TI GƐ́Ɛ́ HAÍTII 1:2 - Kɛ́lɛ Niinaí

² í lóngɔ su í foló folói ná h̃uu w̃a í lɛ́ɛ́ni ngelegóóh̃u. Aáva ɔ́ɔ́ ɣɛ́ p̃ɛ́ɛ́ í lɛ́ ngelegóóh̃u, i faa léni sítii ma í ɣɛ́i lokoloní tí wa ngáá Ngalángi géélaitii. I ndení tí w̃a Ngalángi Hɛ́ɛ́ma Ỹínangi yákpangi w̃aa véle w̃á sí kule í ɣɛ́i ti w̃a taa ɣɛ́a kɛ.

TI GƐ́Ɛ́ HAÍTII 1:2 Iomraidhean Croise

MÁFIYU 12:28

Kɛ́ aá ɣéle, nyá lɔɔ́ ỹína nyɔítii téve nungáitii polú Ngalángi Hɛ́ɛ́ma Ỹínangi yákpangi h̃u. Aáva ná vá tɔ áá ngakɛ ngáá kɛ Ngalángi w̃ásandai lɔ́ náá wú w̃ááh̃u.”

MÁFIYU 3:16

Ná nɔɔ́ léi Jísu í ngúyai w̃ááhɔlɔni, i gulaí náa njɛ́i wu. Ngamá nɔ́ɔ, kɛ ngeleí laa í wónga, í Ngalángi Hɛ́ɛ́ma Ỹínangi lɔ áá yéi ngáá í héi ma, i ɣɛi gulaí ngáá poovóó kɛ kíli.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:30

Sítii Jísu í ɣɛ́i ti lɔ́veni ngáá Ngalángi géélaitii, tí yatɛ́ni mba Jísu yelé, ti sí kpɛ́lɛɛ súú ɣɛ la ti ɣɛ́i kɛní ɛ́ɣɛ kalambongí tí mbóni ngáá nungáitii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:51

Í loní nɔ́ɔ hɛ́ɛ́ma ti w̃a, kɛ i ti longá í lɛ́ ngelegóóh̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:51

Ná táingi í ɣɛ́i náa áá bɛ́ɛmba ngáá Jísu í lí volú ngelegóóh̃u, kɛ i kpatɛngá gí ma ngáá í lí Jɛlúsɛl̃ɛ taa h̃u.

NJƆÚ 1:16

Maa haa bɔwɔ́i í ndiíh̃u laahéngɔ, i kɛ́a ngáá háwu a mú Ngalángi háá bɔwɔí sí w̃ááhɔlɔnga kɛɛlɛ́ ngáá mba.

NJƆÚ 13:1

P̃ɛ́ɛ́ Júsuai ti Wumááwo Kúi ɔ́ɔ́ foló ma foló vékai w̃a, Jísu i ɣɛi suuwɔlɔ́ ngáá táingi i folónga ma ngáá íwaa vá náa híɣema ngeleí sí wu í lí Kɛɛɣɛí Ngala ngéle. Aáva hɔ́wɔ fíli i ɣɛi loí ngáá nungái sítii ti langɔ́ í ɣɛ́i lá lá, ti ngáá polú yélaa ngeleí sí wu. I ɣɛi loí ngáá ti ye í ló su bɛ́lɛ í foló naa h̃uu kái kái má í sáá w̃ááhɔlɔni.

NJƆÚ 13:18

Jísu í mɔ́ɔ́ ɣɛ ta, “Wú kpɛ́lɛɛ táá le ngɔ́ɔ́ ɣɛ́ ngáá njɛpɛ́i sí vú kɔwɔ́ato wú wa, ngí sítii kɔlɔ́ nɔ́ɔ́ ngí lókolonga ti wa ngáá ní ndá, kɛ́ sí pɔ́nɛngɔ Ngalá Kɔ́lɔi h̃u, kɛ nɔ́ɔ́ í hítɛ nga. Aáva sí pɔ́nɛngɔi aá waa ngáá sí, ‘Nuí sí náá laaỹɛ́ ỹanda yílaa naá laá, laá lɔ́ í wálaa mááwooya h̃u.’

NJƆÚ 13:3

Jísu i ɣɛi kɔlɔ́ ngáá ngi Kɛ́ɛ́ɣɛ Ngala i ngakpá féa ngeyá faa kpɛ́lɛɛ mááh̃u. I ɣɛi suuwɔlɔ́ múl̃ɔ ngáá i gulangɔ́ Ngalá ngelé laáva aá lɔɔ́ yangáima Ngalá ngelé.

