TI GƐ́Ɛ́ HAÍTII 2:10 - Kɛ́lɛ Niinaí

¹⁰ Felíjiya, P̃ɛɛfíliya, Íjepi, ɛ́ɣɛ tataí nátii su ti Lébiya lɔwɔlɔí h̃u sí áá lí ngáá Saílini taa walái h̃uu véle. Ná vólu, ni lɛ́ingaa niỹá lɔ ngáá sei heí mbélaa ni gúlangɔ Lóómi.

TI GƐ́Ɛ́ HAÍTII 2:10 Iomraidhean Croise

MÁFIYU 2:15

Naa vá tɔ ti loí na í ló su Masangí Hɛ́lɔdi í há. Sí kpɛ́lɛɛ i ɣɛ́i kɛinɔɔ́ faí sí Ndemɔí Ngalá ngi ndéni laa háá lé mɔ́i w̃a, ná í ndeí í hítɛ nga ngáá sí í ɣɛ́i ta, “Ngí ní H̃íỹɛndou Lói lólinga ngáá í gúla Íjepi wa.”

MÁFIYU 23:15

Suu vá tɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngala fái lá yaah̃ú kɛ́ aa wú líí h̃u! Wá lɔ wáá lí ỹánda kpɛ́lɛɛ kpɛ́lɛɛ wáá nuu wɔ́li ngáá í báha wú wá. Ná wáá maahɔ́lɔ, wáá kɛ́ ngáá háwu njahááma líí haí í ló maa w̃ɔ́i wa í lɔ́ve bɛ́lɛ wú ndá líí haí wa na!”

MÁFIYU 27:32

Ná ti ɣɛ́i taa gúla Jɛlúsɛl̃ɛ wa, ti w̃ɛ́ɛ́ni taá siỹɛndópo yiláá taa ɣɛ́ ma Sáimɔ. I ɣɛi ngáá taí sí h̃uu w̃ɔ́ɔ́ taa náá lolí ngáá Saílini. Maa h̃íỹɛndopoi lɔ sóyaitii tí kpái ma ngáá kule ngáá í lí ngáá Jísu gulɔsií.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 15:21

Ná sóyaitii ti ɣɛ́i taa lí ngáá Jísu, ti w̃ɛ́ɛ́ni taa siỹɛndópo yiláá taa ɣɛ́ ma Sáimɔ. I ɣɛi ngáá taí sí h̃uu w̃ɔ́ɔ́ taa naa lolí ngáá Saílini. I ɣɛi áá gúla kpaalaí w̃a, áá va taa walái h̃u. Alɛsáánda ɛ́ɣɛ Lúfɔ ti kɛ́ɛ́ɣɛ i ɣɛi lá. Sóyaitii tí kpáni ma ngáá kule ngáá í lí ngáá Jísu kulɔsíi.

TI GƐ́Ɛ́ HAÍTII 11:20

Kɛ́ ná fíli su, siỹɛngái sítii ti langɔ́ ngáá Jísu ti lɛ́ingaa gúlani Sáipulɔ ɛ́ɣɛ sítii ti gúlani Saílini taa walái h̃u, tí lííni Átiyɔ, tí pɛ́lɛ keela wóo vándai léma sítii ma taa ngáá Júsua tiyá bɛ́lɛ ma kɔwɔ́ato Ndemɔí Jísu wa.

TI GƐ́Ɛ́ HAÍTII 13:1

Átiyɔ taí h̃uu Yála fɛli mbélaitii su Ngalá ndaa háá lé mbélaitii ti ɣɛ́i na kpahangɔ́ kaamɔítii mba. Aáva ti ɣɛ́i ngáá Bánaba, ɛ́ɣɛ Símiyɔ lɛ́i tɔ́ɔ́ tolí ngáá Nuu W̃áá Lɛingí, ɛ́ɣɛ Lúsɔ lɛ́i í gúlani taí sí h̃u taá naa lolí ngáá Saílini, ɛ́ɣɛ Manééyɔ lɛ́i taá Masangí Hɛ́lɔdi Átipa ti ɣɛ́i ngáá mbala lopo, ɛ́ɣɛ Sɔ́ɔ.

TI GƐ́Ɛ́ HAÍTII 13:13

Ná Pɔ́ɔni ngaa ngi mbála hiyá polu yeláitii ti gúlani tai sí h̃u taa naa lolí ngáá Páfɔ ti víli keléngi h̃u, tí li taí sí h̃u taa naa lolí ngáá Pɛ́ga í P̃ɛɛfíliya lɔwɔlɔí h̃u. Naa lɔ Njɔú Máa í ti loní na ngáá í yangáima Jɛlúsɛl̃ɛ taa h̃u.

