɣɛ́i la. Ti ɣɛ́i ngáá Júsua aáva ti lɛ́ingaa ti gúlani taa walá walaí sítii su taa ti lolí ngáá Saílini ɛ́ɣɛ Alɛsáánduya. Júsua vekáitii pa ti gúlani tataí sítii su taa ti lolí ngáá Silísiya ɛ́ɣɛ Ésiya. Nungái sítii tɔ tí maaɣaalíi vɛ́lɛni Sitívi wa.

TI GƐ́Ɛ́ HAÍTII 7:19

I mu vóngaitii ngakpólowani, í tí h̃úúhou kíli ỹɔu wo gíte áá faa bɔ́lu ti la áá mɔ́ɔ́ kɛ ngáá háwu táá ti léngaitii pili vilí kɛinɔɔ́ ti há.

TI GƐ́Ɛ́ HAÍTII 9:14

Aáva i vaangá mbéinda ngáá ngakpá áá gúla Ngala sááɣa gula mbélai ti wutúwɔaitii ngeyá ngáá í nuu fíli sóu áá Ngála fɛ́li í lááheingi h̃u.”

TI GƐ́Ɛ́ HAÍTII 9:21

Sítii kínɛi tí ngoo ỹɛ́nini, ti gindáá vílingɔ i ɣɛi la. Kɛ tí mɔɔningí wónga, ti ɣɛ́ ta, “Kɛ́mbɛ siỹɛndópoi sí lɔ í ɣɛ́ngɔ áá faa bá nda sítii ma ti ɣɛ́ngɔ taá Ngala fɛ́li Jísu laahéingi h̃u Jɛlúsɛl̃ɛ? Kɛ́mbɛ i vaangɔ́ mbéinda ngáá í tí hóu, í lí ngáá ti ye Ngalá saáɣa gula mbélai ti wutúwɔaitii ngelé?”

KƆ́L̃E GƆ́LƆI HELE KÉLEI 11:32

Ná h̃u ngí ɣɛ́ngɔ Damásikɔ taa h̃u, nuí sí í ɣɛ́i Masangí Alítɔ wú ngáá masa taí ná h̃u i nungáá loí taí w̃aa bákii la kɛinɔɔ́ ti sóu.

GALÉSIYA 1:17

kɛlaa maa ngɔ́ɔ́ lí Jɛlúsɛl̃ɛ taa walái h̃u sítii ngelé ti ɣɛ́i ngáá Ngala kéélaitii p̃ɛ́ɛ́ ngɔ́ɔ́ ɣɛ́a ɣɛ ngáá Ngalángi gééla. Kɛ́ laá ɣéle, ngí líini ngáma Aléébiya lataí h̃u, ná vólu, ngí yangáima Damásikɔ taa h̃u.