TI GƐ́Ɛ́ HAÍTII 13:2 - Kɛ́lɛ Niinaí

² Ná ti ɣɛ́i taá Ndemɔí Ngalá fɛ́li táá súngi hóu, Hɛ́ɛ́ma Ỹínangi i ɣɛ ta, “A Bánabani ngaa Sɔ́ɔ gula naa wa léélaa mbɛ́ ngengengí sí hááw̃a ngí lókolongɔ ti wa ngáá tí mbo.”

TI GƐ́Ɛ́ HAÍTII 13:2 Iomraidhean Croise

MÁFIYU 17:21

Kɛ́ kɛ léi Ngala fɛ́lindai ɛ́ɣɛ sú soundái áá hómbo í ỹína nyɔu laalií sí léve nuí vólu, kɛ́ peka fíli ɛ́i hombó ɔ́ɔ́ kɛ.]”

MÁFIYU 6:16

Jísu í mɔ́ɔ́ ɣɛ ti w̃a, “Ná wáá ɣɛ́ wáá sú sóu, wálaa yaah̃ú yátaba, kɛ kíya nungái sítii taá Ngalá fái lá yaah̃ú kɛ́ ɛi ɣɛ ti lií h̃ú, taá kɛ. Taá ndɔ́lɛ yaah̃uí bátɛ wa, kɛinɔɔ́ nungáá ti ɣɛ́ kɔ́lɔ ngáá tiyá lɔ́ɔ sú sóu. Ngí tɔ́ɔ́ỹai le wú w̃a, ti w̃ááỹangi kpɛ́lɛɛ míl̃a tí maahɔ́lɔnga.

MÁFIYU 9:38

Faalɔ, a Ndemɔí Ngala mɔ́ɔ́ni lɛ́i ngi ndá í ngáá sii híí ŋáni í kula mbélaa lɔve ngi báálai h̃u sitingɔ náa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:1

Ná sí í gúlani su, Ndemɔí Jísu i lokoloní nuu vúú ngɔ́felangɔ maah̃úú félengɔ vékaa wa, í tí lɔ́ve wutúwɔ ngáá felé féle taa fíli su ɛ́ɣɛ ỹandá fíli í ɣɛ́i náa áá va liimá na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:37

ngi h̃íỹɛngi í há. I ɣɛi náa kɛní ngáá fowó vúu ngwáhakpangɔ maah̃ú nááningɔ ponyah̃álai ná h̃u. Aáva nápa aa liilaá w̃aaléveni Hɛ́ɛ́ma Yála Pɛ́lɛi góvii h̃u. Ná vólu, ɔ́ɔ́ súngi hóu, í Ngala fɛ́li kpindí bɔngɔ́ fólo wa.

TI GƐ́Ɛ́ HAÍTII 10:19

Ná h̃u nɛ́nɛ kpɛ́, Pítɛ í ɣɛ́i áá gisíya ngáá faí sí wuí, kɛ Hɛ́ɛ́ma Ỹínangi i ɣɛa ma, “Wɔlɛ lɛ́ɛ, siỹɛngáá sáángɔ tiyá lɔ í wɔ́li.

TI GƐ́Ɛ́ HAÍTII 10:30

Kɛ Kɔníliya i ngoo yápotenga, i ɣɛ ma, “Folo sáángɔ gulangɔ́ w̃a náa su, ngi ɣɛ́ngɔ ní vɛ́lɛi wu ngáá Ngala fɛ́li táingi sí w̃a í ngáá kpɔkɔ hólo yakpámai té té kínɛi. Ngamá nɔ́ɔ́, kɛ ngí siỹɛndópo yiláa tɔ́nga lóóni kákala maa yílingɔ ngáá kula áá hólo.

TI GƐ́Ɛ́ HAÍTII 13:3

Faalɔ, ná ti súngi hóuni, tí Ngala fɛ́li, tí loko vɛ́lɛ Bánabani ngaa Sɔ́ɔ w̃a, tí Ngala fɛ́li ti w̃a, tí ti lɔ́ve.

TI GƐ́Ɛ́ HAÍTII 13:4

Hɛ́ɛ́ma Ỹínangi i kɛní naa ngáá háwu tí li taa walái sí h̃u taa náa lolí ngáá Sɛlusíya. Ti vílini naá kelé ngwálai h̃u tí li ndɔwɔlɔí sí h̃u taa naa lolí ngáá Sáipulɔ maayele mbélengɔ ngáá njɛí.

