TI GƐ́Ɛ́ HAÍTII 2:4 - Kɛ́lɛ Niinaí

⁴ Ngalángi Hɛ́ɛ́ma Ỹínangi i yeiní ti kpɛ́lɛɛ má aáva tí tɔkúla héini naa ngáá yɛpɛndáá híí woo vekaítii su kíya nɔɔ́ Hɛ́ɛ́ma Ỹínangi ɔ́ɔ́ maa yákpangi he ti yilá ngíla mbɛ́.

TI GƐ́Ɛ́ HAÍTII 2:4 Iomraidhean Croise

MÁFIYU 10:19

Ná taa wú hóu wú gɔsɔ́ fááw̃a, wálaa lííhɛlɛ ngáá njɛpɛí sí wáá vá púma, ná vólu, wálaa liihɛ́lɛ ngáá maa yɛ́pɛi vú kíli. Ná maa táingi áá fóloma ngáá wú yɛ́pɛ, Ngalá ngáá njɛpɛ vu wú lá sí kule í wú w̃á wú nde.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:17

Aáva sítii taa lá la, taá ɣɛ taa káámaa haítii kɛ. Ndááheingi h̃uu lɔ́ taa ɣɛ́ taa ỹína nyɔítii téve núngaitii polú. Ná vólu, taá ɣɛ́ taa híí woo vekaní ndé.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:15

Sífaa aa ɣɛ ngáá ngakpa mɔ́ɔ wala Ndemɔí Ngalá ngaah̃ú. Álaa ndɔɔ bɔ́le kúnafɔ ɔɔ ŋani fíli nɔ́ɔ áá núu wú su yelé mbéle. Hɛ́ɛ́ma Ỹínangi va aá lɔ́ɔ ɣɛ polú p̃ɛ́ɛ́ tɔɔ ɣɛ́a nde.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:41

Ná Ilésebɛ í Mɛɛloí láálima woí ỹɛ́nini, ndoí í ɣɛ́i Ilésebɛ goo ya, i likáni. Kɛ Hɛ́ɛ́ma Ỹínangi i vungá Ilésebɛ h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:67

Njɔú kɛ́ɛ́ɣɛ Sakaláya, Hɛ́ɛ́ma Ỹínangi í vúni su, aáva i Ngalá ndaahááleni, i ɣɛ ta,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:12

sífaa Hɛ́ɛ́ma Ỹínangi aa wú gálambo táingi ná w̃a kái kái ngáá sí kule áá ɣɛ́ wú w̃a wú nde.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:15

Sífaa nyá bútei ngáá hómbo ngí njɛpɛítii pu wú la, ná vólu, ngí wú gí máá gúla. Wú waahílima yélaitii kéle tɔ tɛ́i hómbo tɔɔ́ ló wú láá wú kɛlaa tɔɔ́ wú w̃ááɣaali.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:1

Ná Jísu í híɣeni Jɔ́ɔ́dɛ Yɛí h̃u, Hɛ́ɛ́ma Ỹínangi i vuní su. Aáva Hɛ́ɛ́ma Ỹínangi i vaaní í peleí ɣɛ́ ngáá Jísu, í lí ngaalaí h̃u.

NJƆÚ 14:26

Kɛ́ kpɔmba w̃ɔ́i, ná wáá ngáá Hɛ́ɛ́ma Ỹínangi lɛ́i ní Kɛ́ɛ́ɣɛ áá va tɔvemá ndááheingi h̃u, aá lɔ áá wú gálambo ngáá faa kpɛ́lɛɛ, aa va í wú gísitɛ faí sítii kpɛ́lɛɛ mba ngí wú gálambonga la.

NJƆÚ 20:22

Kɛ i laa hɛ́fɛngi vungá ti w̃a, i ɣɛ ti w̃a, “A Hɛ́ɛ́ma Ỹínangi w̃aahɔ́lɔ.

TI GƐ́Ɛ́ HAÍTII 1:5

Nguya Wo Mɔ́i Njɔú i ɣɛi áá nguya wo ngáá njɛí, kɛ́ kuu félengɔi h̃u, Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.”