TI GƐ́Ɛ́ HAÍTII 13:43

Ná naa nungáitii tí gúlani maakpɔ́i h̃u, Júsuai kpih̃íw̃aa ɛ́ɣɛ sítii taa ɣɛ́i ngáá Júsua tí bih̃íw̃aa ti ɣɛ́i náa lokohéini Ngalá sávaitii mbu ti hítɛ Pɔ́ɔni ngáá Bánaba volú. Aáva nátii ti yɛ́pɛni ti yelé tí nduwúh̃ulɛ ngáá ti ye kɛinɔɔ́ tí ndi ngu ma ngáá ndángi Ngalá fái h̃u, ti ɣɛ́ Ngalángi háá bɔwɔí h̃u.

TI GƐ́Ɛ́ HAÍTII 14:24

Ná ti vílani lɔve tɔvé ma kpóloo Pesedíya lataí h̃u, tí vááni náa P̃ɛɛfíliya lataí h̃u.

TI GƐ́Ɛ́ HAÍTII 15:38

Kɛ́ Pɔ́ɔ i gisíyani ngáá kɛ aa pele w̃a ngáá Njɔú í báha ti wa, bɔw̃álale laá Njɔú i hiɣení ti volú P̃ɛɛfíliya lataí h̃u aáva aa loí ti loow̃á taá tiyéi tɔɔ́ ndi ngu ma ngáá ngengengí.

TI GƐ́Ɛ́ HAÍTII 16:6

Pɔ́ɔni ngaa ngi híya polu yeláitii ti lɔ́ve tɔvéni tataí sítii su taa ti lolí ngáá Felíjiya ɛ́ɣɛ Galésiya, bɔw̃álale Hɛ́ɛ́ma Ỹínangi aa kɛní tɔɔ́ Ngalá ndaa wói le Ésiya lataí h̃u.

TI GƐ́Ɛ́ HAÍTII 17:21

Átɛ yélaitii kpɛ́lɛɛ kpahangɔ́ náa koha yeláitii mba tí na díídɔɔ, taá ɣɛ́i beɣéni peka fíli má, kɛ́ ti yɛ́pɛ, ná vólu, ti wolílo faa níína fíli ma í hítɛ nga.

TI GƐ́Ɛ́ HAÍTII 18:2

Naa lɔ í Júsu w̃ɔɔ yiláá mááleni ná ndaahéingi í ɣɛ́i ngáá Akúila, í ɣɛ́i ngáá tataí sí h̃uu w̃ɔ́ɔ́ taa naa lolí ngáá Pɔ́tɔ. Taá ngi ỹáh̃ai sí taa ɣɛ́ ma Pilesíla ti ɣɛ́i nɔ́ɔ gulaní kpéi ndɔwɔlɔ́i ná h̃uu wá taa naa lolí ngáá Étɔli, bɔw̃álale maa Lóómi Lɔwɔ́lɔi W̃asa Ngwalaí tɔ́ɔ́ ɣɛ́ ma Kulɔ́diyasi, i sava laní ngáá Júsuaitii kpɛ́lɛɛ ti ɣɛ́i Lóómi taa h̃u ti gúla naa wa. Pɔ́ɔ va i liiní ti ŋál̃a belé má.

TI GƐ́Ɛ́ HAÍTII 18:23

Ná í kuu félengɔ ɣɛ́ni Átiyɔ, i hiɣení náa na, í lɔ́ve tɔvé ỹandá lɛingáá Galésiya lataí h̃u ɛ́ɣɛ Felíjiya lataí h̃u, áá nduwúh̃ulɛ ngáá Jísu volú yélaitii Ngala fɛ́li fái h̃u.

TI GƐ́Ɛ́ HAÍTII 2:11

Ni lɛ́ingaa ni gúlangɔ Kíliti ɛ́ɣɛ Aléébiya. Ni lɛ́ingaa niỹá lɔ ngáá Júsua. Ni lɛ́ingaa va naa ngáá Júsua, kɛ́ ni lókoheingɔɔ lé Ngala sávaitii mbu í féni. Kɛ́ na fíli su, ni kpɛ́lɛɛ niỹá lɔɔ́ nungái sítii ngoo ỹɛ́ni tíwaa yɛ́pɛ ni híí woítii su bɛ́kpɛ kɔwɔ́ato faa wála wálaitii mba Ngala ngi kɛ́nga!”

