TI GƐ́Ɛ́ HAÍTII 8:1 - Kɛ́lɛ Niinaí

¹ Sɔ́ɔ va i ɣɛi na, laáva í lúw̃ai ma ngáá tí Sitívi vaa. Folói ná w̃aa vá tɔ faa bá ndándai Ngalá fɛ́li mbélaitii ma í tɔ́kula héini Jɛlúsɛl̃ɛ taa walái h̃u. Kɛ léi Ngalángi géélaitii taá váha fáhani, kɛ́ Ngala fɛ́li mbélaa vekaítii kpɛ́lɛɛ tí vahá fáhani Judíya lataí h̃u kpɛ́lɛɛ taá Samááliya lataí h̃u.

TI GƐ́Ɛ́ HAÍTII 8:1 Iomraidhean Croise

MÁFIYU 22:6

Pekaítii pá tí bɔ́ilopoaitii suuhóu kíli ỹɔ́u wóni, tí tí váa.

MÁFIYU 23:34

Faalɔ, nyáá ngáá Ngalá ndaa háá lé mbélaitii tɔve wú yéle ɛ́ɣɛ siỹɛngái sítii tí Ngala sávai wɔ́lɔ ɛ́ɣɛ kaamɔítii Ngala mbélaitii fááw̃a. Wáá tí lɛ́ingaa váá, wú pékaitii paa ngáá ti bakpándai kulɔ́sii w̃a, wú pékaitii ngamɔ́ Ngala fɛ́li máákpɔ wotaítii mbu, ná vólu, wú tí bɛ taítii su.

MÁFIYU 5:13

Jísu í mɔ́ɔ́ ɣɛ ti w̃a, “Wá lɔ́ ngáá kpolo ɣɛ kíli nuu kpɛ́lɛɛ fááw̃a. Kɛ́ ná kpoloí yéélei áá gúla mba, aa ɣelé kɛ náa áá mɔ́ɔ́ ɣɛ yeeleni? Ná ná áá ɣɛ́, kɛ ngangí wálaa mba. Faalɔ, taá píli yaá í ɣɛ́ ngáá nungáá gɔwɔ́ wú ỹáni.

NJƆÚ 15:20

A giséi ngoí sítii ma ngí ndéngɔ wú w̃a, ‘Ngenge mɔ́ɔ́ fíli ngakpángɔɔ láá lé ɔ́ɔ́ lɔ́ve w̃aalíɣii wa,’ ná wɔ́lii taa ɣɛ́ faa bá ndái má, wá bɛ́lɛ nɔ taá faa bá ndá wú w̃a. Ná wɔ́lii taa ɣɛ́ golóni ní gálambongitii mbu, wá bɛ́lɛ taá goló wú ndái wu.

NJƆÚ 16:2

Tiyá lɔ́ɔ va wú bétevema Ngala fɛli máákpɔ wotaí wuu wá. Aá ɣéle p̃ɛ́ɛ́ táingi lɔɔ va folóma ma ngáá nuí fíli áá wú váá, aa ɣɛ maa w̃ɔ́i gi má ngáá aá lɔɔ Ngalá ndiivó ngénge mbo.

TI GƐ́Ɛ́ HAÍTII 1:8

Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 13:1

Átiyɔ taí h̃uu Yála fɛli mbélaitii su Ngalá ndaa háá lé mbélaitii ti ɣɛ́i na kpahangɔ́ kaamɔítii mba. Aáva ti ɣɛ́i ngáá Bánaba, ɛ́ɣɛ Símiyɔ lɛ́i tɔ́ɔ́ tolí ngáá Nuu W̃áá Lɛingí, ɛ́ɣɛ Lúsɔ lɛ́i í gúlani taí sí h̃u taá naa lolí ngáá Saílini, ɛ́ɣɛ Manééyɔ lɛ́i taá Masangí Hɛ́lɔdi Átipa ti ɣɛ́i ngáá mbala lopo, ɛ́ɣɛ Sɔ́ɔ.