NJƆÚ 16:28

Ngí gulangɔ ní Kɛ́ɛ́ɣɛ yelé, ngí vá ngeleí sí wu, aáva nyá tɔ́ mɔ́ɔ́ ngáá gúla ngeleí sí wu wa, ngíwaa lí volú ní Kɛ́ɛ́ɣɛ yéle.”

NJƆÚ 17:13

Nyá lɔɔ vá náa í yéle, kɛ́ nyá lɔɔ sítii nde í w̃a ná ngí ngeleí sí wu nɛ́nɛ kɛinɔɔ́ ti góóh̃unɛɛngɔ í ɣɛ́ la ngwala kíya nɔ́ɔ́ kóóh̃unɛɛngɔ.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

NJƆÚ 20:21

Ná Jísu i mɔ́ɔ laalíni ti w̃a, kɛ i ɣɛ́a ta, “Kíya nɔ́ɔ ní Kɛ́ɛ́ɣɛ í tɔ́vengɔ, ngimɔ́ɔ́ nɔ́ɔ nyá bɛ́lɛ ngáá wú lɔ́ve.”

NJƆÚ 3:34

Sífaa lɛ́i Ngalá ngí tɔvengɔ́ Ngalá ndaa wóitii tɔ áá ndé. Laáva Ngalá ngi Hɛ́ɛ́ma Ỹínangi yákpangi kpɛ́lɛɛ féngɔ ngeyá.

NJƆÚ 6:62

Ná naá wáá nuí síí w̃ɔ́i taa ɣɛ́ ma Nuu búsa Goo H̃ú Loí lɔ íwaa yangáima áá lɛ́ mbéinda í ɣɛ́ngɔ na, ndée lɔ́ náa wáá ndé?

NJƆÚ 6:70

Kɛ Jísu i ngoo yápotenga, i ɣɛ ma, “Kɛmbɛ ngí lokolongɔ́ wú púúngɔ wú w̃ááh̃uu félengɔi wa, ná fíli su, wú ta yílaa tɔ ngáá ỹína nyɔu!”

TI GƐ́Ɛ́ HAÍTII 1:11

Kɛ siỹɛndópo félengɔi nátii tí tí w̃ɔ́ɔ́ninga, ti ɣɛ́ ti w̃a, “Wɛ́i wú ngáá siỹɛngɛ́i sítii wú gúlangɔ Galéli lataí h̃u, ndeé le wú lóóni mbéinda wúwaa wɔ́lɛ ngeleí yá? Jísu yilaá kpéngi sí í lɛ́ɛ́nga ngelegóóh̃u, ngimɔ́ɔ́ nɔ́ɔ áá vá yángaimama kɛ kíya nɔ́ɔ wú tɔ́ngɔ áá lɛ́ ngelegóóh̃u.”

TI GƐ́Ɛ́ HAÍTII 1:13

Ná tí fóloni Jɛlúsɛl̃ɛ, tí lííni tí lɛ́ ngeleya pɛ́lɛi wu lómui ná h̃u ti ɣɛ́i na. Sítii ti ɣɛ́i lómui ná h̃u ti laahéingaitii ti ɣɛi ngáá, Pítɛ, Njɔú, Jimisí, Ándulu, Félepi, Tɔmɔsí, Batólomiyu, Máfiyu, Jimisí sí í ɣɛ́i ngáa Áfiyɔ h̃íỹɛndou loí, ɛ́ɣɛ Sáimɔ sí í ɣɛ́i ngáá nungái sítii ti tá ti ɣɛ́i loí tí tí lɔ́wɔlɔi wumááwo Lóómi gɔmɛtií yaá, ɛ́ɣɛ múl̃ɔ Júdɔi sí í ɣɛ́i ngáá Jimisí h̃íỹɛndou loí.

TI GƐ́Ɛ́ HAÍTII 1:9

Ná Jísu í vílani sí lemá, ti yaah̃ú w̃a nɔ́ɔ kɛ Ngalá ngí tɛngá ngeleí ya, njɛbilíi í maabɔ́lu. Taá mɔ́ɔ ɣɛi taá tɔ.

