TI GƐ́Ɛ́ HAÍTII 4:3 - Kɛ́lɛ Niinaí

³ Faalɔ, tí Pítɛni ngaa Njɔú hóuni. Kɛ́ sífaa í ɣɛ́i ngáá kpindíi tí tí vílini kpindi vɛ́lɛi wu ngáá ti ló na í ló su kpóloo ngele í wó.

TI GƐ́Ɛ́ HAÍTII 4:3 Iomraidhean Croise

MÁFIYU 4:12

Ná Jísu í mɛniní ngáá Masangí Hɛ́lɔdi i Njɔú vília kpindi vɛlɛ́i wu, i yangáimani í lí Galéli lataí h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:52

Ná sí í gúlani su, Ngala sááɣa gula mbélai ti wútuwɔaitii taa Hɛ́ɛ́ma Yála Pɛ́lɛi w̃ááh̃u béle mbélaitii ti nuu wala walaítii, ɛ́ɣɛ kele ɣelé mbélaitii, tiyɛ́i ti ɣɛ́i vaaní Jísu houmá, Jísu i ɣɛi ti w̃a, “Nyá lɔ ngáá faa ỹaani mɔ́ɔ ngáá kɛ wáá vá ngáá mbowa hɔ́kpɔitii ɛ́ɣɛ ngulú lúkpu ỹíí mííngaitii sóu fááw̃a?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:54

Kɛ ti Jísu houngá, tí lii la Ngala sááɣa gula mbélai ti wutúwɔɔ w̃ɔ́ɔ walaí vɛ́lɛi la. Kɛ Pítɛ i tongá ti wa, kɛ́ ti lówah̃u i ɣɛi gooh̃á kulo.

NJƆÚ 18:12

Kɛ Lóómi hóyaitii í báha ti núú walaí wa ɛ́ɣɛ Hɛ́ɛ́ma Yála Pɛ́lɛi w̃aah̃ú béle mbélaitii, kɛ tí líínga ti Jísu hóu, tí ngíli.

TI GƐ́Ɛ́ HAÍTII 5:18

Tí Ngalángi géélaitii souní, tí tí víli kpindi vɛlɛ́i wu.

TI GƐ́Ɛ́ HAÍTII 6:12

Náá hááw̃a, tí nungáitii kɛ́ni wúúlee taá kele ɣelé mbélaitii ɛ́ɣɛ kaamɔítii Ngala sávai hááw̃a, tí Sitívi hou, tí váa lá Júsuai ti Háá H̃uu Haa Lé Mbélaa wala waláitii kákala.

TI GƐ́Ɛ́ HAÍTII 8:3

Kɛ́ Sɔ́ɔ i ɣɛi áá Ngala fɛ́lindai w̃ááleve Ngala fɛ́li mbélaitii ngéya ngáá faa bámai í ɣɛ́i áá nda Ngala fɛ́li mbélaitii ma. I ɣɛi áá lɔ́ve tɔvé pɛ́lɛitii nda, siỹɛ́ kpɔ́ngɔ nyáh̃a wa, áá ti gúla pɛlɛ́itii mbu, áá lí ngáá ti bokpó, áá ti víli kpindi vɛlɛ́i wu.

TI GƐ́Ɛ́ HAÍTII 9:2

í mɔ́ɔ́ni ngáá ná í kɔ́lɔni fé ngeyá ngáá í lí ngáá ti ye Ngala fɛ́li máákpɔ wotaítii mbu ti ɣɛ́i taí ná h̃u taá naa lolí ngáá Damásikɔ, kɛinɔɔ́ ná ɔ́ɔ́ nuu fíli tɔ́ i Jísu Ndá Vélei w̃a ɔ́ɔ́ bɔ́ɔ́ ɣɛ ngáá siỹɛ́ ɔɔ nyah̃á, í ti hóu ngáá pelésina, í lí ngáá ti ye Jɛlúsɛl̃ɛ taa walái h̃u.