TI GƐ́Ɛ́ HAÍTII 5:2 - Kɛ́lɛ Niinaí

² Ananáya i kaníngi ta gúlani mba í ngándɔɔlɔ bɔwɔ́ háaw̃a laáva i ɣɛi ngáá ti háá h̃uubatɛ taá ngi ỹáh̃a. Kɛ i vaangá ngáá kaní mátai ná, í fé Ngalángi géélaitii ngeyá.

TI GƐ́Ɛ́ HAÍTII 5:2 Iomraidhean Croise

MÁFIYU 23:5

Taá tí háitii kpɛ́lɛɛ kɛ́ kɛinɔɔ́ nungáitii taayáa ti lɔ. Taa ngɛ́ingaitii ngili wu mba ɛ́ɣɛ ti báki su Ngala kɔ́lɔ lukpu lukpu vɔnɛngɔ́itii tí su mbɔlɔ wɔ́lɔngɔɔ. Tí njifa njifángi ɣɛ́ gooh̃a wóóh̃a ti lómangaitii mba.

NJƆÚ 12:6

Taá ɣɛi ndo tɔ́ Júdɔ í ɣɛ́i su ngáá nyaani yélaitii ná lɔ í sí leí faaw̃a, kɛ́ laá ɣéle, i ndení sífaa i ɣɛi ngáá ŋuỹá w̃ɔ́ɔ́. Laá lɔ́ í ɣɛi ngáá ti bɔ́ma gápa ngandɔ́ɔ́lɔ mɔ́i, aáva ɔ́ɔ́ ta yeɣé mba í faa ɣɛ́ la bɔwɔ́ haáw̃a.

TI GƐ́Ɛ́ HAÍTII 2:44

Aáva sítii kínɛi ti langɔ́ í ɣɛ́i la ngáá Jísu ti bɔngɔ́ i ɣɛi lá yaá haa w̃a ti yaá haítii kpɛ́lɛɛ pá i ɣɛi su yíla.

TI GƐ́Ɛ́ HAÍTII 4:37

Maa Joosɛ́i sí i ngi báálai w̃ááhiyani, í vá ngáá maa náholoi, í fe Ngalángi géélaitii ngeyá.

TI GƐ́Ɛ́ HAÍTII 5:1

Kɛ́ siỹɛndópo yiláá ngí ɣɛ́i na tɔ́ɔ́ ɣɛ́ ma Ananáya aáva ngi ỹáh̃ai laahéingi i ɣɛi ngáá Safáilɔ. Tiyá bɛ́lɛ tí yáá wɔ́lingi ta w̃ááɣɛni.

TI GƐ́Ɛ́ HAÍTII 5:3

Kɛ Pítɛ í mɔ́ɔ́ninga, i ɣɛ ma, “Ananáya, ndeénii le Setána í í líi h̃uulaahénga yí ndɛɛ gɔ́ɔ́la Hɛ́ɛ́ma Ỹínangi yáa, yí kaníngi ta gúlanga mba yí maahɔ́lɔngɔ í lɔ́wɔlɔi hááw̃a?

TI GƐ́Ɛ́ HAÍTII 5:8

Kɛ Pítɛ i laá bɛ́lɛ mɔ́ɔ́ninga, i ɣɛ ma, “Nde má ná wɔ́lii ndɔwɔlɔ́i wáá Ananáya wú maaɣɛngɔ́ sɔw̃ɔí kpɛ́lɛɛ tɔ ngáá sí.” Kɛ Safáilɔ i ngoo yápotenga, i ɣɛ ma, “Tɔɔỹaá le, sɔw̃ɔí wúl̃a.”

FÉLEPA 2:3

Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.

TÍMOTI HESENDAA GƆLƆÍ 6:10

sífaa, ndongí nuu áá ɣɛ́ sú ngáá naholoí ngwala laá lɔ í ngáá sapeí faa ỹɔ́i híí kpɛ́lɛɛ kpɛ́lɛɛ mbu. Nungáá lɛ́ingaa va naholó w̃ɔ́ni í ti w̃a ngwala í kɛ́a ngáá háwu ndangí taa ɣɛ́ su ngáá Jísu Kílisitii i gulaá ti h̃u aáva ndiihoolɛ́ bíh̃i kpih̃i ngi langá tí w̃a.