TI GƐ́Ɛ́ HAÍTII 11:1 - Kɛ́lɛ Niinaí

¹ Ngalángi géélaitii ɛ́ɣɛ ti mbála Yalá fɛ́li mbélaitii ti ɣɛ́i Judíya lataí h̃u, tí mɛniní ngáá kɛ sítii taa ngáá Júsua bɛ́lɛ tí lókoheinga Ngalá ndaa wói wú.

TI GƐ́Ɛ́ HAÍTII 11:1 Iomraidhean Croise

MÁFIYU 2:1

Mɛɛloí i Jísu lení taí sí h̃u taá náá lolí ngáá Bɛ́tileh̃ɛ, Judíya lataí h̃u. Táingi ná h̃u, Hɛ́lɔdi lɔ í ɣɛ́i ngáá masangí tataí ná h̃u. Jísu lengɔ́i w̃a féyaa, ki maa gula yélaa ti gúlani ngáá foló gúla veléi h̃uu véle, tí va taa walái sí h̃u taá tóli ngáá Jɛlúsɛl̃ɛ,

MÁFIYU 8:11

Ngí nde wú w̃a, nuu bíh̃iw̃aa lɔɔ vá vaamá táá híɣe ỹanda kpɛ́lɛɛ kpɛ́lɛɛ ngeleí sí wu, tí kooh̃unɛ́ɛ́ lááỹɛ mbo ỹandá yílaa Ngalá ngelé taa Lébilah̃au ɛ́ɣɛ Áiseni ngaa Jékɔni.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:5

Ná ti wálani kambái h̃u, kɛ tí siỹɛndópo yiláá tɔ́nga maayílingɔ ngáá kula wolé kooh̃aí, i héini ti yísa h̃uu vélei. Faalɔ, ti gindáá vílingɔ i ɣɛi la ngwála.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:32

Aá lɔ ngáá lámbo fo kɛ kíli áá Ngalá ndówa wo ngáá sítii taa ngáá Júsua. Aa kɛ ngáá háwu ngufema í la Ísulɔ yeláitii mbɛ ti ngáá i vóngaitii.”

TI GƐ́Ɛ́ HAÍTII 1:15

Ná foló lɛ́ingaa í gúlani su, sítii ti langɔ́ í ɣɛ́i lá ngáá Jísu tí yátɛni mba ỹanda yílaa. Aáva tɔ́ɔ́ híti náa nuu hɔ́ndɔ ngiláá nuu vúú félengɔ ỹɔ́kɔ su. Pítɛ í yóóɣeni, í ló ti liiwáá ngáá í yɛ́pɛ.

TI GƐ́Ɛ́ HAÍTII 11:29

Kɛ́ Jísu volú yélaitii ti faa h̃uubatɛ́ mbóni ngáá sí fíli ti yákpangi áá hómbo ma bɛ́kpɛ tí fe, tí tɔve ti mbála Yalá fɛli mbélaitii sítii ngelé ti ɣɛ́i héini Judíya lataí h̃u ngáá nátii ti lóko bɔmba.

TI GƐ́Ɛ́ HAÍTII 14:27

Ná tí fóloni na, tí Ngala fɛ́li mbélaitii maakpɔ́ni mba ỹandáa yiláá tí volú haa lé ti w̃a ngáá sí kpɛ́lɛɛ Ngalá ngi kɛngá tiyá ti w̃áa véle w̃á ɛ́ɣɛ múl̃ɔ kíya í kɛ́a ngáá háwu sítii taa ngáá Júsua tíwaa lá ngáá Ngalá.

TI GƐ́Ɛ́ HAÍTII 15:3

Ná Ngala fɛ́li mbélaitii tí tí lɔ́veni, tí lííw̃ai, ti wálani tataí sítii su taa ti lolí ngáá Fɔnísiya ɛ́ɣɛ Samááliya táa nde ndé kɛ kíya sítii taa ngáá Júsua tí vótenga Ngalá mba. Ngoo vilí ngóó vándai sí i kɛní Ngala fɛ́li mbélaitii kpɛ́lɛɛ tí gooh̃unɛ́ɛ ngwala.

TI GƐ́Ɛ́ HAÍTII 28:15

Ngala fɛ́li mbélai sítii ti ɣɛ́i Lóómi tí ni w̃áá woo ỹɛ́nini ngáá kɛ naá náa va. Tí vaaní ngáá tí ní lúwɔɔ lo. Tí lɛ́ingaa ti fóloni fáli ndɔwɔ́ bálangi sí ya taa tóli ngáá Ápiyɔ ɛ́ɣɛ ti lɛ́ingaa ti foló ỹandái sí Sota Pɛ́lɛ Sáángɔitii tí na. Ná Pɔ́ɔ í ti lɔní, i sɛ́ɣɛɛ gulaní Ngalá ma aáva nduwúh̃u i lɛ́ lá búte.