TI GƐ́Ɛ́ HAÍTII 14:26

Ná ti gúlani Atáliya wa, ti vílini keléngi h̃u, tí yangáima Átiyɔ taa h̃u mbéi ti ɣɛ́i ti gáihani ná Ngalá ma ngi háá bɔwɔ h̃u ngengengí sí hááw̃a ti ɣɛ́i náa ngu kúlani.

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 22:21

Kɛ Ndemɔí Jísu i ndengá má, i ɣɛ má, ‘Lí! Nyá ngaá í lɔ́ve kpɔ́lɔɔ sítii ngelé taa ngáá Júsua.’ ”

TI GƐ́Ɛ́ HAÍTII 4:36

Siỹɛndópo yiláá i ɣɛi na taá ɣɛ́ ma Joosɛ́. Joosɛ́i sí va í ɣɛ́i ngáá Lívaingaitii ti tá. Joosɛ́i sí i gulaní ỹandái sí taa naa lolí ngáá Sáipulɔ. Aa vá tɔ Ngalángi géélaitii tɔ́ɔ́ ɣɛ ma Bánaba. Ndaaheíngi sí wúi wáá ngáá nuí áá ndúwuh̃ulɛ ngáá nuu yé.

TI GƐ́Ɛ́ HAÍTII 6:4

Aáva ni yaah̃ú aa ɣɛ nɔ́ɔ náa Ngala fɛ́lindai wa taá Ngala ngóó lendái.”

TI GƐ́Ɛ́ HAÍTII 8:29

Kɛ Hɛ́ɛ́ma Ỹínangi i ɣɛa Félepi w̃a, “Lí, yí ló ngɛíngi ná béla siỹɛndópoi í héini su, áá siya.”

TI GƐ́Ɛ́ HAÍTII 9:15

Kɛ Ndemɔí Jísu i ɣɛa Ananáya w̃a, “Lí! Ngí lókolonga siỹɛndópoi sí wa ngáá ní yénge mɔɔ ngáá í lí Ísulɔ yeláitii ngelé ɛ́ɣɛ nungáitii sítii taa ngáá Júsua ti w̃ása ngwála walaítii í ndé ti w̃a ti ɣɛ́ kɔlɔ́ ngáá kɛ ele wáá ngáá nge.

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

LÓÓMI 10:15

Aáva áá ɣéle lé náá ti w̃a ná núngaa lɔ́vengɔ ɛ́i ɣɛ́ la ngáá tí lí ti nde ti w̃a? Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáá ngáá sí, “Aá lɔ́ ngáá faá w̃aanɛ́ɛ́ngɔ ngwala ngáá sítii taa ɣɛ́ taa vá ngáá tí Ngala kééla woo vándai lé.”

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

KƆ́L̃E HESENDAA GƆLƆÍ 12:11

Hɛ́ɛ́ma Ỹína ngílaa kpéngi lɔ́ nɔ́ɔ áá fái sítii kpɛ́lɛɛ kɛ́. Ngengengí fíli áá ɣɛ́ loí nuí ááyaa mbo, laá lɔ́ áá kɛ ngáá háwu í ɣɛ́ ngáá maa w̃ɔ́i yénge tokoí.

KƆ́L̃E HESENDAA GƆLƆÍ 7:5

Waá béteve ỹɔ́w̃ɔ wa nyii pɛlɛ́ wú hááw̃a, kɛ náa hɔ́ɔ́ í ɣɛ́ ngáá wú lúw̃ama h̃ú haa kɛinɔɔ́ wú kuí ná h̃uuhíya Ngala fɛ́lindaa h̃u. Kɛ́ ná ná áá gúla su, a yáima bɔwɔ́ w̃a nyii pɛ́lɛ wú hááw̃a kɛinɔɔ́ Setána ɔ́ɔ́ vá wú h̃úúgɔvɔ wɔ́ɔ́ faa ỹɔ́u ɣɛ́ ngáá sífaa wɔ́i ɣɛ́ hómboi wɔ́ɔ́ bɔ́wɔ h̃úúhou w̃a.

KƆ́L̃E GƆ́LƆI HELE KÉLEI 11:27

Ngí yéngea ngwala ngi bɔ́lɔnga. Kuu bíh̃iw̃aa haaw̃a ngɛ́i belé lóko w̃ááhɔlɔ ngɔ́ɔ́ ỹíí, ndɔlɛ í sóu taa njɛ w̃ɔni, ngɛ́i belé mɛɛní bih̃íw̃aa w̃aahɔ́lɔ mɛ fááw̃a, ɛ́ɣɛ kɔɔlɛ́ áa sóu sífaa kula áá ɣɛ́i má ɛ́ɣɛ ndaaw̃aá áá ɣɛi mbɛ́.

