TI GƐ́Ɛ́ HAÍTII 26:4 - Kɛ́lɛ Niinaí

⁴ Í mɔ́ɔ́ ɣɛ ta, “Júsuaitii kpɛ́lɛɛ tí kɔlɔ́ kɛ kíya ngí ɣɛ́i na í séi ná h̃uu w̃a ngí ɣɛ́i ngáá ndopo gúlo. Í séi ná h̃uu w̃a ngí ɣɛ́i ní lɔ́wɔlɔi h̃u ɛ́ɣɛ ná h̃u ngí ɣɛ́i Jɛlúsɛl̃ɛ.

TI GƐ́Ɛ́ HAÍTII 26:4 Iomraidhean Croise

TI GƐ́Ɛ́ HAÍTII 22:3

“Nyá lɔ ngáá Júsu w̃ɔɔ. Nyá lɔ ngáá Tásɔɔ taa walái h̃uu lé ndóu sí í Silísiya lataí h̃u. Kɛ́ ti máákɛngɔ Jɛlúsɛl̃ɛ taa walái sí h̃u. Ngí ɣɛ́ngɔ Gamáliyɔ wu kalambo mbú aáva i kálambongɔ bútei ngáá savaítii Ngalá ngí féni Muusé yaá sí a mu káwalani ti ɣɛ́ngɔ taá híya la. Ná vólu, Ngalángi w̃áálii lɔ kóó ya kɛ kíya nɔ́ɔ wú kpɛ́lɛɛ wú na hááwɔ.

TI GƐ́Ɛ́ HAÍTII 24:14

Kɛ́ aáva, ngáá luw̃á ma ngáá kɛ Ngalangí sí ni káwalani tɔ́ɔ́ fɛli, laá lɔ ngáá fɛli. Ná wáá ngáá, nyá lɔ Ngala fɛ́li pélei sí w̃a taá ɣɛ́ ma Ndemɔí Jísu Ndá Vélei. Aá vá tɔ ní háá vɛlɛ mba yélaitii táa nde ngáá kɛ ndɛɛ vélee le. Aáva ndángɔɔ lé ngáá sí kínɛi savaí Ngalá ngí féni Muusé yáá í ndéngɔ ma ɛ́ɣɛ sí Ngalá ndaa háá lé mbélaitii ti pɔnɛní.

GALÉSIYA 1:13

Wú faa ỹɛ́ninga kɔwɔ́ato ndɛ́ɛ́h̃ui h̃u híya kílii wa ná h̃ú ngí ɣɛ́i ngáá Ngalá fɛli kíya Júsuai taá Ngalá fɛ́li. Ngí ɣɛ́i ngáá faa báma wála la sítii ma ti langɔ́ ngáá Jísu Kílisitii, ná vólu, ngáá yakpá gíte ngwala ngáá ngí tí h̃úúvaha kɛinɔɔ́ maa hái yángi wálamba.

FÉLEPA 3:5

Ná ti ndéni, foló ngɔ́felangɔ i gulaí su, ngwahákpa kélei w̃a ti tɔ́ve pɛlɛ́ vólu. Nyá lɔ ngáá Ísulɔ yelái ti lé ndou. Híbulungai ti ỹááw̃ɔi kái kai mbáá ngé, nde kpambii sí h̃u taa ɣɛ́ ma Bɛ́njimai. Ná áá lí náa í to Ngala sávai hóundai wa, ngí ɣɛ́ngɔ ngáá Falósiai ti tá.

TÍMOTI GƆ́LƆI HELE KÉLEI 3:10

Kɛ́ yá Tímoti, yí kɔ́lɔ kpál̃au kalambongí ngíwaa mbo ɛ́ɣɛ kíya ngíwaa híya. Yí kɔ́lɔ sí ngáá ɣɛ́ ngí kɛ ndɛɛh̃úi sí h̃u ɛ́ɣɛ sí ndángɔ lá. Yí kɔ́lɔ kíya ndíílɔlɔngɔ ɛ́ɣɛ kíya ndóngɔ ngáá nungáá ɛ́ɣɛ kíya ngí liibáni sítii su ngí híyani ti h̃u.