TƐSALÓNIKA GƆ́LƆI HELE KÉLEI 3:5 - Kɛ́lɛ Niinaí

⁵ Bɛlɛ́ Ndemɔí í kɛ ngáá háwu wú ɣɛ́ Ngalángi lóngi wɔ́lɔ ɛ́ɣɛ wú ndí ngú ma ngáá ndiibángi Kílisitii áá kɛ́ ngáá háwu wáá maahɔ́lɔ.

TƐSALÓNIKA GƆ́LƆI HELE KÉLEI 3:5 Iomraidhean Croise

LÓÓMI 5:5

Aáva kitómai sí ɛi mu vɛ́lɛ, bɔw̃álale Ngalá ngí kɛa ngáá háwu ngi lóngi yá ngí ɣɛ́ wɔɔlɔ a mu lií h̃u Hɛ́ɛ́ma Ỹínangi w̃áá véle w̃á lɛ́i í ngáá Ngala fémbɛ wɔ́lingi í féngɔ mu yɛ.

LÓÓMI 8:25

Kɛ́ áá ɣéle, faa lɔ́ ná í ngáá a mu gitómai kɛ́ áá nɛ́ɛ mú yaá aáva a maa náa w̃aalɛ́lɛ ngáá ndiilɔlɔ́.

LÓÓMI 8:28

A mú súúwɔlɔ ngáá Ngalá tóko lɔ nɔ́ɔ fɔ́ faa lɛ́ingaa wa bɛ́kpɛ ti ngáá faa vánda a mu haáw̃a muỹɛ́i a mu longá la, muỹɛ́i i mú lolíngɔ ngáá sí ndóngɔ i ɣɛ́ mú kɛ́.

KƆ́L̃E HESENDAA GƆLƆÍ 8:3

Kɛ́ nuí sí ndongɔ́ ngáá Ngalá, Ngalá ngí nuí ná wɔ́lɔ.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

TƐSALÓNIKA HESENDAA GƆLƆÍ 1:10

Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 3:11

Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

JIMISÍ 2:5

Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.

PÍTƐ HESENDAA GƆLƆÍ 4:1

Kílisitii í nduwu ya fuulɛ́ w̃áánɔw̃ɔ yeɣéni, náa hááw̃a, kɛ wá bɛ́lɛ nɔ wú liibá ngáá kisiyái í ɣɛ́i Kílisitii w̃a maa gísiyai híí í ɣɛ́ wú w̃á. Sífaa, nuí fíli áá ndúwu ya fuulɛ́ w̃áánɔw̃ɔ yeɣé, kɛ maa w̃ɔ́i i bengá faa ỹɔ́u ɣɛndái wa.

PÍTƐ GƆ́LƆI HELE KÉLEI 3:12

Faalɔ, ná wáá fóloi ná luwɔɔ́ béle Ngalángi íwaa vá nuu kpɛ́lɛɛ kɔ́sɔma ma, kɛ a kɛ ngáá hɛmbɛ́ wááyaa sí ɣɛ áá paalái h̃úúɣɛ lukpú vólu. Folói ná w̃a, ngɔmbuí aa ngeleí w̃ɔ, ngeleya kɔ́lingaitii pa ti yangíwu yɔ́ɔ́lɛɛ ngɔmbu bandí bándii h̃u.

NJƆÚ HESENDAA GƆLƆÍ 4:19

Ndongí lɔ́ mu liítii sú bɔw̃álale Ngalá hése tɔ í lóngɔ ngáá mu ye.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 13:10

Nuí fíli kpatɛngɔ́ ndaaw̃á ngáá tí sóu, kɛ tí sóu. Nuí fíli pá kpatɛngɔ́ ndaaw̃á ngáá kɛ í ló mbowá hɔ́kpɔ yá, kɛ í ló nga. Ngoí sí lɔ́ ná ngáá í kɛ ngáá háwu Ngalángi vóngaitii ndiilɔ́lɔngɔ í ɣɛ́ lá, ti lɔwɔbáɣangɔ í ɣɛ́ lá Ngála ngéya.”