TI GƐ́Ɛ́ HAÍTII 7:8 - Kɛ́lɛ Niinaí

⁸ Ngalá pa i kɛ́lɛ ngeɣéni ti lówah̃u taa Lébilah̃au kɔwɔ́ato tɔve pɛ́lɛ vólu hái wa. Lébilah̃au va tɔ í Áise léni, í tɔ́ve pɛ́lɛ vólu foló ngwáhakpangɔi w̃a ndengɔí w̃a. Áise vá tɔ náa í Jékɔ lení, í tɔ́ve pɛ́lɛ vólu. Jékɔ va tɔ í siỹɛndóu lou púúngɔ maah̃úú félengɔitii ndéni sítii ti ɣɛ́i ngáá kɛɛɣɛ́aitii nde kpambi púúngɔ maah̃úú félengɔitii fááw̃a tí Júsuai ti lɔ́wɔlɔi h̃u aáva í ti lɔ́veni pɛ́lɛ vólu.”

TI GƐ́Ɛ́ HAÍTII 7:8 Iomraidhean Croise

MÁFIYU 1:2

Ndengí sí lɔ́lɔndai lɔkúla héimai lɔ ngáá sí, Lébilah̃au lɔ í ɣɛ́i ngáá Áise kɛ́ɛ́ɣɛ. Áise va tɔ í ɣɛ́i ngáá Jékɔ kɛ́ɛ́ɣɛ. Jékɔ va tɔ í ɣɛ́i ngáá Júdani ngaa ngi ndéɣeaitii ti kɛ́ɛ́ɣɛ.

NJƆÚ 7:22

Muusé i ndengɔ́ wú w̃a ngáá wú ɣɛ́ waa wú léngai tɔve pɛ́lɛ volú. Faalɔ, wáá wú léngai tɔve pɛ́lɛ vólu ɔ́ɔ́ bɔ́ɔ́ ɣɛ ngáá mu Lɛ́ɛ́lɛmbo Ngála Fɛli Foloí w̃a. Kíya bɛ́lɛ Muusé gíte laa le ɔ́ɔ́ tɔve pɛ́lɛ vólui lɔkúla héi. A mu káwalani tɔ tí tɔkúla héini.

TI GƐ́Ɛ́ HAÍTII 2:29

Pítɛ i ndií ngú ma, i ɣɛ ta, “Mu mbálangaa, ngáá ndé wú w̃á kpál̃au ngáá a mu káwala Masangí Deevé i haaní, tí kpɔ́lu, aáva ngi gámbai lɔ mbéi hááwɔ hóloi w̃a.

LÓÓMI 4:10

Aáva Ngalá ngí Lébilah̃au yeɣéni ngáá telembo mɔ́ɔ ná h̃u tɔvengɔ áá ɣɛ́i nɛ́nɛ lá pɛ́lɛ vólu.

GALÉSIYA 3:15

Mu mbála Yalá fɛ́li mbelái, sí ngáá vá ndéma wú w̃a, kulangɔ́ɔ́ lé nɔ́ɔ ngáá faa ta maá kɛ hɔ́wɔ fíli. Maa hái waa ngáá sí, ná nuu félengɔ áá kɛ́lɛ ngeɣé faa h̃u aáva tí mááh̃u yíli kpé, ti tá fíli tɛ́i ngá nyááni kɛlaa maa tɔ́ɔ́ maalóvi.

GALÉSIYA 3:17

Sí ngáá ɣɛ́ ngí nde laá waa ngáá sí, Ngalá ngí kɛ́lɛ ngeɣéngɔ Lébilah̃au yaá í maa gúúlo mbo ngáá ɛi gulá mbu. Ná fówo hɔ́ndɔ nááningɔ fowó vúú sáángɔ í gúlani su, savaí ná Ngala ngí féni ɛ́i bele kɛ́lɛngi ná ỹááni, kelaa maa ɔ́ɔ́ Ngalángi gúúlongi híɣe ma.

HÍBULU 7:4

A gisíya lɛ́ɛ́ ngáá kíya Mɛlɛkésedɛ yakpángɔ wala í ɣɛ́i la ngáá i mú káwala Lébilah̃au ɣéle tɔ ngeyá wɔ́lingaitii í mááhɔlɔni kɔí h̃u i ti kpɛ́lɛɛ kpáɣani ngáá taávu táávu í púú kéleitii kpɛ́lɛɛ fé ngeyá.