TI GƐ́Ɛ́ HAÍTII 1:4 - Kɛ́lɛ Niinaí

⁴ Folo yílaa, Jísu taá Ngalángi géélai nátii ti ɣɛ́i taá laaỹɛ́ ỹanda yílaa. I ndení ti w̃a ndaaỹɛɛ mbomái sí i ɣɛ ta, “Wálaa gúla Jɛlúsɛl̃ɛ taa walái wa, kɛ́ wáá fembɛ wɔ́lingi w̃áálɛlɛ ní Kɛ́ɛ́ɣɛ í maagúúlo mbongɔ́ sí wú mɛningá ngí yɛ́pɛ kɔwɔ́ato mba.

TI GƐ́Ɛ́ HAÍTII 1:4 Iomraidhean Croise

MÁFIYU 10:20

Sífaa njɛpɛí wáá vá púma, wú wúmaa wóó ɛi ɣɛ lá, kɛ́ wú Kɛ́ɛ́ɣɛ Ngalángi Hɛ́ɛ́ma Ỹínangi lɔ áá ɣɛ́ áá pu wú la.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:13

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú naa wɔlɔ́ ŋani vandá héma wú léngaitii ngeyá, kɛlaa ɣéle p̃ɛ́ɛ́ wú Kɛ́ɛ́ɣɛ Ngalá í ngelegóóh̃u aa Hɛ́ɛ́ma Ỹínangi he sítiini ngeyá taá mɔɔní faaw̃a!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:12

sífaa Hɛ́ɛ́ma Ỹínangi aa wú gálambo táingi ná w̃a kái kái ngáá sí kule áá ɣɛ́ wú w̃a wú nde.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:49

Sí ní Kɛ́ɛ́ɣɛ í wú gúúlongɔ la, nyá ngáá kɛ ngáá háwu wú mááhɔlɔ. Kɛ́ a ló mbéinda taa walái sí h̃u í ló su kpóloo Ngalángi yákpangi áá gúla ngelegóóh̃u wú maahɔ́lɔ.”

NJƆÚ 14:16

Nyá lɔɔ́ Kɛɛɣɛí w̃ɔ́ɔ́ni ngáá í kpɔ́mba w̃ɔ́ɔ́ véka lɔve wú yɛ áá ɣɛ́ wú vólu kúnafɔ.

NJƆÚ 15:26

Ná kpɔmba w̃ɔ́i áá va lɛ́i ngíwaa vá tɔ́vema wú yéle áá gúla ní Kɛ́ɛ́ɣɛ yelé í ngáá Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngala mba, aá lɔ áá vá faa léma kɔwɔ́ato mbá.

NJƆÚ 20:22

Kɛ i laa hɛ́fɛngi vungá ti w̃a, i ɣɛ ti w̃a, “A Hɛ́ɛ́ma Ỹínangi w̃aahɔ́lɔ.

NJƆÚ 7:39

Jísu i sí lei kɔwɔ́ato Hɛ́ɛ́ma Ỹínangi wa sítii ti langɔ́ ngáá Jísu í ɣɛ́i áá vá ɣɛ́ma ti volú. Kɛ́ aáva í ló su bɛ́lɛ í foló táingi ná h̃u w̃a Jísu í ɣɛ́i áá njɛpɛí ná vu, Ngalá ngáá nɛɛ ɣɛi Hɛ́ɛ́ma Ỹínangi lɔ́veni sífaa Jísu aa nɛɛ ɣɛi wuyoɣéi saí h̃u ɔ́ɔ́ lɛ́ ngí w̃ásandaa w̃aanɛɛnɛɛngí h̃u.

TI GƐ́Ɛ́ HAÍTII 10:41

Nuí kpɛ́lɛɛ táá le yɛɛ́ tɔɔ́ ɣɛ́ ɣɛ́i tɔní, kɛ́ kɛ nɔ́ɔ léi niỹá ni ɣɛ́i ngáá hééleaitii Ngalá ngí lókoloni ni wa. Ní laaỹɛ́ni ỹanda yílaa ní ŋani bɔ́le ỹanda yílaa na h̃u í wúyoɣeni sái h̃u.

TI GƐ́Ɛ́ HAÍTII 2:33

Ngalá ngí séinga ngufema ỹándai kpéla ngi w̃ásandai h̃u. I Hɛ́ɛ́ma Ỹínangi w̃ááhɔlɔnga áá gúla Kɛɛɣɛí Ngalá ngéya. Hɛ́ɛ́ma Ỹínangi sí vá tɔ́ Ngalá ngí maagúúlo mbongɔ́. Ná vólu, sí naá wú waa mɛni náa nde ɛ́ɣɛ sí wúwaa naa lɔ náa kɛ, maa Hɛ́ɛ́ma Ỹínangi lɔ náá í ní volú.