TƐSALÓNIKA GƆ́LƆI HELE KÉLEI 3:8 - Kɛ́lɛ Niinaí

⁸ Nuu fíli áá faa ɣɛ́ni ni yɛ yɔ́ɔ́ ɣɛ́ naá sɔ́w̃ɔ hení, kɛ́ laá ɣéle, ni ɣɛ́i naa yénge gíte ngwala folóni ngaa kpindí. Ni ɣɛ́i nɔ́ɔ́ fɔ́ naa yénge ngáá kɛinɔɔ́ ni háá ɔ́ɔ́ vá ɣɛ́ wú tá fíli mbá.

TƐSALÓNIKA GƆ́LƆI HELE KÉLEI 3:8 Iomraidhean Croise

MÁFIYU 6:11

Ni laa ỹɛ́ɛ́ni hé ni yaá ngelewo kúú yilá ngílangi fíli má,

TI GƐ́Ɛ́ HAÍTII 18:3

Ná í lííni ti yélengi, i loní ná, sífaa ti ɣɛ́i taá kula ỹɛpɛ́l̃ɛngaa batɛ taá tiyéni, táá maa híya aáva ti lɔ́ngɔ ti yénge tokoí í ɣɛi ngáá ná.

TI GƐ́Ɛ́ HAÍTII 20:34

Wá bútei wú faa wɔ́lɔ mba ngáá kɛ kpɔ́wɔ bɔ́wɔ lokoí sítii tɔ ti kpɛ́ndɛ ma wɔ́lingaitii kulangɔ́ kɛlɛ́ma mbɛ́ ɛ́ɣɛ ní híya polu yeláitii ti ndá bɛ́ndɛ ma wɔ́lingaitii.

KƆ́L̃E HESENDAA GƆLƆÍ 4:12

níwaa w̃ɔ́nɛ ngwala ngáá ni háá álaa ɣɛ́ nuu wá. Ná nungáá taá ni yɛ́ɛ́li, ní hɛ́ɛ́ tí yɛ. Ná taá faa bá nda ni w̃a, ní liilɔ́lɔ nga.

KƆ́L̃E HESENDAA GƆLƆÍ 9:4

Ná ná áá ɣɛ́, kɛ́mbɛ aá lɔ́ pele w̃a ngáá ngí mɛɛní w̃ááhɔlɔ ní yéngengi hááw̃a?

KƆ́L̃E GƆ́LƆI HELE KÉLEI 11:27

Ngí yéngea ngwala ngi bɔ́lɔnga. Kuu bíh̃iw̃aa haaw̃a ngɛ́i belé lóko w̃ááhɔlɔ ngɔ́ɔ́ ỹíí, ndɔlɛ í sóu taa njɛ w̃ɔni, ngɛ́i belé mɛɛní bih̃íw̃aa w̃aahɔ́lɔ mɛ fááw̃a, ɛ́ɣɛ kɔɔlɛ́ áa sóu sífaa kula áá ɣɛ́i má ɛ́ɣɛ ndaaw̃aá áá ɣɛi mbɛ́.

KƆ́L̃E GƆ́LƆI HELE KÉLEI 11:9

Táingi ná h̃u ngí ɣɛ́i wú lóów̃a ngí ɣɛ́i beɣéi kpɔ́mba hááw̃a, kɛ́ nyáá vá ngáá kɛ́i ngáá wú wú mbaa gásɔ. Ngala fɛ́li mbélai sítii ti gúlai Mɛsedóniya lataí h̃u, tiyá lɔ́ tí kpɔ́mba héi mbɛ́ ngáá sí kpɛ́lɛɛ í ɣɛ́i ngáá kpéɣema wɔ́lingaitii. Ngáá kasɔ́ lái wú wú mba laáva kíya bɛ́lɛ suu í na ngɛ́i kɛ ngɔ́ɔ́ kasɔ́ la wú wú mba sí h̃úi ɔɔ kúnafɔ kpɔmba hááw̃a.

Ɛ́FƐSƆ 4:28

Nuí fíli áá ɣɛ ngáá ŋuỹá w̃ɔ́ɔ́ í bé ŋuỹá wóndai wa. Aá ɣéle, í yénge kɛinɔɔ́ áá ɣɛ́a ŋani hɔ́lɔ sú áá ɣɛ́a bɔ́ la bɔwɔ́ wa ɛ́ɣɛ nyaani yélaitii mba.

TƐSALÓNIKA HESENDAA GƆLƆÍ 2:9

Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.

TƐSALÓNIKA HESENDAA GƆLƆÍ 4:11

Wú ɣɛ́ngɔ í ɣɛ́ lá lúúỹaa, wálaa ɣɛ́ wáá víli nungáá hááni su. Wálaa ɣɛ́ ngáá saɣá yélaa, kɛ́ wu ɣɛ́ wáá ngenge mbó ngáá sí wáá lókola ma kíya nɔ́ɔ ní ndéni wú w̃á kílii.

TƐSALÓNIKA GƆ́LƆI HELE KÉLEI 3:12

Niỹá lɔ́ɔ ndé gíte Ndemɔí Jísu Kílisitii laahéingi h̃u ngáá ndaahí ngóó bikpi nungái sítiini ma, maanɛɛnɛ́ su ngáá ti héi ngáá ti ɣɛ́ taa yénge kɛinɔɔ́ ti háá í ɣɛ́ bɔ́wɔ wa.