TI GƐ́Ɛ́ HAÍTII 12:3 - Kɛ́lɛ Niinaí

³ Ná í tɔní ngáá kɛ Jimisí váándai i Júsuaitii ndiilángɔ, i ndiiní ngu ma ngáá sí í Pítɛ bɛ́lɛ nɔ́ sóuni. Faí sí vá i hiyaní Júsuai ti gúi sí w̃ááh̃u taá tóli ngáá Kúi Maa Bilé Ɛ́i Lɛ́ Nga.

TI GƐ́Ɛ́ HAÍTII 12:3 Iomraidhean Croise

MÁFIYU 26:17

Júsuai ti gúi ná taá tóli ngáá Kuí Maa Bílei Ɛ́i Lɛ́ Nga, hésendaa holoí w̃a ma gúi h̃u, Jísu volú yélaitii tí vái ngelé, tí mɔ́ɔ́ni, ti ɣɛ́ ma, “Míl̃inda lɔ í lóngɔ ni lí ní naa ɣɛ kíli batɛ́ mu yɛ Ngumaawó Kúi w̃aa ỹɛ́ɛ́nii ỹɛ́ fááw̃a?”

NJƆÚ 12:43

Nungái nátii ti ɣɛ́i loí ngáá tɛngí nuu búsai ɔ́ɔ́ mbo ngáá ti ye í lɔ́ve sí wa Ngalá kíte ɔ́ɔ́ ti lɛ.

NJƆÚ 19:11

Kɛ Jísu i ngoo yápotenga, i ɣɛ ma, “Ngakpá fíli aa í yáá mááh̃u, ná wɔ́lii ɛ́i ɣɛ́ gulangɔ́ Ngalá ngeyá ɔ́ɔ́ hé í yáá. Faalɔ, nuí sí í tókolevengɔ í w̃a, maa w̃ɔ́i ɣéle ngi háa ỹɔí h̃uu í wɔ́ɔ́lɔ í ndái wa.”

NJƆÚ 21:18

Kɛ Jísu i mɔɔ ɣɛa Pítɛ w̃a, “Ngí tɔɔỹái le í w̃a, ná yí ɣɛ́i ngáá tɛɛniiná yɔ́ɔ́ bɔwɔ́ w̃aayíli, yí li mbéi fíli yɔ́ɔ́ ɣɛ́ loí yí lí na. Kɛ́ ná yáá bókolo, yáá lokoí h̃uuhulómbo, nuu véka í í bɛ́tii yíli, í li ngáá í ye mbéi yɛ́i ɣɛ́ lói yɔ́ɔ́ lí na.”

TI GƐ́Ɛ́ HAÍTII 12:4

Ná í sóuni, i piliní kpindi vɛlɛ́i wu, í tokolevé sóya guuwu hei h̃ú nááningɔ w̃a ngáá tí maah̃ú belé kuuwu veléi w̃a bɛ́kpɛ. Kuuwu yílaa fíli su, sóya nááningɔ lɔ ɔ́ɔ́ ɣɛ́ su. Masangí Hɛ́lɔdi i ɣɛi ndaí gi su ngáá í vá ngáá Pítɛ kpɔ ndííwaa kɔsɔ́ fááw̃a ná Júsuai ti gúi taá tolí ngáá Ngumaawó Kúi ɔ́ɔ gúla su.

TI GƐ́Ɛ́ HAÍTII 2:14

Kɛ Ngalángi gééla púúngɔ maah̃úú félengɔitii su, sí tɔ́ɔ ɣɛ ma Pítɛ i wuyoɣénga, í ló taa púúngɔ maah̃úú yilángaa vékaitii. Kɛ i pɛlɛngá yɛpɛmá faŋaí yelé, áá ɣɛ ta, “Mu mbála Júsuaitii ɛ́ɣɛ wɛ́i kínɛi wú Jɛlúsɛl̃ɛ taa h̃u, a bɛlɛ́ ngí fái sí vólui h̃úúɣɛ ngáá wú ye. Faalɔ, a wolílo pánda vanda fái sí w̃a ngáá nde.

