TI GƐ́Ɛ́ HAÍTII 2:9 - Kɛ́lɛ Niinaí

⁹ Aáva ni gúlangɔ mbéitii taá náitii tolí ngáá Pátiya, Médiya, Ila, Mɛsɛpɔtémiya, Judíya, Kapadósiya, Pɔ́tɔ, Ésiya,

TI GƐ́Ɛ́ HAÍTII 2:9 Iomraidhean Croise

TI GƐ́Ɛ́ HAÍTII 16:6

Pɔ́ɔni ngaa ngi híya polu yeláitii ti lɔ́ve tɔvéni tataí sítii su taa ti lolí ngáá Felíjiya ɛ́ɣɛ Galésiya, bɔw̃álale Hɛ́ɛ́ma Ỹínangi aa kɛní tɔɔ́ Ngalá ndaa wói le Ésiya lataí h̃u.

TI GƐ́Ɛ́ HAÍTII 18:2

Naa lɔ í Júsu w̃ɔɔ yiláá mááleni ná ndaahéingi í ɣɛ́i ngáá Akúila, í ɣɛ́i ngáá tataí sí h̃uu w̃ɔ́ɔ́ taa naa lolí ngáá Pɔ́tɔ. Taá ngi ỹáh̃ai sí taa ɣɛ́ ma Pilesíla ti ɣɛ́i nɔ́ɔ gulaní kpéi ndɔwɔlɔ́i ná h̃uu wá taa naa lolí ngáá Étɔli, bɔw̃álale maa Lóómi Lɔwɔ́lɔi W̃asa Ngwalaí tɔ́ɔ́ ɣɛ́ ma Kulɔ́diyasi, i sava laní ngáá Júsuaitii kpɛ́lɛɛ ti ɣɛ́i Lóómi taa h̃u ti gúla naa wa. Pɔ́ɔ va i liiní ti ŋál̃a belé má.

TI GƐ́Ɛ́ HAÍTII 19:10

Faí sí i ndií ngu ma fowó félengɔ laa lówah̃u, laáva i kɛní Júsuai sítii ɛ́ɣɛ Gilísiai sítii ti ɣɛ́i Ésiya lataí ná h̃u tí Ndemɔí Jísu laa wói ỹɛ́nini.

TI GƐ́Ɛ́ HAÍTII 19:27

Faa báma lɔɔ ɣɛ́ í lá a mu yáwo ɣɛndái sí w̃a, ndaaheí nyɔ́u í vɛ́lɛ mba. Ná vólu, faa báma lɔɔ ɣɛ́ í lá ngala ngwálai Átimi hɛli pɛ́lɛi wuu w̃a, sífaa báá fíli ɛi ɣɛ fɛli pɛ́lɛi wúú w̃á. Aáva nungáitii tí taí sítii su ti Ésiya lataí sí kpɛ́lɛɛ sú í báha náa ngetéyangi sí h̃uu yélaitii mba, tɛí mɔ́ɔ́ fɛli.”

TI GƐ́Ɛ́ HAÍTII 19:31

Ná vólu múl̃ɔ, tataí ná h̃u núú wala wala lɛingáá tiyɛ́i ti ɣɛ́i ngáá Pɔ́ɔ mbálangaa, tí woo vílini ngelé, táa maanɛ́ɛ́nɛ ngáá á láa kɔvɔ́ p̃ɛ́ɛ́ ngáá ɔ́ɔ́ lí maakpɔ́ womái ná ngáá í yɛ́pɛ nungáitii ngelé.

TI GƐ́Ɛ́ HAÍTII 2:8

Kɛ ndeé lɔ náá í kɛ́nga ni yilá ngílangi p̃ɛ́ɛ́ náa ni híí woítii mɛni siỹɛngái sítii táá ti le?

TI GƐ́Ɛ́ HAÍTII 20:16

Pɔ́ɔ i ɣɛi náá kpatɛní gi má ngáá í ló kelé ngwálai h̃u, í lí í lɔ́ve Ɛ́fɛsɔ taa h̃u w̃a kɛinɔɔ́ ɔ́ɔ́ vá ló Ésiya lataí ná h̃u, sífaa i ɣɛi áá maahulá ngáá í fólo Jɛlúsɛl̃ɛ taa walái h̃u ná wɔ́li ɔ́ɔ́ bɛ́ma ngáá í fólo ná Pɛnɛkɔ́sii holoí w̃a.

TI GƐ́Ɛ́ HAÍTII 20:18

Ná ngutuwɔ́ai nátii ti lɛ́ni taí h̃u, kɛ Pɔ́ɔ i ndengá ti w̃a, í ɣɛ ta, “Wú kɔlɔ́ kɛ kíya ngí ní lɛ́ɛ́h̃ui h̃uuhíyangɔ táingi ná kínɛi sú ngí ɣɛ́ngɔ wú lóów̃a í séi hésendaa holói w̃á ngí ɣɛ́i Ésiya lataí ná h̃u.

TI GƐ́Ɛ́ HAÍTII 20:4

Sítii ti lííni ti Pɔ́ɔ wuya peléni, ti ɣɛ́i ngáá Pilɔ́ h̃íỹɛndou loí Sopátɔ. Sopátɔ va, ngi láá h̃u i ɣɛi ngáá Bɛlíya. Kuya pelé yélaa vekaítii ti ɣɛ́i ngáá Alesitáákɔ ɛ́ɣɛ Sɛkúndɔ tiyɛ́i ti láá h̃u í ɣɛ́i ngáá Tɛsalónika, ɛ́ɣɛ Gééyɔ lɛ́i ngi láá h̃u í ɣɛ́i ngáá Dɛ́bi, ɛ́ɣɛ Tékekɔ ɛ́ɣɛ Túlofimɔ tiyɛ́i ti ɣɛ́i ngáá Ésiya lataí h̃úu yélaa, ɛ́ɣɛ Tímoti.

