TI GƐ́Ɛ́ HAÍTII 13:3 - Kɛ́lɛ Niinaí

³ Faalɔ, ná ti súngi hóuni, tí Ngala fɛ́li, tí loko vɛ́lɛ Bánabani ngaa Sɔ́ɔ w̃a, tí Ngala fɛ́li ti w̃a, tí ti lɔ́ve.

TI GƐ́Ɛ́ HAÍTII 13:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:37

ngi h̃íỹɛngi í há. I ɣɛi náa kɛní ngáá fowó vúu ngwáhakpangɔ maah̃ú nááningɔ ponyah̃álai ná h̃u. Aáva nápa aa liilaá w̃aaléveni Hɛ́ɛ́ma Yála Pɛ́lɛi góvii h̃u. Ná vólu, ɔ́ɔ́ súngi hóu, í Ngala fɛ́li kpindí bɔngɔ́ fólo wa.

TI GƐ́Ɛ́ HAÍTII 1:24

Kɛ tí Ngala fɛ́linga, tí ɣɛ́ ma, “Kɛɛɣɛ́ Ngála, yí núi kpɛ́lɛɛ ki ma háá wɔlɔ. Faalɔ, siỹɛngáá félengɔi sítii su, kɛ ná ngáá ni ye nuí sí yí lókolonga mba

TI GƐ́Ɛ́ HAÍTII 13:2

Ná ti ɣɛ́i taá Ndemɔí Ngalá fɛ́li táá súngi hóu, Hɛ́ɛ́ma Ỹínangi i ɣɛ ta, “A Bánabani ngaa Sɔ́ɔ gula naa wa léélaa mbɛ́ ngengengí sí hááw̃a ngí lókolongɔ ti wa ngáá tí mbo.”

TI GƐ́Ɛ́ HAÍTII 13:4

Hɛ́ɛ́ma Ỹínangi i kɛní naa ngáá háwu tí li taa walái sí h̃u taa náa lolí ngáá Sɛlusíya. Ti vílini naá kelé ngwálai h̃u tí li ndɔwɔlɔí sí h̃u taa naa lolí ngáá Sáipulɔ maayele mbélengɔ ngáá njɛí.

TI GƐ́Ɛ́ HAÍTII 14:23

Pɔ́ɔni ngaa Bánaba tí lokoloní kele ɣelé mbélaitii mba Ngalá fɛ́li gúuwutii ngila ngíla fíli fááw̃a. Tí ti gáihani Ndemɔí Ngalá ma lɛ́i ti langɔ́ í ɣɛ́i lá la. Tí ti gáihani ma ngáá Ngalá fɛ́lindaa taá sú sóundaa.

TI GƐ́Ɛ́ HAÍTII 14:26

Ná ti gúlani Atáliya wa, ti vílini keléngi h̃u, tí yangáima Átiyɔ taa h̃u mbéi ti ɣɛ́i ti gáihani ná Ngalá ma ngi háá bɔwɔ h̃u ngengengí sí hááw̃a ti ɣɛ́i náa ngu kúlani.

TI GƐ́Ɛ́ HAÍTII 15:40

Kɛ Pɔ́ɔ i Sáilɔ yeɣénga, tí li, aáva Ngalá fɛ́li mbélaitii tí hɛ́ɛ́ni ti yɛ ngáá tí ɣɛ́ Ndemɔí Ngalángi háa bɔwɔ longí wu.

TI GƐ́Ɛ́ HAÍTII 6:6

Tí siỹɛ́ ngɔ́felangɔi sítii féni Ngalángi géélaitii ngeyá, nátii tí loko vɛ́lɛ ti w̃a, tí Ngala fɛ́li ti w̃a.

TI GƐ́Ɛ́ HAÍTII 9:17

Kɛ Ananáya i liingá pɛ́lɛi ná la, í lɛ mbu. Kɛ i loko vɛ́lɛnga Sɔ́ɔ w̃a, i ɣɛ ma, “Mu mbálai Sɔ́ɔ, Ndemɔí Jísu lɛ́i í gúlangɔ í yááh̃u pélei w̃a ná yí ɣɛ́ngɔ yáá vá mbéi, aá lɔ í tɔ́vengɔ í yéle kɛinɔɔ́ yí ỹandái lɔ múl̃ɔ, aáva Hɛ́ɛ́ma Ỹínangi aa ɣɛ í vólu.”

LÓÓMI 10:15

Aáva áá ɣéle lé náá ti w̃a ná núngaa lɔ́vengɔ ɛ́i ɣɛ́ la ngáá tí lí ti nde ti w̃a? Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáá ngáá sí, “Aá lɔ́ ngáá faá w̃aanɛ́ɛ́ngɔ ngwala ngáá sítii taa ɣɛ́ taa vá ngáá tí Ngala kééla woo vándai lé.”

TÍMOTI HESENDAA GƆLƆÍ 4:14

Ngenge tókoi Hɛ́ɛ́ma Ỹínangi í kɛ́i ngáá háwu yí hómboi nda ná h̃u Ngala ndaa háá lé mbélaitii ɛ́ɣɛ kele ɣéle mbélai tí lóko vɛ́lɛi i w̃á, ti Ngalá fɛ́li í yɛ́, ngáá ɣɛ́ loí yí ndí ngu ma ngáá maa yénge pandaí ná wóndaa.

TÍMOTI HESENDAA GƆLƆÍ 5:22

Yálaa bɛ́li ngáá yí lóko vɛ́lɛ nuu fíli ma ngáá yí Ngala fɛ́li mbɛ ngáá í ɣɛ ngáá ngenge mɔ́ɔ́ Ndemɔí Ngalá mbɛ. Yálaa víli faa ỹɔ́i sítii su nungáá vékaitii taa ɣɛ́ táá kɛ. Tɔmbema w̃áa fíli álaa ɣɛ́ í wa.

TÍMOTI GƆ́LƆI HELE KÉLEI 1:6

Ná hááw̃a, ngenge tókoi Ngalá ngí féni í yáa ngáá yí mbo ná h̃u ngí lóko vɛ́lɛi i w̃á ngí Ngalá fɛ́li, ngáá ɣɛ́ loí yí ndí ngu ma ngáá maa yénge pandaí wóndaa.

TÍMOTI GƆ́LƆI HELE KÉLEI 2:2

Kalambongí sí yí tɔ́ngɔ ngí mbóngɔ nuu bíh̃iw̃aa yaah̃u w̃a, maa galambongí ná lókoleve tokola ma yélaa w̃a, tiyɛ́i taa hómbo tí nungáá véka galambo la tiyá bɛ́lɛ.

NJƆÚ GƆ́LƆI HAWA KÉLEI 1:6

Ndongí yí su ngáá ti ye tí súúɣɛngɔ ngáá Ngala fɛ́li mbélaitii ti mbéinda. Bɔ́ kái tí wa tí ndí ngu ma ngáá ti Yála ngenge siyangí tí su kíya Ngalá ndóngɔ nɔ́ɔ yí kɛ ti yɛ.

NJƆÚ GƆ́LƆI HAWA KÉLEI 1:8

Faale, kule lɔ́ mú w̃a a muỹɛ́i mu ngáá Ngala fɛ́li mbélaitii a mú lóko bɔ tí wa kɛinɔɔ́ a mu lɔ́ngɔ á mu ɣɛ́ ngáá ngengengí sí wó mbélaa, ná wáa ngáá, Ngalángi lɔ́ɔ́ỹai léndai.