TI GƐ́Ɛ́ HAÍTII 1:8 - Kɛ́lɛ Niinaí

⁸ Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 1:8 Iomraidhean Croise

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:15

A lí ndɔwɔlɔ́i kpɛ́lɛɛ kpɛ́lɛɛ su, wú Ngalángi gééla woo vandaí lé nuu kpɛ́lɛɛ má.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:35

Kɛ malékai i Mɛɛloí woo yápotenga, i ɣɛ ma, “Hɛ́ɛ́ma Ỹínangi aa va í w̃ááh̃u, aáva Ngutuwɔ́ Yála Ngwalaí aa yei í w̃a. Háwui náá hááw̃a, hɛ́ɛ́ma lói sí yíwaa vá ndéma, taá tolí ngáá Ngalángi H̃íỹɛndou Loí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:19

Ngí ngakpá fénga wú yáá ngáá wú gɔwɔ́ ló kaali hulá húlangaitii ɛ́ɣɛ nyakúgaaliaitii ma. Ná vólu, wú yákpangi í lɔ́ve wú wáá hílima w̃ɔ́i Setána ndái wa. Ŋani fíli ɛi ỹanda héi wú wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:29

Kɛ́ siỹɛ́ félengɔi nátii tí ndení ma ngáá hɛmbɛ́, ti ɣɛ́ ma, “Ló, a mú ỹíí mbéinda, folói vilangɔ́ɔ́ lé náa kíli.” Faalɔ, i líi náa ngáá taá tiyéni tí ỹíi ỹanda yílaa.

NJƆÚ 15:27

Aáva wá bɛ́lɛ kɛ wáá faa lé kɔwɔ́ato mbá sífaa wú lónga mbá í séi tɔkúla héi sɔ́wɔ w̃a.”

TI GƐ́Ɛ́ HAÍTII 1:5

Nguya Wo Mɔ́i Njɔú i ɣɛi áá nguya wo ngáá njɛí, kɛ́ kuu félengɔi h̃u, Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.”

TI GƐ́Ɛ́ HAÍTII 13:31

Aáva foló bih̃íw̃aa laa lówah̃u, taá sítii tɔ́ɔ́ ɣɛ́ síya polúi w̃a í síɣe Galéli lataí h̃u í foló Jɛlúsɛl̃ɛ taa h̃u, nátii tí tɔ́ni, tiyá va tɔ náa taá maa hééle woo le faaw̃a a mu vóngai ma.

TI GƐ́Ɛ́ HAÍTII 2:32

Ngalá ngí Jísui sí wúyoɣenga saí h̃u aáva a mu kpɛ́lɛɛ a muỹá lɔ ngáá maahéélea.

TI GƐ́Ɛ́ HAÍTII 22:15

Yá lɔ yáá ɣɛ́ ngáá hééle Ngalá fááw̃a nungáitii kpɛ́lɛɛ kákala ngáá faí sítii faaw̃a yí ti lɔngá, ná vólu, yí ti ỹɛ́ninga.

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

TI GƐ́Ɛ́ HAÍTII 4:33

Ngalángi géélaitii tí ndííni ngú ma ngáá yɛpɛndáá ngáá ngakpá ngwála kɔwɔ́ato mbuyoɣe saa h̃úi wa Ndemɔí Jísu í mbóni. Aáva Ngalángi hɛ́ɛ́mai i ɣɛi ti kpɛ́lɛɛ má.

TI GƐ́Ɛ́ HAÍTII 5:32

A muỹá lɔ ngáá faí sítii maa héélea kíya nɔ́ɔ Hɛ́ɛ́ma Ỹínangi í na, lɛ́i Ngalá ngi tɔ́vengɔ sítii mbɛ taa gólo mbú.”

TI GƐ́Ɛ́ HAÍTII 6:8

Sitívi i ɣɛi ngáá nuú Ngalángi hɛ́i i ɣɛi ma ngwala ɛ́ɣɛ Ngalángi yákpangi i ɣɛi su. I kindaa vilí fáitii kɛ́ni ɛ́ɣɛ káámaa haítii nungáitii ndiiwáá.

TI GƐ́Ɛ́ HAÍTII 8:1

Sɔ́ɔ va i ɣɛi na, laáva í lúw̃ai ma ngáá tí Sitívi vaa. Folói ná w̃aa vá tɔ faa bá ndándai Ngalá fɛ́li mbélaitii ma í tɔ́kula héini Jɛlúsɛl̃ɛ taa walái h̃u. Kɛ léi Ngalángi géélaitii taá váha fáhani, kɛ́ Ngala fɛ́li mbélaa vekaítii kpɛ́lɛɛ tí vahá fáhani Judíya lataí h̃u kpɛ́lɛɛ taá Samááliya lataí h̃u.

LÓÓMI 10:18

Kɛ́ ngáá ndéma ngáá kɛ Ísulɔ yélaitii taá nɛ́ɛ́ keela wói sí ỹɛ́nini. Séimil̃a p̃ɛ́ɛ́, pɔnɛngɔ́ɔ́ lé Ngala Kɔ́lɔi h̃u, sí vá pɔnɛngɔ́ aá wáá ngáá sí, “Keela wói sí i foloní ỹánda kpɛ́lɛɛ kpɛ́lɛɛ ngelewu, ti ndéi nuu kpɛ́lɛɛ má ngélewu.”

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.