TI GƐ́Ɛ́ HAÍTII 8:4 - Kɛ́lɛ Niinaí

⁴ Sítii ti vahá fáhangɔ í ɣɛ́i lá su, tí Ngala ngói lení mbéi fíli tɔ́ɔ́ lí na.

TI GƐ́Ɛ́ HAÍTII 8:4 Iomraidhean Croise

MÁFIYU 10:23

Ná taá faa bá ndá wú w̃á taa yílaa sú, a w̃aavéla taa vekái h̃u. Ngí tɔɔỹái le wú w̃á, wɔ́i nɛ́ɛ́ ɣɛ folóni Ísulɔ yeláitii ti láitii kpɛ́lɛɛ su p̃ɛ́ɛ́ nuí síí w̃ɔ́i taa ɣɛ́ ma Nuu Búsa Goo H̃ú Lói, í vá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:2

Nungái sítii pa tí ɣɛ́i naa yaah̃ú w̃a faí sítii kpɛ́lɛɛ tɔkúla héimai, tiyá lɔ náa tí kééla wói sí léni kɔwɔ́ato mba, aáva tí ndénga mu w̃a.

TI GƐ́Ɛ́ HAÍTII 11:19

Sítii ti langɔ́ ngáá Jísu ti vahá fáhangɔ i ɣɛi lá su kɔwɔ́ato faa bángi wa í láni ti w̃a ná h̃u nungáitii tí Sitívi vaaní. Ti lɛ́ingaa ti liiní Fɔnísiya lataí h̃u ɛ́ɣɛ Sáipulɔ lɔwɔlɔí h̃u ɛ́ɣɛ Átiyɔ taa h̃u táa Ngalangí gééla woí le Júsuai séɣe héɣe má.

TI GƐ́Ɛ́ HAÍTII 15:35

Pɔ́ɔni ngaa Bánaba tí loní Átiyɔ kuu félengɔ háaw̃a naa vá tɔ tiyá ɛ́ɣɛ nuu bíh̃iw̃aa ti kalambongí woní na. Ná vólu, tí Ndemɔí Ngalá ndaa wói lení na.

TI GƐ́Ɛ́ HAÍTII 8:1

Sɔ́ɔ va i ɣɛi na, laáva í lúw̃ai ma ngáá tí Sitívi vaa. Folói ná w̃aa vá tɔ faa bá ndándai Ngalá fɛ́li mbélaitii ma í tɔ́kula héini Jɛlúsɛl̃ɛ taa walái h̃u. Kɛ léi Ngalángi géélaitii taá váha fáhani, kɛ́ Ngala fɛ́li mbélaa vekaítii kpɛ́lɛɛ tí vahá fáhani Judíya lataí h̃u kpɛ́lɛɛ taá Samááliya lataí h̃u.

TI GƐ́Ɛ́ HAÍTII 8:12

Kɛ́ ná ti láni ngáá Ngalángi gééla woo vandaí Félepi í ndéni kɔwɔ́ato Ngalángi w̃ásandai wa ɛ́ɣɛ Jísu Kílisitii wá, nyah̃á bɔngɔ́ siỹɛngáá wa, ti nguyaí w̃ááhɔlɔni.

TƐSALÓNIKA HESENDAA GƆLƆÍ 2:2

Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.