TI GƐ́Ɛ́ HAÍTII 1:7 - Kɛ́lɛ Niinaí

⁷ Kɛ Jísu i ti woo yápotenga, i ɣɛ ti w̃a, “Kule áá wú w̃á ngáá wɔ́ɔ́ ɣɛ́ kɔ́lɔ sɔwɔ́i ɔɔ folói Kɛɛɣɛí Ngalá ngí lókolongɔ mba kpɔwɔ́ bɔ́wɔ yakpangí h̃u.

TI GƐ́Ɛ́ HAÍTII 1:7 Iomraidhean Croise

MÁFIYU 20:23

Kɛ Jísu i ɣɛa ti w̃a, “Wá lɔɔ vá w̃áánɔw̃ɔma ngáá tɔɔỹáa kíya ngíwaa va w̃áánɔw̃ɔma, kɛ́ ngákpa ngáá ngéya ngɔ́ɔ́ lokolo nungáá wá ngáá kpéla yélaa. Ní Kɛ́ɛ́ɣɛ Ngalá í naítii ndóngɔ sítiini mbɛ í lokolongɔ́ ti wa.”

MÁFIYU 24:36

Jísu í mɔ́ɔ́ ɣɛ ta, “Nuu fíli aa kɔlɔ́ bele hɔwɔ́ lɔ táingi ná áá vá, folói ɣéle tɔ kɛlaa maa táingi í máá hóloi ná h̃u nuu áá kɔ́lɔ. Malékaitii kele tɔ tí ngelegóóh̃u taá kɔ́lɔ kɛlaa maa Ngalángi H̃íỹɛndou Loí. Kɛ́ kɛ nɔ́ɔ léi Kɛɛɣɛí Ngalá í kɔ́lɔ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:40

Kɛ́ ngákpa ngáá ngéya ngáá ngɔ́ɔ́ lókolo nungáá wá ngáá kpéla yélaa. Ngalá ngí naítii ndóngɔ sítiini mbɛ í lókolongɔ ti wa.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:32

Jísu í mɔ́ɔ́ ɣɛ ta, “Nuu fíli aa kɔlɔ́ bele hɔwɔ́ lɔ táingi ná áá va, folói ɣéle tɔ kɛlaa táingi í maa hóloi ná h̃u nuu áá kɔ́lɔ. Malékaitii kéle tɔ tí ngelegóóh̃u taá kɔ́lɔ kɛlaa maa Ngalángi H̃íỹɛndou Loí. Kɛ́ kɛ nɔ́ɔ léi Kɛɛɣɛí Ngalá í kɔ́lɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:24

Nungáitii ti lɛ́ingaa taá ló mbowá yá, ti lɛ́ingaa va tí ɣɛ́ ngáá pelesína ndɔwɔlɔ́i kpɛ́lɛɛ kpɛ́lɛɛ su. Nungái sítii pa taa ngáá Júsua taá ló Jɛlúsɛl̃ɛ w̃aah̃u kpóloo í ló su kuí Ngalá ngí tevénga mba í víla.”

TI GƐ́Ɛ́ HAÍTII 17:26

Maifɔ́lɔ núú búsai Ngalá ngí kpatɛní, laá lɔ nuí kpɛ́lɛɛ ti gúlangɔ su ngáá kɛinɔɔ́ ti ɣɛ́ bih̃í tí kulaɣɛ ngeleí sí kpɛ́lɛɛ mbú. Ɔ́ɔ́ ɣɛ́ p̃ɛ́ɛ́ í ti bátɛ, i táingi levéni mba ti haáw̃a kpahangɔ́ ti héiw̃aitii mba taa ɣɛ́ na.

Ɛ́FƐSƆ 1:10

Ngalángi háá h̃uubatɛngí áá vá mbóma, ná kɛ fóloi áá fólo ma, aa kɛ ngáá háwu ŋaniáitii kpɛ́lɛɛ tí ngélewu ɛ́ɣɛ ngelegóóh̃u ti ɣɛ́ ngoo yiláá sú, Kílisitii í ɣɛ́ ngáá ti wútuwɔɔ w̃ɔ́ɔ́ walaí.

TÍMOTI HESENDAA GƆLƆÍ 6:15

Jísu lɔɔ vá vááma naa hɔwɔí kái káingi ná w̃a Ngalá ngí suubátɛngɔ ngáá í vá ma. Hɛ́ɛ́ma Yalángi sí yílaa kpé tɔ í ngáá Ngutuwɔ́ W̃ɔ́ɔ́ Walaí, í ngáá Masa Ngwála ndɔwɔlɔ w̃ásangaitii kpɛ́lɛɛ mááh̃u ɛ́ɣɛ í ngáá Ndemɔi nde mbélaitii kpɛ́lɛɛ mááh̃u.

TÍMOTI GƆ́LƆI HELE KÉLEI 3:1

Ngáá ɣɛ́ loí yí ɣɛ́ kɔlɔ ngáá kɛ faa bámai yatɔ́ɔ́ vá ɣɛ́ma wɔ́ɔ́lɔ ngwala ngetéyangi yákɛɛlɛmai h̃u.