TI GƐ́Ɛ́ HAÍTII 1:8

Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 10:46

Sífaa ti mɛniní ti laa wóitii maa í lóvi, ná vólu, táa faa wála walaítii nde Ngalá ngí ɣɛ́i kɛ́ni. Kɛ Pítɛ í ɣɛ́a ta,

TI GƐ́Ɛ́ HAÍTII 10:47

“Ele lɔ náa áá lokola sítii tuwɔ ngáá tálaa nguyaí w̃ááhɔlɔ ngáá njɛ? Tí Ngalángi hémbɛ wɔ́lingi w̃ááhɔlɔnga ná wáá ngáá Hɛ́ɛ́ma Ỹínangi kíya nɔ́ɔ mú mááhɔlɔni.”

TI GƐ́Ɛ́ HAÍTII 11:15

Pítɛ i ndíni ngú ma ngáá laa wóó, i ɣɛ ta, “Ná nɔ́ɔ léi ngí tɔkúla héini ngáá yɛpɛndáá ti yelé, Hɛ́ɛ́ma Ỹínangi i vuni ti h̃u kíya nɔ́ɔ muỹá bɛ́lɛ í vúni mu h̃u hése wɔlɔ.

TI GƐ́Ɛ́ HAÍTII 11:24

Bánaba i ɣɛi ngáá nuu vánda Hɛ́ɛ́ma Ỹínangi i polú, nda ngí su ngwala. Aáva nuu yambɔ́ɔ́lɔngɔ wala ti vóteni Ndemɔí Jísu wa.

TI GƐ́Ɛ́ HAÍTII 13:52

Jísu Kílisitii volú yélaitii pa ti ɣɛ́i Átiyɔ, ti h̃úúlaahengɔ i ɣɛi lá ngáá kooh̃unɛ́i ɛ́ɣɛ Hɛ́ɛ́ma Ỹínangi í vú ti h̃u.

TI GƐ́Ɛ́ HAÍTII 13:9

Kɛ́ Sɔ́ɔ, lɛ́i taa mɔ́ɔ ɣɛ ma Pɔ́ɔ, Hɛ́ɛ́ma Ỹínangi i ɣɛi polú. I wɔlɛní Ɛ́lemɔ yaah̃ú tííŋ, i ɣɛ ma,

TI GƐ́Ɛ́ HAÍTII 15:8

Ngalángi sí í mu lii h̃ú haítii kɔlɔ, i ngakɛ́nga ngáá kɛ i lokohéinga ti wu ngáá ngi Hɛ́ɛ́ma Ỹínangi í féngɔ ti yaá kɛ kíya í féngɔ mu yaá.

TI GƐ́Ɛ́ HAÍTII 19:6

Ná Pɔ́ɔ í loko vɛ́lɛni ti w̃a, Hɛ́ɛ́ma Ỹínangi i vuní ti h̃u, aáva ti pɛlɛní naá yɛpɛmá híí woo vekaní su, táa Ngalángi gééla woí le.

TI GƐ́Ɛ́ HAÍTII 2:11

Ni lɛ́ingaa ni gúlangɔ Kíliti ɛ́ɣɛ Aléébiya. Ni lɛ́ingaa niỹá lɔ ngáá Júsua. Ni lɛ́ingaa va naa ngáá Júsua, kɛ́ ni lókoheingɔɔ lé Ngala sávaitii mbu í féni. Kɛ́ na fíli su, ni kpɛ́lɛɛ niỹá lɔɔ́ nungái sítii ngoo ỹɛ́ni tíwaa yɛ́pɛ ni híí woítii su bɛ́kpɛ kɔwɔ́ato faa wála wálaitii mba Ngala ngi kɛ́nga!”

TI GƐ́Ɛ́ HAÍTII 2:3

Kɛ tí ŋani tá lɔngá kulangɔ́ ngáá ngɔmbu hó kɛ kíli. Maa wɔ́lingi ná yángi wɔ́lɛ wɔlɛ́ma, tí yéi yéi ti w̃a ngáá ngilá ngíla.

TI GƐ́Ɛ́ HAÍTII 4:31

Ná ti vílani Ngala fɛ́lima, mbéi ti w̃aakpɔ́ngɔ i ɣɛ́i lá mbá na, naa í bɛ́lini aáva Ngalángi Hɛ́ɛ́ma Ỹínangi i vuní ti kpɛ́lɛɛ su, táa Ngalá ndaa wói le ngáá ndiibá.

