TƐSALÓNIKA GƆ́LƆI HELE KÉLEI 3:6 - Kɛ́lɛ Niinaí

⁶ Mu mbála Yalá fɛ́li mbélai, niỹá lɔ́ɔ fái sí lé náa wú w̃a ngáá ndaahí ngóó bikpi Ndemɔí Jísu Kílisitii laahéingi h̃u ngáá sítii taa ɣɛ́ héi gbááma wú lííwaa tɛi ɣɛ́ lói tɔ́ɔ faa vaá fíli mbó ɛ́ɣɛ sítiini tɛí ɣɛ́ taa híya ngáá fái sítiini ní tí lengɔ́ wú w̃a, waa bɔ́ faa fíli má wáá tiyéni.

TƐSALÓNIKA GƆ́LƆI HELE KÉLEI 3:6 Iomraidhean Croise

MÁFIYU 18:17

Ná ɛ́i ɣɛ́ kɛ́ni ɔ́ɔ́ wólilo tí w̃a, kpɛ́lɛɛ súúɣɛ ngáá Ngala fɛ́li mbéla vekáitii. Ná ɛ́i ɣɛ́ wóliloi tí w̃a, ngeɣé ngáá nuí sií w̃ɔ́ɔ áá ngáá Ngalá fɛ́li mɔɔ ɣɛ kíli ɔɔ pava gula mɔ́ɔ́ ɣɛ kíli gɔ́mɛtii háaw̃a.”

LÓÓMI 16:17

Mu mbála Yala fɛ́li mbélai, wu w̃áánɛɛnɛngɔ gítee le, a waayaa naa w̃ááh̃u béle gíte ngáá nuí fíli áá ɣɛ́ wú lííwaa ngáá í vá ngáá ndowah̃u kɔlɛ́ háa, ɔ́ɔ́ í kɛ́ ngáá háwu faa í víli Ngala fɛ́lindai h̃u, ná wáá ngáá, sítiini taa léle ngáá ti híya ngáá kalambongítiini wú maahɔ́lɔngɔ, a waa báha kpahá sú wáá ná w̃aa núngai,

KƆ́L̃E HESENDAA GƆLƆÍ 11:2

Ngáá wú lɛ́ sífaa, nápa wɔ́i lééw̃a má, ná vólu, wáá híya ngáá kalambongí sítii ngí maahɔ́lɔngɔ ngáá mbo ngáá wú ye.

KƆ́L̃E HESENDAA GƆLƆÍ 5:9

Ngí pɔ́nɛngɔ wú yéle ní gɔ́lɔi h̃u ngáá wálaa báha kpahá kɔlɔsiyá mbélaa wa.

KƆ́L̃E GƆ́LƆI HELE KÉLEI 2:10

Ná wáá nuu fíli suuhaaló ngi háá ỹɔí hááw̃a í kɛ́a, nyá bɛ́lɛ ngáá suuhaaló. Laáva ná faa fíli áá ɣɛ́ na ngáá ngí suuhaaló ngí suuhaalónga wú hááw̃a aáva Kílisitii lɔ í ngáá maa heelé

Ɛ́FƐSƆ 4:17

Ndemɔí yákpangi h̃u, nyáá ngáá ndaahi kpá kpángi sí wó ngáá wú ye. Wú híya gílii ɛ́ɣɛ wú gɛ́ɛ́ haítii tálaa mɔ́ɔ ɣɛ ngáá kíya sítii taá Ngalá kɔ́lɔ ti gɛ́ɛ́ haítii tí na, tiyɛ́i pele áá tí gísiyaitii su

KƆLƆ́SE 3:17

Sí fíli wáá ndé ɛ́ɣɛ sí fíli wáá kɛ, kpɛ́lɛɛ í ɣɛ Ndemɔí Jísu laahéingi h̃u. Waayaa sɛ́ɣɛɛ gula Kɛɛɣɛí Ngála má sí hááw̃a Ndemɔí Jísu í kɛ́nga mu yɛ.

TƐSALÓNIKA HESENDAA GƆLƆÍ 4:1

Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

TƐSALÓNIKA HESENDAA GƆLƆÍ 4:11

Wú ɣɛ́ngɔ í ɣɛ́ lá lúúỹaa, wálaa ɣɛ́ wáá víli nungáá hááni su. Wálaa ɣɛ́ ngáá saɣá yélaa, kɛ́ wu ɣɛ́ wáá ngenge mbó ngáá sí wáá lókola ma kíya nɔ́ɔ ní ndéni wú w̃á kílii.