TI GƐ́Ɛ́ HAÍTII 13:36

Kɛ Pɔ́ɔ i mɔɔ ndengá i ɣɛ ta, “Masangí Deevé ndá táingi h̃ú sí Ngalá ngi kpatɛní laá Deevé haáw̃a ngáá í kɛ Ngalá mbɛ, i kɛní p̃ɛ́ɛ́ ɔ́ɔ́ ɣɛ́a ha. Tí kpɔluní mbéi tí ngi káwalani kpɔluní na. Laáva í luuláni.

TI GƐ́Ɛ́ HAÍTII 2:47

Ti ɣɛ́i taá Ngála ndaaw̃áálɛ ti kpɛ́lɛɛ, ná vólu, nungáá vékaitii kpɛ́lɛɛ táa gooh̃unɛ́ɛ́ ti gɛɛhɔ́ pándaitii faaw̃a. Aáva ngele fíli ɔ́ɔ́ wó Ndemɔí ɔ́ɔ́ ta báha sítii mba ti wumááwongɔ í ɣɛ́i lá.

TI GƐ́Ɛ́ HAÍTII 22:20

Aáva ná ti ɣɛ́i taá Sitívi vaa lɛ́i ɔ́ɔ́ faa lé nungái ma kɔwɔ́ato í wá, ngí ɣɛ́i na aáva ngí luw̃á ma ngáá tí páa. Ná vólu, ngí ɣɛ́i ngáá nungái nátii ti lóma maah̃u lómangaitii maah̃u béle tiyɛ́i ti ɣɛ́i taá paa.’

TI GƐ́Ɛ́ HAÍTII 26:10

Aáva ná va tɔ nɔ́ɔ ngí kɛní jɔ́ Jɛlúsɛl̃ɛ. Ngala sááɣa gula mbélai ti wutúwɔaitii tí ngakpá féni ngéya ngáá ngí Ngalángi vóngaitii kpih̃íw̃aa víli kpindi vɛlɛ́ wu. Ná laáva tɔ́ɔ ɣɛ́a ti tá váa, nyá bɛ́lɛ ngɔ́ɔ́ lúw̃a ma ngáá í ɣɛ́.

TI GƐ́Ɛ́ HAÍTII 5:18

Tí Ngalángi géélaitii souní, tí tí víli kpindi vɛlɛ́i wu.

TI GƐ́Ɛ́ HAÍTII 5:20

Kɛ i ndengá ti w̃a, i ɣɛ ta, “A lí, wú ló Hɛ́ɛ́ma Yála Pɛ́lɛi góvii h̃u. Wú kééla wói kpɛ́lɛɛ ndé nungáitii ma kɔwɔ́ato ndɛɛh̃u níínai sí wa.”

TI GƐ́Ɛ́ HAÍTII 5:33

Ná tí sí ỹɛ́nini, ti liiyaw̃ál̃angɔ i ɣɛi lá ngwala. Aáva ti ɣɛ́i náa loí tí tí váa.

TI GƐ́Ɛ́ HAÍTII 5:40

Kɛ tí Ngalángi géélaitii tolínga, tí tí léve, tí nde ti w̃a ngáá tálaa mɔ́ɔ́ yɛpɛ Jísu laahéingi h̃u. Tí béni náa nátii mba, tí lí.

TI GƐ́Ɛ́ HAÍTII 7:38

Laá vá tɔ i ɣɛ́i Ísulɔ yeláitii ndiiwáá ngaalái h̃ú tiyɛ́i ti ɣɛi ngáá a mu káwalani ɛ́ɣɛ Ngalángi w̃álekai sí í yɛ́pɛni ngelé ngihéi sí wa taa tolí ngáá Sáinai. Aáva i Ngalá ndaa wói w̃ááhɔlɔni na í fé a mu yaá. Ngalá ndaa wói sí vá tɔ áá ndi ngu ma kúnafɔ.

TI GƐ́Ɛ́ HAÍTII 7:54

Ná Júsuai tí Háá H̃uu Haa Lé Mbélaitii tí fái sí ỹɛ́nini, ti liiyáw̃al̃angɔ i ɣɛi lá ngwala. Aáva ti yaah̃úitii sítɛngɔ i ɣɛi lá nga.