TI GƐ́Ɛ́ HAÍTII 4:8

Hɛ́ɛ́ma Ỹínangi i ɣɛi Pítɛ vólu, kɛ Pítɛ í ɣɛ́a ti w̃a, “Wɛ́i wú ngáá ngutuwɔ́ yélaitii ɛ́ɣɛ kele ɣelé mbélaitii nungái fááw̃a,

TI GƐ́Ɛ́ HAÍTII 6:3

Faalɔ, mu mbálangaa, a lokolo siỹɛ́ ngɔ́felangɔ wa wú h̃u sítii wú ti wɔlɔ́ ngáá Hɛ́ɛ́ma Ỹínangi í ti volú ɛ́ɣɛ ti géle ɣeléngɔ. Tiyá lɔ náa maá ngéngengi sí géle ti w̃a ngáá ti waa háá.

TI GƐ́Ɛ́ HAÍTII 6:5

Faa h̃uubatɛngi sí i kpɔngí ná kínɛi ndíílani. Faalɔ, tí lókoloni Sitívi wa lɛ́i í ɣɛ́i ngáá nuú Hɛ́ɛ́ma Ỹínangi i polú, nda ngí su ngwala. Ná vólu, tí lókoloni Félepi wá, ɛ́ɣɛ Pilɔkɔ́lɔ, Nekánɔ, Tímɔ, Pamɛ́na, ɛ́ɣɛ Nékola lɛ́i sí í gúlani tái sí h̃u taa náa lolí ngáá Átiyɔ. Nékola sí áá ɣɛ́i ngáá Júsu w̃ɔɔ kɛ́ i ɣɛi náa lokohéini Ngala sávaitii mbu.

TI GƐ́Ɛ́ HAÍTII 6:8

Sitívi i ɣɛi ngáá nuú Ngalángi hɛ́i i ɣɛi ma ngwala ɛ́ɣɛ Ngalángi yákpangi i ɣɛi su. I kindaa vilí fáitii kɛ́ni ɛ́ɣɛ káámaa haítii nungáitii ndiiwáá.

TI GƐ́Ɛ́ HAÍTII 7:55

Kɛ́ Hɛ́ɛ́ma Ỹínangi i ɣɛi Sitívi volú, aáva Sitívi i wɔlɛní ngelegóóh̃u, í Ngalángi múw̃a muw̃angí lɔ. Ná vólu, i Jísu lɔní lóóni naa béla.

TI GƐ́Ɛ́ HAÍTII 8:17

Kɛ Pítɛni ngaa Njɔú tí loko vɛ́lɛnga ti w̃a laáva tí Hɛ́ɛ́ma Ỹínangi w̃ááhɔlɔ.

TI GƐ́Ɛ́ HAÍTII 9:17

Kɛ Ananáya i liingá pɛ́lɛi ná la, í lɛ mbu. Kɛ i loko vɛ́lɛnga Sɔ́ɔ w̃a, i ɣɛ ma, “Mu mbálai Sɔ́ɔ, Ndemɔí Jísu lɛ́i í gúlangɔ í yááh̃u pélei w̃a ná yí ɣɛ́ngɔ yáá vá mbéi, aá lɔ í tɔ́vengɔ í yéle kɛinɔɔ́ yí ỹandái lɔ múl̃ɔ, aáva Hɛ́ɛ́ma Ỹínangi aa ɣɛ í vólu.”

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

KƆ́L̃E HESENDAA GƆLƆÍ 12:10

Hɛ́ɛ́ma Ỹínangi aa kɛ ngáá háwu nuu vékai áá kááma haaní kɛ, í mɔ́ɔ́ kɛ ngáá háwu pekaí áá Ngalá ndaa háá lé, í mɔ́ɔ́ kɛ ngáá háwu pekai áá hómbo áá ɣɛ ndowah̃úngi wɔlɔ́ Ngalangí Hɛ́ɛ́ma Ỹínangi wa ɛ́ɣɛ ỹína nyɔu ỹɔungáitii, í mɔ́ɔ́ kɛ ngáá háwu nuu vékai áá híí woo vekaítii nde, í mɔ́ɔ́ kɛ ngáá háwu nuu vékai áá fái nátii suugúla áá ɣɛ léni híí woo vekaí nátii su.