TƐSALÓNIKA HESENDAA GƆLƆÍ 5:14

Mu mbála Yalá fɛ́li mbélai, niỹá lɔ́ɔ́ ndé wú w̃á gíte ngáá sítii taa ɣɛ́ nɔ́ɔ héi gbááma tɛ́i ɣɛ́ lói ti lóko ɔ́ɔ́ ɣɛ́ faa fíli mbá, wú tí laahí, ti bé ná wa. Wú sítii ndiibá nduwá ndúwa ngáá ɣɛ́ tí h̃u. Sítii pa ngákpa ngɛ́i ɣɛ́ ti yɛ, wú bɔ́ ti wa. Wú líílɔlɔngɔ í ɣɛ́ lá nuu kpɛ́lɛɛ ngéya.

TƐSALÓNIKA GƆ́LƆI HELE KÉLEI 2:15

Faale, mu mbála Yalá fɛ́li mbélai, a loo gilí bátɛ, wú ndí ngu ma ngáá tɔɔỹáa gálambongi sí ní mbóngɔ ngáá wú ye. I ɣɛi ngáá sí ní púi kɔ́lɔ w̃a ní tɔ́ve wú yéle, baa sí ní ndeí wú w̃a ngáá laa wóó.

TƐSALÓNIKA GƆ́LƆI HELE KÉLEI 3:7

Wá gíte wú súúwɔlɔ kpál̃au ngáá kule lɔ wú w̃a wú ɣɛ́ wáá sítii kɛ ni ɣɛ́ngɔ naá tí ɣɛ. Naá sáɣa gúlani ná h̃ú ni ɣɛ́i wú lóów̃a.

TÍMOTI HESENDAA GƆLƆÍ 5:21

Ngaláni ngáá Jísu Kílisitii ɛ́ɣɛ hɛ́ɛ́ma w̃álekaitii tiyá lɔ́ ti ngáá ní hééleaitii ngáá ngí fái sí léa í w̃a kpáŋ kpáŋ ngáá yí híya ngáá ti ye. Yálaa suuwɔlɛ́ mbo kɛlaa yɔ́ɔ́ tó polú wó ngáá nuu fíli í híyalai h̃u ngáá fái sítii.

TÍMOTI HESENDAA GƆLƆÍ 6:5

Ɛ́ɣɛ múl̃ɔ, aa kɛ ngáá háwu nungáá tí ɣɛ́ nɔ́ɔ fɔ́ maaɣaalí gúlandaa ya tiyɛ́i tí gi máitii ngá sáángɔi aáva taá mɔɔ tɔɔỹái wɔ́lɔ. Aá lɔ́ ti gi má ngáá Ngala fɛ́lindai lɔ ngáá pele ta nuu áá kpátɛ w̃ááhɔlɔ su.

TÍMOTI GƆ́LƆI HELE KÉLEI 3:5

Taá ɣɛ́ taá kúla ngáá tiyá lɔ́ ngáá Ngala fɛ́li mbélaa, kɛ́ ti híya veléi aa ngakɛ́ ngáá kɛ aa ngáá tɔɔỹaá. W̃aa ɣɛ́ gooh̃á nuu láálii nátii mba.

TÍMOTI GƆ́LƆI HELE KÉLEI 4:1

Ngalá ɛ́ɣɛ Jísu Kílisitii lɛ́i áá vá sítii kɔsɔ́ma ti ndɛɛh̃ú h̃u ɛ́ɣɛ sítii ti háángɔ tiyá lɔ́ ti ngáá ní héélea kɔwɔ́ato ndaahíngi sítii mba ngáá mbo ngáá í ye. Jísu Kílisitii lɔɔ vá vaamá í ɣɛ́ ngáá ndɔwɔlɔ́ w̃ása ngwala, náá hááw̃a, nyá ngáá fái le í w̃a kpáŋ kpáŋ ngáá yí híya ngáá ti ye.

NJƆÚ GƆ́LƆI HELE KÉLEI 1:10

Nuí fíli áá vá wú yéle áá kalambo péka wo í síɣe sí wa Jísu Kílisitii í mbóngɔ, waá láali maa w̃ɔ́i w̃a kɛlaa wɔ́ɔ́ lókohei mbu wú vɛ́lɛ wu,