TI GƐ́Ɛ́ HAÍTII 7:58

Kɛ tí soungá, tí kpokpó, ti gúla lá taa walái ná wa, tí pɛlɛ sɔɔmá ngáá kɔtuí. Naa laa lówah̃ú, sítii ti Sitívi vaani ti ngáá maa héélea tí tí lóma maah̃u gúlaitii ndoní siỹɛndópo yiláa tóko h̃u tɔ́ɔ́ tóli ngáá Sɔ́ɔ.

TI GƐ́Ɛ́ HAÍTII 8:14

Ná Ngalángi géélaitii ti ɣɛ́i Jɛlúsɛl̃ɛ, tí mɛniní ngáá kɛ Samááliya yélaitii tí lókoheinga Ngalá ndaa wói wu, ti Pítɛni ngaa Njɔú lɔ́veni ti yelé.

TI GƐ́Ɛ́ HAÍTII 8:2

Sítii tí ngáá Ngalá nduwa mba yélaitii tí Sitívi bɔluní, tí maawɔlɔ́ wó ngáá maaw̃áanu wála.

TI GƐ́Ɛ́ HAÍTII 8:4

Sítii ti vahá fáhangɔ í ɣɛ́i lá su, tí Ngala ngói lení mbéi fíli tɔ́ɔ́ lí na.

TI GƐ́Ɛ́ HAÍTII 8:5

Siỹɛndópoi sí taa ɣɛ́ ma Félepi, i liiní taa walái sí h̃u taa náá lolí ngáá Samááliya, í keela woó vándai lé na kɔwɔ́ato Jísu wa lɛ́i í ngáá Ngalángi Lókolo Mbá W̃ɔ́i.

TI GƐ́Ɛ́ HAÍTII 9:31

Aáva Ngala fɛ́li mbélaitii kpɛ́lɛɛ ti ɣɛ́i Judíya lataí h̃u ɛ́ɣɛ Galéli lataí h̃u ɛ́ɣɛ Samááliya lataí h̃u, ti ɣɛ́i náa ndiilɛí h̃u. Ti h̃úú í báni, aáva Hɛ́ɛ́ma Ỹínangi í nduwúh̃ulɛni ngáá ti ye ti yangí ɣɛ wɔɔlɔ. Aáva tí lɛɛh̃úitii suuhíyani Ndemɔí Ngalángi lúwamba h̃u.

LÓÓMI 1:32

Tí súúwɔlɔ ngáá Ngalá ngí ndengɔ́ ngáá nuí fíli kɛ́ kíli áá ɣɛ́ h̃íí, kulé lɔ maa w̃ɔ́i w̃a í saá w̃aahɔ́lɔ. Kɛ́ ná fíli sú, taá ɣɛ́ nɔ́ɔ taá ndí ngu ma ngáá maa haa ỹɔí sítii kɛ́ndaa, aá ɣéle p̃ɛ́ɛ́ taá ɣɛ́ taá nungáá vékaa liiwúúlɛ ngáá nátii bɛ́lɛ ti ɣɛ́ táá faa ỹɔ́itii kɛ.

FÉLEPA 1:12

Mu mbála Yalá fɛ́li mbélaitii, ndóngɔɔ lé wú ɣɛ́ kɔlɔ́ ngáá kɛ fái sítii ti híyangɔ ngáá ngé tiyá gíte lɔ tí kɛ́ngɔ ngáá háwu Ngalángi gééla woo vandaí lendáá yéngengi i híyanga su hááli hááli.

HÍBULU 11:27

Ndangí Muusé í ɣɛí su ngáá Ngalá, ná lɔ í kɛ́ni í gúlani Íjepi lɔwɔlɔí wa aáva ndɔwɔlɔí ná h̃uu w̃ása ngwalaí lííỹɔi áá ndúwa vúi su. I liilɔ́lɔni maa hái kpɛ́lɛɛ ngá bɔw̃álale, maa hái gúlangɔɔ lé nɔ́ɔ ngáá i Ngalá tɔ́ni lɛ́i nuu ɛ́i tɔ.