TI GƐ́Ɛ́ HAÍTII 10:38

Ná wáá ngáá, kíya Ngalá ngí ngi Hɛ́ɛ́ma Ỹínangi ɛ́ɣɛ ngi yákpangi yéini Jísu w̃a lɛ́i í ngáá Násɔlɛ taí h̃uu w̃ɔ́i. Ná vólu, kíya Jísu í ɣɛ́i áá lɔ́ve tɔvé áa faa vándaitii kɛ aáva áá nungái sítii kpɛ́lɛɛ mbálo ti ɣɛ́i Ngutuwɔ́ Ỹína Nyɔí yákpangi wu, bɔw̃álale Ngalá ngi ɣɛí Jísu laá polú.

GALÉSIYA 1:1

Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ wú yéle wɛ́i wú ngáá Ngala fɛ́li mbélai wú Galésiya lataí h̃u. Nuu búsa láá le ɔ́ɔ́ kɛ́ ngáá Ngalángi gééla kɛlaa maa ɔ́ɔ́ gúla nuu búsa háwu h̃u. Kɛ́ Jísu Kílisitii ɛ́ɣɛ Kɛɛɣɛí Ngála, lɛ́i í Jísu wuyoɣéngɔ sái h̃u, tiyá lɔ tí lókolongɔ mbá ngáá Ngala kééla. Wɛ́i wú Galésiya lataí h̃u ngáá Ngala fɛ́li mbélaa, ni há wú w̃á naá mu mbála Yála fɛ́li mbélaitii kpɛ́lɛɛ ni mbéinda.

Ɛ́FƐSƆ 2:20

Mu kpɛ́lɛɛ nɔ́ɔ mu gúlangɔɔ lé ngáá pɛlɛ́ aáva Ngalángi géélaitii ɛ́ɣɛ Ngalá ndaa háá lé mbélaitii tí gúlangɔɔ lé ngáá maa vɛ́lɛi gɔ́wɔi. Jísu Kílisitii lɔ áá pɛ́lɛ gɔ́wɔi ná h̃úúba.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

HÍBULU 9:24

Aa ngáá nuu búsa Hɛ́ɛ́ma Wala Ỹándai batɛngɔ́i nɔ́ɔ Kílisitii ɔ́ɔ́ ɣɛ́ lɛɛngɔ́ ná lɛ́i gúlangɔ ɔɔ la nɔ́ɔ́ ngáá sí í ngélegooh̃u ngi w̃áábale. Kɛ́ i lɛɛngɔ́ ngelegóóh̃u gíte mbéi náá í na íwaa mu w̃áánɛɛnɛ mbó Ngalá ma.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.

PÍTƐ GƆ́LƆI HELE KÉLEI 3:2

Kɛ́ ndóngɔ gíte lé wú gísei faí sítiini ma Ngalángi hɛ́ɛ́ma láa háá le mbélai tí ndéni, ná vólu, wú ɣɛ́ wáá giséi sí w̃a Ndemɔí Jísu lɛ́i mɔ́ɔ í ngáá mu Wúmaawo Mɔ́i í ndéni, niỹɛ́i ni ngáá ngí gééla hiya mbélaitii ni vái ní ndéni wú w̃a.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 2:11

Nuí faá ỹɛ́ni ngói áá ɣɛ́ í wú mbá, kɛ wólilo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, sái hele kélei ɛi mɔɔ wú w̃áále ná wáá ngáá, tɛí mɔ́ɔ lo wú vílima ngɔmbu hó ngwalaí ya.’ ”

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”

FAA YÁKƐ KƆ́LƆI 2:29

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma!’ ”

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 21:14

Sasái sí í ɣɛ́i taa walái sí w̃a, i ɣɛi lóóni pɛ́lɛ ló kɔ́tu wala wala púúngɔ maah̃úú félengɔ w̃a. Kɔtuí nátii maa vá tɔ Ngalángi gééla púúngɔ maah̃úú félengɔitii tí Mbáálai hááw̃a ti laahéingaitii pɔnɛngɔ́ í ɣɛ́i lá ti w̃a.

FAA YÁKƐ KƆ́LƆI 3:13

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma!’ ”

FAA YÁKƐ KƆ́LƆI 3:16

Kɛ́ sífaa wáá lói kɔwɔ́ yíla nga, nyá lɔ́ɔ vá wú vílima kíya nuu áá laayɛ́ víli!

FAA YÁKƐ KƆ́LƆI 3:22

Nuí fáa ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma!’ ”