TI GƐ́Ɛ́ HAÍTII 10:1 - Kɛ́lɛ Niinaí

¹ Siỹɛndópo yiláá taa ɣɛ́ ma Kɔníliya, í ɣɛi taí sí h̃u taa náá lolí ngáá Sɛsɛ́liya. Kɔníliya sí i ɣɛi Lóómi hóya hɔ́ndɔ ngilá mááh̃u ngáá ti núú walai. Ngi gúúwui sí va i ɣɛi sóya bɔsɔwɔngí h̃u taa tolí ngáá Étɔli Bɔsɔwɔngí.

TI GƐ́Ɛ́ HAÍTII 10:1 Iomraidhean Croise

MÁFIYU 27:27

Kɛ sóyaitii tí lía ngáá Jísu gɔ́mɛti nuu walaí Páilɛɛ vɛlɛí la. Tí tí mbála hoyá bɔ́sɔwɔngi yatɛ mba ti Jísu w̃aayelé mbéle.

MÁFIYU 27:54

Sóya nuu walaí ná ɛ́ɣɛ sóyai sítii ti ɣɛ́i mba táa Jísu w̃aah̃ú belé, ná tí ndɔwɔlɔ́i lɔní í bɛ́lini, ɛ́ɣɛ sí kpɛ́lɛɛ í híyai na, nduwái i vuí tí h̃u. Kɛ ti ɣɛ́a tá, “Tɔɔỹaá kái kai té, i ɣɛngɔ ngáá Ngalángi H̃íỹɛndou Loí!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 15:16

Kɛ sóyaitii tí liingá ngáá Jísu gɔ́mɛti nuu walaí vɛ́lɛi la, ti ti mbála hóya bɔsɔwɔngí lóli ỹanda yílaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:2

Lóómi hoya nuu wala yiláá ngi ɣɛ́i na, i ɣɛi sóya hɔ́ndɔ ngiláá mááh̃u. I ɣɛi loí ngáá ngi lúwɔ lopoí ta ngwala, ná vá seebɛngɔ́ i ɣɛi lá ngwála, i saa lowá la.

NJƆÚ 18:12

Kɛ Lóómi hóyaitii í báha ti núú walaí wa ɛ́ɣɛ Hɛ́ɛ́ma Yála Pɛ́lɛi w̃aah̃ú béle mbélaitii, kɛ tí líínga ti Jísu hóu, tí ngíli.

NJƆÚ 18:3

Naa lɔ Júdɔ í lííni na ngáá Lóómi hóya bɔngí. Hɛ́ɛ́ma Yála Pɛ́lɛi w̃aah̃ú béle mbélai tí lɛ́ingaa ti ɣɛ́i polú. Ngala sááɣa gula mbélai ti wutúwɔaitii ɛ́ɣɛ Júsuai sítii taa ɣɛ́ ti w̃a Falósiai tɔ ti ɣɛ́i nátii tɔvení. Kɔ ỹaakáitii ti ɣɛ́i ti kpɛ́lɛɛ ngéya lámbongai ɛ́ɣɛ ngalíítii. Jísu i ɣɛi kɔlɔ́ faí sí kínɛi ti ɣɛ́i taa vá kɛmá lá, faalɔ, i liini ti yelé, aáva Júdɔ lɛ́i í ɣɛ́i áá Jísu lokolevé i ɣɛi na. Kɛ Jísu i ti w̃ɔ́ɔ́ninga, i ɣɛ ti w̃a, “Ele lɔ wúwaa kɔlí?” Kɛ́ tí ngoo yápotenga, ti ɣɛ́ ma, “Jísu lɛ́i í gulángɔ Násɔlɛ taí h̃u, laá lɔ́ níwaa kɔlí.” I ɣɛ ti w̃a, “Kɛ nyá lɔ́ ngáá sí.”

TI GƐ́Ɛ́ HAÍTII 10:24

Folo vékai w̃a Pítɛni i foloní Sɛsɛ́liya taa h̃u. Kɔníliya yaah̃ú i ɣɛi ti lúwɔ aáva i ɣɛi náa ngi wólondaitii ɛ́ɣɛ ngi mbálangaitii tolíni ỹanda yílaa.

TI GƐ́Ɛ́ HAÍTII 21:31

Ná náa ti ɣɛ́i tí paa, kɛ Lóómi hoyaítii ti w̃ááh̃u w̃ɔ́ɔ walaí i mɛningá ngáá kɛ kpɔɔlɔ wála gulangɔ́ɔ́ lé Jɛlúsɛl̃ɛ taa h̃u kpɛ́lɛɛ.