KƆ́L̃E HESENDAA GƆLƆÍ 13:1

Ná ngɔ́ɔ́ hómbo ngí yɛ́pɛ híí woo vekani su ɔɔ ngɔ́ɔ́ bɔ́ɔ́ hómbo ngí yɛ́pɛ malékai ti ndái híí wói h̃u, kɛ́ ná ngɛ́i ɣɛ́ loí ngáá nungáá vékaa, kɛ ní yɛ́pɛi ná kpɛ́lɛɛ aá lɔ́ nɔ́ɔ ngáá sɔɔlɛ wóo nyááka.

KƆ́L̃E HESENDAA GƆLƆÍ 13:8

Kɛɛlɛ ngáá ndongí wa. Ngalá ndaa háá léndai lɔ na, kɛ́ aa vaamá ɣɛ́ma na kúnafɔ. Sí Ngala ngáá kɛ nuu áá yɛ́pɛ híí woo vekaítii su, ná bɛ́lɛ ngí haa ɛi mɔɔ ɣɛ́ su. Kele ɣeléngi lɔ na, kɛ́ aá lɔɔ vá vílama.

KƆ́L̃E HESENDAA GƆLƆÍ 14:18

Ngáá sɛ́ɣɛɛ gula Ngalá má ngaá ngáá yɛ́pɛ híí woo vekaní su ngwala í lɔ́ve wú kpɛ́lɛɛ mbá.

KƆ́L̃E HESENDAA GƆLƆÍ 14:5

Ngáá ɣɛ́ loí wú kpɛ́lɛɛ wááyaa yɛ́pɛ híí woo vekaítii su, kɛ́ ɔ́ɔ́ nɛ́ɛ́ mbɛ́ ngwala ná wɔ́ɔ́ Ngala ndaa háá lé. Sífaa nuí sí áá Ngalá ndaa háá lé, tɔvengɔ́ɔ́ lé nuí sí wa áá yɛ́pɛ híí woo vekaítii su, kɛ nɔ́ɔ léi nuu í ɣɛ na í núi sí laa háá lé, áá yɛ́pɛ híi woo vekaítii su kɛinɔɔ́ í ɣɛ́ ngáá kulasuunúma Ngala fɛ́li mbélaitii kpɛ́lɛɛ fááw̃a.

Ɛ́FƐSƆ 3:19

Ngáá Ngala fɛ́li ngáá wú hómbo wú ɣɛ́ Kílisitii lóngi wɔ́lɔ, í ɣɛ́ wú yɛ, wú ɣɛ́ ngáá Ngalá kɛ kíli kíya bɛ́lɛ ngi lóngi h̃uuwɔ́ɔ́lɔngɔ nuu áá kɛɛlɛmáá wɔlɔ́.

Ɛ́FƐSƆ 5:18

Ndɔɔ bɔ́lendai áá wú hóu, a bé ná wá bɔw̃álale aa wú ɣɛ́ kíli ỹaaní. Kɛ́ laá ɣéle, bɛlɛ́ Hɛ́ɛ́ma Ỹínangi í ɣɛ́ wú vólu hɔ́wɔ fíli.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

PÍTƐ HESENDAA GƆLƆÍ 1:12

Ngalá pá ngí kɛí ngáá háwu ndaa háá lé mbélai tí ɣɛ́ kɔ́lɔ ngáá kɛ taá ɣɛi taá ndaa wói nátii nde ti bɔwɔ́ bɔ́wɔ gúlasuunuma hááw̃a, kɛ́ aá ɣéle, i ɣɛi na ngáá í ɣɛ́ ngáá kulasuunúma wú hááw̃a. Sítii pa ti ɣɛ́i taa Ngala kééla woo vandaí ná lé wú w̃a ti ɣɛ́i taá ndé wú w̃a Hɛ́ɛ́ma Ỹínangi yákpangi w̃áa véle w̃a lɛ́i í híɣeni ngelegóóh̃u. Aáva Ngala kééla woí ná malékaitii kele tɔ taá ɣɛ́ loí tí ɣɛ́ faa wɔ́lɔ kɔwɔ́ato mba ngáá pangɔ.

PÍTƐ GƆ́LƆI HELE KÉLEI 1:21

sífaa, keela wói Ngalá ndaa háá lé mbélai tɔ́ɔ́ nde aa ɣɛi ngáá ti wúmaa wóó, ná waa ngáá, sí ɔ́ɔ́ nɛ́ɛ́ ti yɛ ngáá tí nde, kɛ́ Hɛ́ɛ́ma Ỹínangi lɔ ɔ́ɔ́ maa yélai sítii nguto táá Ngalá ndaa wói nátii nde.