TI GƐ́Ɛ́ HAÍTII 4:2 - Kɛ́lɛ Niinaí

² Ti ɣɛ́i wu nga wúúlee bɔw̃álale Pítɛni ngaa Njɔú ti ɣɛ́i taá nungáitii kálambo ɛ́ɣɛ táa nde ngáá Jísu i yooɣénga sái h̃u sí í ngákɛni kpál̃au ngáá kɛ saa yelái tiyá lɔɔ vá yooɣéma sái h̃u.

TI GƐ́Ɛ́ HAÍTII 4:2 Iomraidhean Croise

TI GƐ́Ɛ́ HAÍTII 13:45

Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.

TI GƐ́Ɛ́ HAÍTII 17:18

Kalambo kɛ́ɛ́ɣɛai tɛingáá sítii taa ɣɛ́ ti w̃a Ɛpikíliyangai taa sítii taa ɣɛ́ ti w̃a Sutɔ́wɔngai ti ɣɛ́i taa Pɔ́ɔ w̃aaɣaalí. Ti lɛ́ingaa tí mɔɔni mbóni, ti ɣɛ́ ta, “Ndeé gíte lɔ faa yátɔ tala w̃ɔí sí áá ɣɛ́ í nde?” Pekaitii pa tí ndení ti ɣɛ́ ta, “Yáá ɣɛ nɔ́ɔ laá lɔɔ yɛ́pɛ kɔwɔ́ato koha yalángaa wa.” Ti sí léni bɔw̃álale Pɔ́ɔ i ɣɛi áá Ngala ngói le kɔwɔ́ato Jísu taá mbuyoɣe saa h̃úi wa.

TI GƐ́Ɛ́ HAÍTII 19:23

Ná h̃uu lɔ́ kpɔɔlɔ wála í gúlani Ɛ́fɛsɔ taí h̃u kɔwɔ́ato Ngala fɛ́li pélei sí wa taá tolí ngáá Ndemɔí Jísu Nda Vélei.

TI GƐ́Ɛ́ HAÍTII 24:21

Kɛ náa aa ɣɛ ngáá faa yílaangi sí hááw̃a ngí woo lɛ́ni lá naa h̃u ngí ɣɛ́i lóóni ti gakála. Maa hái vá mbaa ngáá sí ngí ndéni, ngí ɣɛ́ ta, ‘Nyá lɔ háá lóóni kɔsɔ́nga wú gákala sífaa kítomai waa ngáá mbuyoɣe saa h̃úi saa yeláitii mbɛ.’ ”

TI GƐ́Ɛ́ HAÍTII 26:23

Ná wáá ngáá, sí tí ndéni ngáá kɛ taá Ngalángi Lókolo Mbá W̃ɔ́i vaa. Aáva laá lɔ í ngáá hése ndáá w̃ɔɔ áá vá wuyoɣéma sái h̃u, aáva aa ngumaawóngi w̃aa hehe wo ngi vóngaitiini ma ɛ́ɣɛ sítii taa ngáá Júsua kɛ kíya nɔ́ɔ folo hólongi áá kpindíi h̃úú ɣɛ kpál̃au.”

TI GƐ́Ɛ́ HAÍTII 26:8

Ndeé lɔ náá bútei í kɛ́nga wú kpɛ́lɛɛ wáá bááh̃aa la má la ngáá kɛ Ngalá ngáá saa yeláitii mbuyoɣé sái h̃u?”

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

TI GƐ́Ɛ́ HAÍTII 5:17

Kɛ Ngala sááɣa gula mbélai ti wútuwɔɔ w̃ɔ́ɔ́ walaí ɛ́ɣɛ kpelaa yélaitii kpɛ́lɛɛ taá ɣɛ́ ti w̃a Sájusiaitii, tí tóloma wála bátɛnga lií h̃u Ngalángi géélaitii faaw̃a.

LÓÓMI 8:11

Ngála ngí Jísu yooɣéni sái h̃u ngi Hɛ́ɛ́ma Ỹínangi w̃áá vele w̃a. Ná ngi Ỹínangi ná áá ɣɛ́ wú vólu, kɛ lɛ́i i Jísu Kílisitii yooɣéni sái h̃u, aá lɔɔ vá kɛ́ma ngáá háwu wɛ́i wáá há wú ɣɛ́ ndɛɛh̃úi h̃u ngi Ỹínangi ná w̃áá véle w̃a.

KƆ́L̃E HESENDAA GƆLƆÍ 15:23

Kɛ́ Ngalá tɔɔ maa hái yeɣé kɔ́wɔ w̃a ngáá ngila ngíla. I Kílisitii hése mbuyoɣénga sái h̃u, ná vólu, aá lɔ́ɔ vá sítii mbuyoɣéma sái h̃u ti Kílisitii hááw̃a folói ná w̃a íwaa vá yangáima má ngeleí sí wu.