TI GƐ́Ɛ́ HAÍTII 15:3 - Kɛ́lɛ Niinaí

³ Ná Ngala fɛ́li mbélaitii tí tí lɔ́veni, tí lííw̃ai, ti wálani tataí sítii su taa ti lolí ngáá Fɔnísiya ɛ́ɣɛ Samááliya táa nde ndé kɛ kíya sítii taa ngáá Júsua tí vótenga Ngalá mba. Ngoo vilí ngóó vándai sí i kɛní Ngala fɛ́li mbélaitii kpɛ́lɛɛ tí gooh̃unɛ́ɛ ngwala.

TI GƐ́Ɛ́ HAÍTII 15:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:32

Kule í ɣɛ́ngɔ nɔ́ɔ mu w̃a ngáá a mú ndáaỹɛ ngwála wo, a mú gooh̃unɛ́ɛ, bɔw̃álale í ndéɣei sí i ɣɛngɔ haaní kɛ́ i mɔɔ vaá ndɛɛh̃ú h̃u volú, i ɣɛngɔ loní su kɛ́ aáva i mɔɔ lɔngá.’ ”

TI GƐ́Ɛ́ HAÍTII 1:15

Ná foló lɛ́ingaa í gúlani su, sítii ti langɔ́ í ɣɛ́i lá ngáá Jísu tí yátɛni mba ỹanda yílaa. Aáva tɔ́ɔ́ híti náa nuu hɔ́ndɔ ngiláá nuu vúú félengɔ ỹɔ́kɔ su. Pítɛ í yóóɣeni, í ló ti liiwáá ngáá í yɛ́pɛ.

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

TI GƐ́Ɛ́ HAÍTII 13:52

Jísu Kílisitii volú yélaitii pa ti ɣɛ́i Átiyɔ, ti h̃úúlaahengɔ i ɣɛi lá ngáá kooh̃unɛ́i ɛ́ɣɛ Hɛ́ɛ́ma Ỹínangi í vú ti h̃u.

TI GƐ́Ɛ́ HAÍTII 14:27

Ná tí fóloni na, tí Ngala fɛ́li mbélaitii maakpɔ́ni mba ỹandáa yiláá tí volú haa lé ti w̃a ngáá sí kpɛ́lɛɛ Ngalá ngi kɛngá tiyá ti w̃áa véle w̃á ɛ́ɣɛ múl̃ɔ kíya í kɛ́a ngáá háwu sítii taa ngáá Júsua tíwaa lá ngáá Ngalá.

TI GƐ́Ɛ́ HAÍTII 15:1

Nungáá lɛ́ingaa ti gúlani Judíya lataí h̃u, tí vá Átiyɔ taa h̃u aáva ti ɣɛ́i taá ti mbála Yalá fɛ́li mbélaitii kálambo. Maa núngaitii ti ɣɛ́i taá kalambongí wo, táá ɣɛ́ ta, “Kɛ léi ti wú lɔ́ve pɛlɛ́ vólu kíya í Ngala sávai h̃u Ngalá ngí féni Muusé yáá, kɛ́ ná láá le, wú wúmaa ɛ́i wo.”

TI GƐ́Ɛ́ HAÍTII 15:12

Faŋaí ná kpɛ́lɛɛ maakpɔ́ngɔ í ɣɛ́i la, ti w̃aa ɣɛngɔ́ i ɣɛi lá lo táa wolílo Pɔ́ɔni ngaa Bánaba w̃a ná nátii ti ɣɛ́i taá yɛ́pɛ kɔwɔ́ato kááma haítii ɛ́ɣɛ kíndaa vilí faítii mba Ngalá ngí kɛ́ni sítii ndiiwáá taa ngáá Júsua tiyá ti w̃áá véle w̃a.

TI GƐ́Ɛ́ HAÍTII 15:22

Faalɔ, Ngalángi géélaitii ɛ́ɣɛ kele ɣelé mbélaitii Ngala fɛ́li mbélaitii fááw̃a, í báha náá Ngala fɛ́li mbélai sítii kpɛ́lɛɛ mbá ti ɣɛ́i Jɛlúsɛl̃ɛ, tí faa h̃uubatɛ́ mbóni ngáá tí lókolo nungáá wa bɔwɔ́ h̃u, tí tí lɔ́ve Átiyɔ taa h̃u taá Pɔ́ɔni ngaa Bánaba. Tí lókoloni Júdɔ wa lɛ́i taa ɣɛ ma Basába, ti mɔ́ɔ lokolo Sáilɔ wa aáva ti félengɔi sí ti ɣɛ́i ngáá ngutuwɔ́ yélaa Ngalá fɛ́li mbélaitii su.

TI GƐ́Ɛ́ HAÍTII 15:32

Júdɔni ngaa Sáilɔ tiyá bútei ti ɣɛ́i ngáá Ngalá ndaa háá lé mbélaa. Aáva tí faa bih̃íw̃aa léni ngáá í nduwúh̃ulɛ ngáá Ngala fɛ́li mbélaitii ti h̃úú í bá.

