TI GƐ́Ɛ́ HAÍTII 1:3 - Kɛ́lɛ Niinaí

³ Ná í ɣɛ́i náá yooɣéi sái h̃u, i bɔwɔ́ ɣɛ́i ngáá siỹɛngái sítii aáva i ngakɛ́ni ngáá ti ye kpál̃au pele bih̃íw̃aa h̃u ngáá kɛ laá lɔ ndɛɛh̃ú h̃u. I gulaní ti yaah̃ú í lo vaamá ti yelé foló vúú nááningɔ laa lówah̃u. Aáva i yɛpɛní ti yelé kɔwɔ́ato Ngalángi w̃ásandai wa.

TI GƐ́Ɛ́ HAÍTII 1:3 Iomraidhean Croise

MÁFIYU 21:43

Jísu í mɔ́ɔ́ ɣɛ ta, “Faalɔ, ngí ndé wú w̃a, Ngalángi w̃ásandai lɔɔ vá gulamá wú yáá í hé nungái sítii ngéya taa híya ngáá sí Ngalá ndóngɔ tí kɛ. [

MÁFIYU 28:9

Ti loí nɔ́ɔ liimá, kɛ ti gɔ́ɔ́laa Jísu wa, i ɣɛ ti w̃a “Ndiiheí í ɣɛ́ wú yɛ́.” Kɛ tí liingá, tí la kɔwɔ́ wu, tí sóu kɔwɔ́i wa, tí fɛ́li.

MÁFIYU 3:2

I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 4:2

Ná Jísu í ɣɛ́i náa foló vúú nááningɔ ɛ́ɣɛ kpindí vúú nááningɔ ɣɛ́i áá súngi hóu ngaalaí h̃u ɛ́i belé laaỹɛ́, ndɔlɛí í ɣɛi náa ma.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:19

Ná Ndemɔí Jísu í vílani yɛpɛmá volú yélaitii ngéle, i lɛ́i ngelegóóh̃u. Aáva aá lɔ héini ngufema ỹándai Ngalá kpela ngi w̃ásandai h̃u.

NJƆÚ 20:26

Ná ndɔwɔ́ yiláa ngi gulaní su mɔ́ɔ naa w̃a, Jísu volú yélaitii ti yatɛ́ngɔ i ɣɛ́i lá mba ỹanda yílaa pɛlɛ́i wu. Tɔmɔsí bɛ́lɛ i ɣɛi na aáva ti ɣɛ́i sɔwɔ́ngitii piliní su ti w̃aala. Kɛ́ ná fíli su, Jísu i gulaní nɔ́ɔ, í ló ti liiwáá, i laalí ti w̃a.

NJƆÚ 21:1

Ná sí i gulaní su, Jísu i mɔɔ gulaí volú yélaitii ngááh̃u. I vaaní ti yelé njɛ wálai sí béla taa tolí ngáá Tebɛliyɔ. Maa hái híya velé lɔ ngáá sí.

NJƆÚ 21:14

Jísu gulalaí volú yélaitii ngááh̃u sawa kélei ɣɛi ngáá sí mbuyoɣéngɔi w̃a saí h̃u.

TI GƐ́Ɛ́ HAÍTII 13:31

Aáva foló bih̃íw̃aa laa lówah̃u, taá sítii tɔ́ɔ́ ɣɛ́ síya polúi w̃a í síɣe Galéli lataí h̃u í foló Jɛlúsɛl̃ɛ taa h̃u, nátii tí tɔ́ni, tiyá va tɔ náa taá maa hééle woo le faaw̃a a mu vóngai ma.

TI GƐ́Ɛ́ HAÍTII 19:8

Pɔ́ɔ ɔ́ɔ́ lí náa Júsuaitii ti Yála fɛli máákpɔ wotaí wu áá yɛ́pɛ na ngáá ndiibá. I ɣɛi na ngalú sáángɔ hááw̃a táá maaɣaalíi gúla taa Júsuaitii. Ɔ́ɔ́ ɣɛ́ áá yɛ́pɛ ti liítii pote fááw̃a Ngalángi w̃ásandai wa.

TI GƐ́Ɛ́ HAÍTII 28:23

Tí kuu láni ma náa ngáá folói tɔ́ɔ́ w̃ɛ́ɛ́ múl̃ɔ Pɔ́ɔ w̃áála. Ná naa hɔwɔ́ í hítini, ti yangí ɣɛ́i wɔɔlɔ í lɔ́ve sítii mba ti vááni maipángi w̃a. Ti vááni mbéi Pɔ́ɔ laaw̃áá vɛ́lɛngɔ i ɣɛi lá na. Í sei ngelendái w̃a í fólo kpɔkɔ́ w̃a, Pɔ́ɔ i ɣɛi áá yɛ́pɛ ti yelé kɔwɔ́ato Ngalángi w̃ásandai wá, ná vólu, íwaa yákpa ngáá í ti lii vóte, ti lá ngáá Jísu. I ɣɛi áá maa hái yakɛ́ ngáá tí ye áá gúla Ngala sávai h̃u í féni Muusé yáá ɛ́ɣɛ fái Ngalá ndaa háá lé mbélai ti pɔnɛní.

TI GƐ́Ɛ́ HAÍTII 28:31

I ɣɛi náa áá yɛ́pɛ nungáitii ngéle kɔwɔ́ato Ngalángi w̃ásandai wa, ná vólu, áa ti galámbo kɔwɔ́ato Ndemɔí Jísu Kílisitii wá. I ɣɛi áá njɛpɛí sítii pú ngáá ndiiba nungáitii ma. Aáva nuu fíli pá aa mɔɔ tokobení ná wa.

TI GƐ́Ɛ́ HAÍTII 8:12

Kɛ́ ná ti láni ngáá Ngalángi gééla woo vandaí Félepi í ndéni kɔwɔ́ato Ngalángi w̃ásandai wa ɛ́ɣɛ Jísu Kílisitii wá, nyah̃á bɔngɔ́ siỹɛngáá wa, ti nguyaí w̃ááhɔlɔni.

LÓÓMI 14:17

A mu ɣɛndáá Ngalángi w̃ásandai wu aa ngáá mɛɛní ỹɛ́ fáá nɔ́ɔ ɔɔ kpɔle wɔlíngaa bɔlendáá, kɛ́ áá lɔ́ na ngáá a mu ɣɛ́ ngáá telembo mbélaa Ngalá ngááh̃u, a mu ɣɛ́ ndiiheí h̃u, ná vólu, a mú ɣɛ́ kooh̃unɛɛ gítei h̃u. Sí kpɛ́lɛɛ pá aa ɣɛ́ Hɛ́ɛ́ma Ỹínangi w̃áá véle w̃a.

KƆLƆ́SE 1:13

Ngalá ngí mu gúlanga kpíndi h̃u w̃ásandai wú, í vá ngáá mu ye lɛ́i lɛ́i ngi líívo Siỹɛndou Loí w̃ásandai wu.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

NJƆÚ HESENDAA GƆLƆÍ 1:1

Niỹá lɔ́ɔ kɔlɔ vɔ́nɛ wú yéle kɔwɔ́ato nuí síí w̃ɔ́i wa taa ɣɛ́ ma Keela Woí. Keela Woí sí vá tɔ í ngáá ndɛɛh̃u gítei hé mɔ́i. Aáva í ɣɛi na ngetéyangi lɔ́kula héimai wɔ́lɔ. Ní ngoo ỹɛ́nini, ní tɔ ngáá bɔwɔ́ bɔ́wɔ yááh̃ui. Ní tɔá gíte, aáva ní lúba mba ngáá loko.