TI GƐ́Ɛ́ HAÍTII 21:8

Ná ngele í wóni, ni gúlani tái ná h̃uu wá aáva ní fóloni Sɛsɛ́liya taa h̃u, ní li Félepi vɛ́lɛi la lɛ́i í ɣɛ́i ngáá Ngala ngóó le mɔ́i. Félepii sí va tɔ í ɣɛ́i ngáá nuu ngɔ́felangɔi ti tá yílaa Ngala fɛ́li mbélai ti ɣɛ́i Jɛlúsɛl̃ɛ tí lókoloni tí wa ngáá kpɔmba yélaa.

TI GƐ́Ɛ́ HAÍTII 22:25

Ná ti Pɔ́ɔ yiliní ngáá tí ndeve, kɛ Pɔ́ɔ i sóya nuu walá yiláá mɔ́ɔ́ninga lɛ́i í ɣɛ́i lóóni na, i ɣɛ ma, “Aá lɔ pele w̃a savaí h̃u ngáá ti Lóómi lɔwɔlɔ h̃uu w̃ɔ́ɔ́ leve ná wɔ́i ɣɛ́ kɔsɔní wɔ́ɔ́ tɔ ngáá aa veléni?”

TI GƐ́Ɛ́ HAÍTII 23:23

Kɛ sóyai ti w̃ááh̃u w̃ɔ́ɔ́ walaí i ngi hóya nuu wala wala félengɔ lolínga, i ɣɛ ti w̃a, “A nde sóya hɔ́ndɔ félengɔ w̃a ngáá tí w̃aahéi wó, ti báha sóya vúu ngɔ́felangɔ wa soo híya mbélaitii su ɛ́ɣɛ sóya hɔ́ndɔ félengɔ kpalá víli mbélaitii su ngáá ná sɛ́i áá ɣɛ́ ngáá kó sou sɔ́wɔ w̃a kpéi hááwɔ kpɔkɔ́, wáá tiyéni wú lí Sɛsɛ́liya.

TI GƐ́Ɛ́ HAÍTII 23:33

Ná sóyaitii tí fóloni Sɛsɛ́liya, tí kɔlɔí sí wálani Masangí Fílesi yaá ti Pɔ́ɔ bɛ́lɛ nɔ́ ndáá hítima.

TI GƐ́Ɛ́ HAÍTII 25:1

Ná Masangí Fɛ́sitɔ í ɣɛ́i náá kɛní ngáá foló félengɔ tataí ná h̃u í ɣɛ́i náá w̃aah̃u ngáá masangí, ngi hóloi hawa kélei w̃a i gulaní Sɛsɛ́liya wa, í lí Jɛlúsɛl̃ɛ.

TI GƐ́Ɛ́ HAÍTII 25:13

Ná kuu félengɔ í gúlani su, Bɛnííni ngaa Masangí Agílepa tí vaaní Sɛsɛ́liya ngáá tí ngákɛ ngáá Masangí Fɛ́sitɔ ngaa paalaí w̃aanɛ́ɛ́ngɔɔ lé, tí laalí ma.

TI GƐ́Ɛ́ HAÍTII 27:1

Ná suubátɛngɔ í ɣɛ́i náá lá ngáá ni víli kelé ngwálai h̃u, ni li ndɔwɔlɔ́i sí h̃u taá naa lolí ngáá Étɔli, Pɔ́ɔ ɛ́ɣɛ pelésina vekaa lɛingáá tí tí hení Lóómi hoya nuu wala yiláá ngéya tɔ́ɔ́ ɣɛ́ ma Júliyɔ. Aáva i ɣɛi ngáá nuu wála sóya bɔsɔwɔngí sí h̃u taa tolí ngáá Lóómi Lɔwɔlɔ́ W̃ása Ngwalaí Bɔsɔwɔngí.

TI GƐ́Ɛ́ HAÍTII 27:31

Kɛ Pɔ́ɔ i ndengá sóyaitii ma táa ti núú walaí, i ɣɛ ta, “Kɛ nɔ́ɔ́ léi siỹɛngái sítii tí ló keléngi h̃u ná ná láá le, táá wála lɛɛh̃úi w̃a.”

TI GƐ́Ɛ́ HAÍTII 27:43

Kɛ́ sóyaitii ti núu walaí aa ɣɛi loní Pɔ́ɔ lɛɛh̃úi ɔ́ɔ́ ỹááni. Faalɔ, i pele levéni ti lɔ́wɔ ngáá tálaa ná ɣɛ. I ndení náa sítii ma táa lɔ́mbu, ná vólu, tɔ́ɔ́ ndafé mbó ngáá nátii ti víli hése njɛí ya, ti lí kaséngi ya.

TI GƐ́Ɛ́ HAÍTII 8:40

Félepi i wu kúlani taí ná h̃u, taa náa lolí ngáá Asóta, í lɔ́ve áá Ngalángi gééla woo vandaí le taítii kpɛ́lɛɛ sú í ló su í fólo mbéi taa náá lolí Sɛsɛ́liya.