TI GƐ́Ɛ́ HAÍTII 20:6

Ni vílini keléngi h̃u Félepa taa h̃u ná kúi ná í gúlani su taá tolí ngáá Kuí Maa Bíle Ɛ́i Lɛ́ Nga. Aáva ná foló ndɔ́ɔ́lungɔ í gulaní su, ní ti w̃ááleni Túlowa taa h̃u. Naa lɔ ní foló ngɔ́felangɔ ɣɛní na.

TI GƐ́Ɛ́ HAÍTII 24:27

Ná fowó félengɔ í ɣɛ́i náá gúlani su, siỹɛndópoi sí taa ɣɛ́ ma Pɔ́kiyɔ Fɛ́sitɔ laá lɔ náa í Masangí Fílesi vómai yeɣéni masandái h̃u. Kɛ́ sífaa Masangí Fílesi í ɣɛ́i loní í w̃aaw̃ɔni Júsuaitii ngeyá, faalɔ, aa kɛní ɔ́ɔ́ Pɔ́ɔ gula kpindi vɛlɛ́i wu, i ndoí na.

TI GƐ́Ɛ́ HAÍTII 25:9

Kɛ́ Masangí Fɛ́sitɔ va ndongɔ́ i ɣɛi lá í Júsuaitii ti liivó fáá ɣɛ. Faalɔ, i Pɔ́ɔ w̃ɔɔniní, i ɣɛ ma, “Yáá luw̃á ma ɣéle ngáá yí lí Jɛlúsɛl̃ɛ ngáá faí sítii tí pɛlɛngɔ́ í wá wú maa bɔ́ɔ́lɔi lé na kákala?”

TI GƐ́Ɛ́ HAÍTII 4:13

Ná Faa H̃uu Haa Lé Mbélaitii tí tɔ́ni ngáá kɛ nduwá aa ɣɛ́i Pítɛni ngaa Njɔú h̃ú aáva tí ngatɔ́ mba mɔ́ɔ ngáá kɛ taá ɣɛi ngáá kɔlɔ wɔlɔ́ mbélaa kɛ́ ti ɣɛ́i nɔ́ɔ ngáá nuu bɔ́w̃angaa, i gɔɔlaní ti wa ngwala aáva tí ɣɛ́i kɔlɔ́ ngáá kɛ siỹɛ́ félengɔi sítii ti ɣɛ́ngɔ Jísu wa.

GALÉSIYA 1:10

Ngáá sí ɣɛ́ma nungáá lííla fááw̃a kulo bɛ́lɛ! Sí ndóngɔ la, aá wáá ngáá sí ngáá kɛ áá Ngála ndiilá. Ngáá sí ɣɛ́ma kúlo bɛ́lɛ ngáá kɛinɔɔ́ tɔ́wɔ ɔ́ɔ́ lɛ́ ɔɔ nungáá ti ló ngáá ngé. Kɛbei ná lɔ́ nɔ́ɔ ngí ɣɛ́i loí ngí kɛ, ngɛ́i béle ɣɛ ɣɛi ngáá Kílisitii yénge mɔɔ.

TƐSALÓNIKA HESENDAA GƆLƆÍ 2:4

Sí Ngála ngáá ɣɛ́ lói ní ndé laá lɔ́ nɔ́ɔ naá nde bɔw̃álale i lokolongá ní wa, í kééla wóó vándai léndai he ni yaá. Naá yákpama ngáá sí nɔ́ɔ áá ɣɛ́ ngáá nuu búsa liivó fái ni ná ɣɛ́, kɛ́ Ngalá lɛ́i í nuu líí h̃u háitii kɔ́lɔ, laá lɔ náa yakpá ngáá naa ɣɛ́a ndiilá.