TI GƐ́Ɛ́ HAÍTII 21:27

Ná náa fólo ngɔ́felangɔi í ɣɛ́i náa áá víla, Júsuaitii ti lɛ́ingaa sítii ti gúlani Ésiya lataí h̃u, ti Pɔ́ɔ lɔní Hɛ́ɛ́ma Yála Pɛ́lɛi góvii h̃u. Tí faŋaí liiwúúlɛni, ti Pɔ́ɔ hóu.

TI GƐ́Ɛ́ HAÍTII 24:18

Ngúyangɔ i ɣɛi lá fó Júsuaitii ni hávai w̃aa véle w̃a na h̃u ti tɔ́ni Hɛ́ɛ́ma Yála Pɛ́lɛi góvii h̃u ngáá faí sítii kɛ. Faŋa fíli aa ɣɛi má kɛlaa tóko ɔ́ɔ́ ɣɛ́ faa h̃u ỹaaní fáá fíli su.

TI GƐ́Ɛ́ HAÍTII 27:2

Ni vílini náa kéle ngwálai sí h̃u í gúlani taa walái sí h̃u taa naa lolí ngáá Adulamétiyɔ. I ɣɛi náá kínɛi áá vá siyangí lɔkúla héima í lí kelé ngwála wala bulɔ máitii tataí ná h̃u taa naa lolí ngáá Ésiya. Siỹɛndópo yiláá taa ɣɛ́ ma Alesitáákɔ naá tiyéi ngi ɣɛi lá ni lííni. Alesitáákɔ va i ɣɛi ngáá Tɛsalónika taí h̃uu w̃ɔ́ɔ í Mɛsedóniya lataí h̃u.

TI GƐ́Ɛ́ HAÍTII 6:9

Kɛ́ mbaahílima yélaitii ti ɣɛ́i na. Mbaahílima yélai ti gúlani kotái sí wu tɔ́ɔ́ tolí ngáá Ngala fɛ́li máákpɔ wotái nduwɔ lopóai faaw̃a ti wumaawongɔ́ í ɣɛ́i la. Ti ɣɛ́i ngáá Júsua aáva ti lɛ́ingaa ti gúlani taa walá walaí sítii su taa ti lolí ngáá Saílini ɛ́ɣɛ Alɛsáánduya. Júsua vekáitii pa ti gúlani tataí sítii su taa ti lolí ngáá Silísiya ɛ́ɣɛ Ésiya. Nungái sítii tɔ tí maaɣaalíi vɛ́lɛni Sitívi wa.

TI GƐ́Ɛ́ HAÍTII 7:2

Sitívi i ngoo yápoteni, i ɣɛ ta, “Kɛɛɣɛ́ni, í báha náá mu mbálangaitii mba, a wolílo ma! Ngakpá Ngálangi i gulaní a mu kɛ́ɛ́ɣɛ Lébilah̃au yaah̃ú ná h̃u Lébilah̃au í ɣɛ́i nɛ́nɛ ndɔwɔlɔ́i sí h̃u taa naa lolí ngáá Mɛsɛpɔtémiya, ɔ́ɔ́ ɣɛ́a li í héi mbéi tɔ́ɔ́ naa lolí ngáá Hála.

LÓÓMI 16:5

Ngí há sítiini ma taa w̃ɛ́ɛ́ Ngala fɛ́limai Pilesílani ti vɛ́lɛi wú. Ngí há mú mbálai Ɛpanitɔ w̃a lɛ́i í ɣɛ́i ngáá hésendaa w̃ɔɔ Ésiya lataí h̃u í lái ngáá Kílisitii.

KƆ́L̃E HESENDAA GƆLƆÍ 16:19

Mu mbála Yalá fɛ́li mbélai tí ỹándaitii bɛ́kpɛ Ésiya lataí h̃u tí hááni wú w̃a. Sítii taa w̃ɛ́ɛ́ Akúilani ngaa ngi yáh̃a Pilesíla ti vɛ́lɛi la í báha náá tiyá gítei wa tí hááni wú w̃á ngáá Ngala fɛ́li mbélaa ti láálimaa ɣɛ kíli.

KƆ́L̃E GƆ́LƆI HELE KÉLEI 1:8

Mu mbála Yalá fɛ́li mbélai, naá lói wɔ́ɔ́ bááh̃aa ɣɛmá faa wɔ́lɔ kɔwɔ́ato faa bámai wa í láni ni w̃a Ésiya lataí ná h̃u. Faa bámai í láni ni w̃a suuwɔ́ɔ́lɔngɔ i ɣɛi lá ngwála ngáá naa í lói té ngáá ní gíkula ni lɛ́ɛ́h̃ui volú.

TÍMOTI GƆ́LƆI HELE KÉLEI 1:15

Yí kɔ́lɔ ngáá mu mbála Yalá fɛ́li mbélaitii kpɛ́lɛɛ ti Ésiya lataí h̃u tí volú yáfenga mbá í báha naa Fegɛlɔ wa ɛ́ɣɛ Hɛmɔjeni.

PÍTƐ HESENDAA GƆLƆÍ 1:1

Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.