TI GƐ́Ɛ́ HAÍTII 13:4 - Kɛ́lɛ Niinaí

⁴ Hɛ́ɛ́ma Ỹínangi i kɛní naa ngáá háwu tí li taa walái sí h̃u taa náa lolí ngáá Sɛlusíya. Ti vílini naá kelé ngwálai h̃u tí li ndɔwɔlɔí sí h̃u taa naa lolí ngáá Sáipulɔ maayele mbélengɔ ngáá njɛí.

TI GƐ́Ɛ́ HAÍTII 13:4 Iomraidhean Croise

TI GƐ́Ɛ́ HAÍTII 11:19

Sítii ti langɔ́ ngáá Jísu ti vahá fáhangɔ i ɣɛi lá su kɔwɔ́ato faa bángi wa í láni ti w̃a ná h̃u nungáitii tí Sitívi vaaní. Ti lɛ́ingaa ti liiní Fɔnísiya lataí h̃u ɛ́ɣɛ Sáipulɔ lɔwɔlɔí h̃u ɛ́ɣɛ Átiyɔ taa h̃u táa Ngalangí gééla woí le Júsuai séɣe héɣe má.

TI GƐ́Ɛ́ HAÍTII 13:2

Ná ti ɣɛ́i taá Ndemɔí Ngalá fɛ́li táá súngi hóu, Hɛ́ɛ́ma Ỹínangi i ɣɛ ta, “A Bánabani ngaa Sɔ́ɔ gula naa wa léélaa mbɛ́ ngengengí sí hááw̃a ngí lókolongɔ ti wa ngáá tí mbo.”

TI GƐ́Ɛ́ HAÍTII 13:3

Faalɔ, ná ti súngi hóuni, tí Ngala fɛ́li, tí loko vɛ́lɛ Bánabani ngaa Sɔ́ɔ w̃a, tí Ngala fɛ́li ti w̃a, tí ti lɔ́ve.

TI GƐ́Ɛ́ HAÍTII 15:36

I ɣɛi náa ngáá hɔ́wɔ ta, kɛ Pɔ́ɔ i ndengá Bánaba w̃a, i ɣɛ ma, “Mú yangáima mú mu mbála Yalá fɛli mbélaitii séi heí taí kpɛ́lɛɛ sú mú Ndemɔí Ngalá ndaa wói lengá na, mú ti ɣɛ kíli lɔ.”

TI GƐ́Ɛ́ HAÍTII 20:23

Ngí kɔ́lɔ nɔ́ɔ léi ngáá kɛ taa fíli su ngáá lí na, Hɛ́ɛ́ma Ỹínangi aa kísitɛ na ngáá kɛ pelésinalai, ɛ́ɣɛ faa bámaitii tiyá lɔɔ máále.

TI GƐ́Ɛ́ HAÍTII 27:4

Ní ndiní ngú ma ngáá siyangí kelé ngwálai h̃u múl̃ɔ. Kɛ́ ná fɛfɛ ngákpangɔ wálai í ɣɛ́i áá vá ngáá ni yatéésu véle, ni lɔ́veni ngáá kapasu véle gɔvɔ h̃u vélei ndɔwɔlɔ́i ná h̃u taa naa lolí ngáá Sáipulɔ maayelé mbélengɔ ngáá njɛi.

TI GƐ́Ɛ́ HAÍTII 4:36

Siỹɛndópo yiláá i ɣɛi na taá ɣɛ́ ma Joosɛ́. Joosɛ́i sí va í ɣɛ́i ngáá Lívaingaitii ti tá. Joosɛ́i sí i gulaní ỹandái sí taa naa lolí ngáá Sáipulɔ. Aa vá tɔ Ngalángi géélaitii tɔ́ɔ́ ɣɛ ma Bánaba. Ndaaheíngi sí wúi wáá ngáá nuí áá ndúwuh̃ulɛ ngáá nuu yé.