KƆ́L̃E GƆ́LƆI HELE KÉLEI 6:5

Tí ndéveni mbóa ngáá ni ye, tí ni víli kpindi vɛlɛ́ wu, nuu bɔ́ ngí w̃ɛɛ́nga ni w̃a ndiibándi w̃ááh̃u táá faa bá ndá ni w̃a, ná vólu, ní w̃áálɔve maa w̃ɔ́nɛ wóa ɛ́ɣɛ kuu bíh̃iw̃aa laa lówah̃u nɛí belé lóko w̃ááhɔlɔ nɔɔ́ ỹíí kɛlaa nɔ́ɔ lááỹɛ.

GALÉSIYA 1:15

Kɛ́ Ngalángi háa bɔwɔí w̃áá vele w̃á fááw̃a, i lokoloní mbá p̃ɛ́ɛ́ tɔɔ́ ɣɛ́a ndé, aáva i tólingɔ ngáá ngí yénge mbɛ. Laáva ná í kpátɛi gí ma

Ɛ́FƐSƆ 3:7

Ngalá ngí kɛ́a ngáá háwu ngi háá bɔwɔí w̃áá véle w̃á ngáá ngí kééla wóo vándai lé. Ngi yákpangi h̃uu lɔ́ ngáá ngengengí sí wó na.

KƆLƆ́SE 4:17

A nde siỹɛndópoi sí w̃a taa ɣɛ ma Ákipɔ ngáá í yákpa í víla ngengengí sí w̃a Ndemɔí Jísu í féngɔ ngeyá.

TÍMOTI HESENDAA GƆLƆÍ 2:7

Ná vá tɔ í kɛ́ngɔ Ngalá ngí tɔ́vengɔ ngáá Jísu Kílisitii gééla, ɛ́ɣɛ kalambo mɔ́ɔ́ nungái sítii fááw̃a taá ngáá Júsua, ná vólu, ngí kééla woó vándai lé kɔwɔ́ato ndangí wa nuu áá ɣɛ́ su ngáá Jísu Kílisitii ɛ́ɣɛ tɔɔỹái kɔwɔ́ato mba. Ndɛɛ láá le ngɔ́ɔ́ ɣɛ́ ngáá kɔ́ɔ́la, sí ngíwaa nde aá lɔ́ ngáá tɔɔỹaá.

TÍMOTI GƆ́LƆI HELE KÉLEI 1:11

Ngalá ngí lokolongɔ́ mbá ngáá keelá ɛ́ɣɛ kalambo mɔ́ɔ ngáá ngí kééla woó vándai lé.

TÍMOTI GƆ́LƆI HELE KÉLEI 2:2

Kalambongí sí yí tɔ́ngɔ ngí mbóngɔ nuu bíh̃iw̃aa yaah̃u w̃a, maa galambongí ná lókoleve tokola ma yélaa w̃a, tiyɛ́i taa hómbo tí nungáá véka galambo la tiyá bɛ́lɛ.

TÍMOTI GƆ́LƆI HELE KÉLEI 4:11

Naa Lúu lɔ náá nɔ́ɔ ni mbéi. Faalɔ, ná yáá ɣɛ́a vá, wú vá waa Máa bɔw̃álale aa bɔ mbá ní yéngengi h̃u.

TÍMOTI GƆ́LƆI HELE KÉLEI 4:5

Kɛ́ yá Tímoti, yí bɔwɔ́ h̃úúhou w̃a faa kpɛ́lɛɛ su. Yálaa lúwa maanɔ́w̃ɔi wa yáá vá ngéɣema keela woó vándai sí lé fái w̃a, ndi ngu ma ngáá ndendáá. Sítii ti ngáá í yénge, yí tí wo ngáá pangɔ́ kíya nɔ́ɔ Ngala ngénge mɔɔ áá kɛ.

HÍBULU 5:4

Nuu fíli ɛi lokolo nɔ́ɔ bɔwɔ́ wa ngáá í ngúfema lóów̃ai sí w̃ááhɔlɔ, ná wáá ngáá, í ɣɛ́ ngáá Ngala sááɣa gula mbélai ti wutúwɔɔ w̃ɔ́ɔ́ wala, kɛ́ aá ɣéle, Ngalá tɔ áá lókolo nuu wa kíya nɔ́ɔ í lókoloi wɔ́lɔ siỹɛndópoi ná wa tɔ́ɔ́ ɣɛ́ ma Éél̃ɔ.