TI GƐ́Ɛ́ HAÍTII 23:11

Kpindi vékai w̃a, Ndemɔí i vaaní, i lo Pɔ́ɔ bela, i ɣɛ ma, “Ndi ngu ma ngáá í lííbangi. Kɛ kíya nɔ́ɔ yí yɛ́pɛnga kɔwɔ́ato mbá Jɛlúsɛl̃ɛ kɛ yáá li Lóómi bɛ́lɛ nɔ, yí yɛ́pɛ na kɔwɔ́ato mbá.”

TI GƐ́Ɛ́ HAÍTII 27:5

Ní híyani yívoi ya í lííngɔ í to tataí ná wá taa naa lolí ngáá Silísiya ɛ́ɣɛ tatá vékai ná taá taa naa lolí ngáá P̃ɛɛfíliya, ní va ní lo taa walái sí h̃u taá naa lolí ngáá Máála í Lékiya lataí h̃u.

TI GƐ́Ɛ́ HAÍTII 28:15

Ngala fɛ́li mbélai sítii ti ɣɛ́i Lóómi tí ni w̃áá woo ỹɛ́nini ngáá kɛ naá náa va. Tí vaaní ngáá tí ní lúwɔɔ lo. Tí lɛ́ingaa ti fóloni fáli ndɔwɔ́ bálangi sí ya taa tóli ngáá Ápiyɔ ɛ́ɣɛ ti lɛ́ingaa ti foló ỹandái sí Sota Pɛ́lɛ Sáángɔitii tí na. Ná Pɔ́ɔ í ti lɔní, i sɛ́ɣɛɛ gulaní Ngalá ma aáva nduwúh̃u i lɛ́ lá búte.

TI GƐ́Ɛ́ HAÍTII 6:5

Faa h̃uubatɛngi sí i kpɔngí ná kínɛi ndíílani. Faalɔ, tí lókoloni Sitívi wa lɛ́i í ɣɛ́i ngáá nuú Hɛ́ɛ́ma Ỹínangi i polú, nda ngí su ngwala. Ná vólu, tí lókoloni Félepi wá, ɛ́ɣɛ Pilɔkɔ́lɔ, Nekánɔ, Tímɔ, Pamɛ́na, ɛ́ɣɛ Nékola lɛ́i sí í gúlani tái sí h̃u taa náa lolí ngáá Átiyɔ. Nékola sí áá ɣɛ́i ngáá Júsu w̃ɔɔ kɛ́ i ɣɛi náa lokohéini Ngala sávaitii mbu.

TI GƐ́Ɛ́ HAÍTII 6:9

Kɛ́ mbaahílima yélaitii ti ɣɛ́i na. Mbaahílima yélai ti gúlani kotái sí wu tɔ́ɔ́ tolí ngáá Ngala fɛ́li máákpɔ wotái nduwɔ lopóai faaw̃a ti wumaawongɔ́ í ɣɛ́i la. Ti ɣɛ́i ngáá Júsua aáva ti lɛ́ingaa ti gúlani taa walá walaí sítii su taa ti lolí ngáá Saílini ɛ́ɣɛ Alɛsáánduya. Júsua vekáitii pa ti gúlani tataí sítii su taa ti lolí ngáá Silísiya ɛ́ɣɛ Ésiya. Nungái sítii tɔ tí maaɣaalíi vɛ́lɛni Sitívi wa.

LÓÓMI 1:15

Ná lɔ́ í kɛ́nga naa w̃ɔní í má ngwala ngáá ngí Ngalángi gééla woo vandaí lé wú w̃a wá bɛ́lɛ, wɛ́i wú Lóómi taa walái h̃u.

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

TÍMOTI GƆ́LƆI HELE KÉLEI 1:17

Kɛ́ ná nɔɔ́ léi í fóloi Lóómi taa walaí h̃u, i loí kɔ́lima í ló su í tɔ́.

FAA YÁKƐ KƆ́LƆI 11:8

Aáva ti vúw̃aitii taá ɣɛ́ láá lááni pele walái w̃a taa walái sí h̃u tí tí Lemɔ́i Jísu bakpáni na kulɔsíi w̃a. Aáva naa gúlangɔ i ɣɛi la ngáá Sɔ́dɔu ɛ́ɣɛ Íjepi.