TI GƐ́Ɛ́ HAÍTII 15:4

Ná ti fóloni Jɛlúsɛl̃ɛ taa h̃u, Ngalángi géélaitii ɛ́ɣɛ kele ɣelé mbélaitii ɛ́ɣɛ Ngala fɛ́li mbélaa vekaítii tí lókoheini ti wu. Aáva nátii pa tí volú haa léni náa ti w̃a kɔwɔ́ato sí kpɛ́lɛɛ mbá Ngalá ngí kɛ́nga ti w̃áá véle w̃a.

TI GƐ́Ɛ́ HAÍTII 17:15

Siỹɛngái sítii ti ɣɛ́i lií Pɔ́ɔ laalóma, tí liiní ngáá Pɔ́ɔ Átɛ taa walái h̃u. Aáva Pɔ́ɔ i ngoo vilí pílini ngáá tí nde Sáilɔni ngaa Tímoti w̃a ngáá ti vá fála fala tí máále Átɛ.

TI GƐ́Ɛ́ HAÍTII 20:38

Sí gíte í ti yangɔ́lɔni ngwála, i ɣɛi ngáá ngoí sí Pɔ́ɔ í ndéni ti w̃a ngáá tɛí mɔ́ɔ yaah̃ú lá ma múl̃ɔ. Tí kuya peléni náa kelé ngwálai ŋál̃a.

TI GƐ́Ɛ́ HAÍTII 21:5

Kɛ́ ná ni líi hɔwɔ́i í fóloni ma, ni gúlani naa wa ní ndi ngu ma ngáá ni líi velé. Jísu volú yélaitii kpɛ́lɛɛ kpahangɔ́ ti ỹáh̃aitii mba taá ti léngaitii, tí ni gúyapeleni, ti gúla ngáá ni ye taí ná wa. Aáva ná ní foloní yívoi la, ní wumbú hítɛni, ní Ngala fɛ́li.

TI GƐ́Ɛ́ HAÍTII 28:15

Ngala fɛ́li mbélai sítii ti ɣɛ́i Lóómi tí ni w̃áá woo ỹɛ́nini ngáá kɛ naá náa va. Tí vaaní ngáá tí ní lúwɔɔ lo. Tí lɛ́ingaa ti fóloni fáli ndɔwɔ́ bálangi sí ya taa tóli ngáá Ápiyɔ ɛ́ɣɛ ti lɛ́ingaa ti foló ỹandái sí Sota Pɛ́lɛ Sáángɔitii tí na. Ná Pɔ́ɔ í ti lɔní, i sɛ́ɣɛɛ gulaní Ngalá ma aáva nduwúh̃u i lɛ́ lá búte.

TI GƐ́Ɛ́ HAÍTII 8:14

Ná Ngalángi géélaitii ti ɣɛ́i Jɛlúsɛl̃ɛ, tí mɛniní ngáá kɛ Samááliya yélaitii tí lókoheinga Ngalá ndaa wói wu, ti Pítɛni ngaa Njɔú lɔ́veni ti yelé.

LÓÓMI 15:24

Faalɔ, ngí kpátɛa náa gí ma ngáá ngí wú héi heí ngáá ná h̃u ngáá ɣɛ́a lí ndɔwɔlɔ́i sí h̃u taá naa lolí ngáá Sip̃ee. Ngáá ló gɔwɔ́ h̃u wú yéle kuu félengɔ hááw̃a, wáá vá wáá lóko bɔ náá mbá ní híyangi h̃u aá lí Sip̃ee.

KƆ́L̃E HESENDAA GƆLƆÍ 16:11

Nuu fíli álaa ngufema lála hé mbɛ, kɛ́ kɛ wú bɔ́mba í ndí ngu ma ngáá ngi híyangi ndiilɛí h̃u kɛinɔɔ́ í yángaima ngéle, bɔw̃álale ngááh̃u lɔ tuwɔ ngaá ti yangáima taá mu mbála Yalá fɛ́li mbélaa vekaítii.

KƆ́L̃E HESENDAA GƆLƆÍ 16:6

Tɛingaa h̃u ngáá ló wu lóów̃a kuu félengɔ hááw̃a tɛingaa h̃u p̃ɛ́ɛ́ ngáá kɔɔlɛ́ hɔ́wɔi kpɛ́lɛɛ súúhiya na, aáva wáá bɔ́ náá mbá ngí ndí ngú ma ngáá ní híyangi mbéi fíli kule áá ɣɛ́ má ngí lí na.

KƆ́L̃E GƆ́LƆI HELE KÉLEI 1:16

Ngí kpatɛní gi má ngáá ngí wú héi heí ndííw̃ai Mɛsedóniya lataí h̃u ɛ́ɣɛ múl̃ɔ ngángaimaw̃ai kɛinɔɔ́ ngí kpɔmba w̃ááhɔlɔ wú yáá ní híyangi hááw̃a ngáá lí Judíya lataí h̃u.

TÁITƆ 3:13

Sína lɛ́i í ngáá lɔ́yai ɛ́ɣɛ Apólo tiyá lɔ́ɔ lí siyamá, ngáá ɣɛ́ loí yí kpɔ́mba hé tí yɛ ngáá sí kínɛi taa ɣɛ́ lói lá siyangí h̃u tí mááhɔlɔ.