TI GƐ́Ɛ́ HAÍTII 4:12 - Kɛ́lɛ Niinaí

¹² Ngumaawó ngɛ́i hɔ́lɔ nuu véka fíli su, sífaa ndaaheí péka fíli aa na ngeleí sí wu Ngalá ngɔ́ɔ́ ɣɛ́ féngɔ ngáá á maá ngumaawó sɔ́lɔ su.”

TI GƐ́Ɛ́ HAÍTII 4:12 Iomraidhean Croise

MÁFIYU 1:21

Aá lɔɔ́ vá siỹɛndóu lou lemá, aáva kɛ yí ndaahéi ngáá Jísu, bɔw̃álale, laá lɔ áá vá ngi vóngai ngumááwoma ti háá ỹɔítii ngeyá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:47

Aáva keela woí kɔwɔ́ato polú yafé fái wa faa ỹɔ́i wa, ɛ́ɣɛ faa ỹɔ́u h̃úúhaalondai ndaahéingi h̃uu lɔ taá nde na. Kɛ́ kɛ tɔkúla aa hei Jɛlúsɛl̃ɛ í ló su í foló ngelewu kpɛ́lɛɛ.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

NJƆÚ 3:36

Nuí fíli áá la ngáá Ngalángi H̃íỹɛndou Loí, kɛ kúnafɔ lɛ́ɛ́h̃ui lɔ maa w̃ɔ́i yaá. Kɛ́ nuí fíli ɛ́i golo mbu ɛi kúnafɔ lɛ́ɛ́h̃ui w̃aahɔ́lɔ, kɛ́ aá ɣéle, Ngalángi haa bamaí aa ɣɛ maa w̃ɔ́i w̃a kúnafɔ.”

TI GƐ́Ɛ́ HAÍTII 13:26

Pɔ́ɔ í mɔ́ɔ ɣɛ ta, “Mu mbálangaa, muỹɛ́i mu ngáá Lébilah̃au laala lengáitii ɛ́ɣɛ wɛ́i wáá ngáá Júsua kɛ́ wáá Ngala fɛ́li, a muỹá lɔ ti keela woí sí léi mu yɛ kɔwɔ́ato ngumaawóngi wa, tí tɔvengɔ́ mu yelé.

TI GƐ́Ɛ́ HAÍTII 2:5

Ná h̃úu vá Júsuaitii Ngala ndúwambai í ɣɛ́i ti h̃u tiyɛ́i ti gúlani ndɔwɔlɔ́ vékaitii kpɛ́lɛɛ sú tí ngeleí sí wu, ti ɣɛ́i Jɛlúsɛl̃ɛ ná h̃u fái sí í ɣɛ́ni.

KƆ́L̃E HESENDAA GƆLƆÍ 3:11

Nuu fíli ɛi mɔɔ pɛlɛ́ gɔ́wɔ véka hitɛ́ í gúla sí volú Ngala ngí sítɛnga náa kílii, ná vá mbaa ngáá Jísu Kílisitii.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

HÍBULU 12:25

Wú ndá gí su gíte ngáá wálaa léle wolilóndaa w̃a Ngalá ma lɛ́i áá yɛ́pɛ wú yéle. Sítii ti léleni ngáá tí wólilo ma ná h̃u í ngí lááhingi wóni ngáá ti ye ngelewu taá vélai maa háá bamaí wa í lái ti w̃a. Muỹa ɣéle p̃ɛ́ɛ́ pele guló áá ná mɔɔ́ w̃aavela ná maa léle ngáá a mú wólilo Ngalá ma lɛ́i ngi lááhingi áá gúla ngelegóóh̃u.

HÍBULU 2:3

Ngimɔ́ɔ́ nɔ́ɔ mɔ́ɔ́ í ná ngáá Ndemɔí Jísu hése tɔ í fáá léni mu w̃a kɔwɔ́ato ngumaawóngi wa. Sítii pa tí ngoo ỹɛ́nini tiyá lɔ́ náá tí ngákɛngɔ ngáá mu ye ngáá kɛ tɔɔỹaá le. Ngalá bɛ́lɛ i ngakɛ́ngɔ ngáá mu ye ngáá tɔɔỹaá le ngáá faí sítii kɛ́ndaa bɛ́kpɛ. Ná wáá ngáá, káámaa haítii ɛ́ɣɛ kíndaa vilí fáitii kɛ́ndaa ɛ́ɣɛ múl̃ɔ kíya áá kɛ ngáá háwu Hɛ́ɛ́ma Ỹínangi áá ɣɛ́ mú volú kíya áá ɣɛ́ loí í ɣɛ́ mu yilá ngíla pólu. Ná ná áá ɣɛ, a maá ɣéle w̃áávela faa bámai wa Ngala ngáá vá ndáma mu w̃a ná á maá wóli híɣe ngumaawó kééla woo walaí sí w̃a Ngala ngí kúlangɔ kɛ́lɛma?

FAA YÁKƐ KƆ́LƆI 20:15

Sítii ti laahéingi vɔnɛ́ngɔ áá ɣɛ́i la kúnafɔ lɛ́ɛ́h̃u gɔ́lɔi h̃u tí tí vílini ngɔmbu hó ngwálai sí ya.