Biblia Todo Logo
Bìoball air-loidhne

- Sanasan -




TI GƐ́Ɛ́ HAÍTII 3:1 - Kɛ́lɛ Niinaí

1 Folo yílaa, Pítɛni ngaa Njɔú ti ɣɛ́i taa lí Hɛ́ɛ́ma Yála Pɛ́lɛi góvii h̃u Ngala fɛ́li táingi w̃a kpɔkɔ hólo yakpámai.

Faic an caibideil Dèan lethbhreac




TI GƐ́Ɛ́ HAÍTII 3:1
27 Iomraidhean Croise  

Ná foló ngɔ́hitangɔ í gúlai su, Jísu i Pítɛ yeɣéni ɛ́ɣɛ Jimisíni ngaa ngi ndéɣe Njɔú, taa tiyéni tí lí ngíhe góóh̃a wálai wú mba. Naa lɔ tiyá léé léé ti ɣɛ́i na.


I Pítɛ yéɣeni ɛ́ɣɛ Sɛ́bɛdi h̃iỹɛndou lengaa félengɔi tí lí taá tiyéni. Kɛ Jísu i pɛlɛngá w̃aaw̃áánuma, ndii áá ỹááni.


Í séi foló yákpangɔi w̃a í foló kpɔkɔ hólo yakpámai w̃a, ndɔ́wɔlɔi kpɛ́lɛɛ su bindíngɔ i ɣɛi lá háwa sáángɔ hááw̃a.


Ná ísɛngi w̃ɔ́ táingi í folóni ma, sítii kpɛ́lɛɛ ti yatɛ́ngɔ í ɣɛ́i lá mbá na Ngala fɛ́li fái w̃a, ti ɣɛ́i taá Ngala fɛ́li na ngitíí ya.


I ɣɛi ti w̃a, “Siỹɛndópo félengɔ lɔ́ wɔ́lɔ ti ɣɛ́i na, kɛ tí liingá Hɛ́ɛ́ma Yála Pɛ́lɛi góvii h̃u Ngala fɛ́lima. Ngiláángi i ɣɛi ngáá Júsuai sítiini taa ɣɛ́ ti w̃a Falósiai ti tá, pekaí va i ɣɛi ngáá pava gula mɔ́ɔ.


Faalɔ, Jísu i Pítɛni ngaa Njɔú lɔ́veni i ɣɛ ti w̃a, “A lí wú Ngumaawó Kúi w̃aa ỹɛ́ɛ́ni ɣɛ kíli batɛ́ mɛ fááw̃a a mu mɛ.”


Aáva ngele fíli ɔ́ɔ́ wó, tɔɔ́ li Hɛ́ɛ́ma Yála Pɛ́lɛi góvii h̃u táá Ngalá ndaaw̃áálɛ.


Jísu volú w̃ɔ́i ná Jísu í ɣɛ́i loí la ngwala, i ɣɛi Pítɛ w̃a, “Ndemɔí Jísu le.” Ná Sáimɔ Pítɛ í mɛniní ngáá kɛ Ndemɔí Jísu i ɣɛi la, kɛ i ngi lóma maah̃u lómangi vúnga w̃a bɔw̃álale kulangɔ́ i ɣɛi lá ma, i víli naá njɛí ya.


Kɔníliya i geluní foló yílaa kpɔkɔ hólo yakpámai té té, kɛ i Ngalángi w̃áleka lɔngá kpál̃au ná í vá ngelé, i ɣɛ ma, “Kɔníliya!”


Kɛ Kɔníliya i ngoo yápotenga, i ɣɛ ma, “Folo sáángɔ gulangɔ́ w̃a náa su, ngi ɣɛ́ngɔ ní vɛ́lɛi wu ngáá Ngala fɛ́li táingi sí w̃a í ngáá kpɔkɔ hólo yakpámai té té kínɛi. Ngamá nɔ́ɔ́, kɛ ngí siỹɛndópo yiláa tɔ́nga lóóni kákala maa yílingɔ ngáá kula áá hólo.


Tí ndíi ngú ma ngáá w̃ɛɛ́ndaa Hɛ́ɛ́ma Yála Pɛ́lɛi góvii h̃u foló fíli má. Tɔ́ɔ́ w̃ɛ́ɛ́ ti vɛ́lɛitii nda bɛ́kpɛ, tí lááỹɛ ỹanda yílaa ndiiwolé w̃ááh̃u ɛ́ɣɛ kooh̃unɛ́ɛ́ h̃u.


Ná siỹɛndópo nɔɔnɔngɔ́i ná í Pítɛni ngaa Njɔú lɔ́ni táá vá ngáá ti lí Hɛ́ɛ́ma Yála Pɛ́lɛi góvii h̃u, i ti hɛ́lini kápa faaw̃a.


Pítɛ i nɔɔnɔ w̃ɔ́i ná beléni tííŋ aáva ngimɔ́ɔ́ nɔ́ɔ Njɔú bɛ́lɛ í kpéleni. Kɛ Pítɛ í ɣɛ́a nɔɔnɔ w̃ɔ́i ná w̃a, “Ni belé lɛ́ɛ!”


Ná Faa H̃uu Haa Lé Mbélaitii tí tɔ́ni ngáá kɛ nduwá aa ɣɛ́i Pítɛni ngaa Njɔú h̃ú aáva tí ngatɔ́ mba mɔ́ɔ ngáá kɛ taá ɣɛi ngáá kɔlɔ wɔlɔ́ mbélaa kɛ́ ti ɣɛ́i nɔ́ɔ ngáá nuu bɔ́w̃angaa, i gɔɔlaní ti wa ngwala aáva tí ɣɛ́i kɔlɔ́ ngáá kɛ siỹɛ́ félengɔi sítii ti ɣɛ́ngɔ Jísu wa.


Kɛ nuu tá i vaangá, i ɣɛ ti w̃a, “A wolílo lɛ́ɛ! Siỹɛngái sítii wú tí vílingɔ kpindi vɛlɛ́i wu, tiyá lɔ Hɛ́ɛ́ma Yála Pɛ́lɛi góvii h̃u, táá nungáitii kalámbo.”


Ná Ngalángi géélaitii ti ɣɛ́i Jɛlúsɛl̃ɛ, tí mɛniní ngáá kɛ Samááliya yélaitii tí lókoheinga Ngalá ndaa wói wu, ti Pítɛni ngaa Njɔú lɔ́veni ti yelé.


Jimisí, Pítɛ ɛ́ɣɛ Njɔú, tiyɛ́i naa Yála fɛli mbélai taa ti yéɣe ngáá ngutuwɔ́aitii, tí ngátɔni mba ngáá kɛ Ngalá ngí ngengengí sí héngɔ ngéya gba ngáá ngí mbo. Faalɔ, tí fáma wóni ní w̃a naá Bánaba ngáá í ngákɛ ngáá kɛ ni lɔ́ngɔ niỹá lɔ́ɔ ngenge ngílaa mbó. Ni kpɛ́lɛɛ ní lúw̃ai náa ma ngáá nyá ɛ́ɣɛ Bánaba ni lí naayáa kééla wóó vándai lé sítii ma taa ngáá Júsua, tiyá va ti lí taayáá nde Júsuaitii ma.


Lean sinn:

Sanasan


Sanasan