TƐSALÓNIKA GƆ́LƆI HELE KÉLEI 3:4 - Kɛ́lɛ Niinaí

⁴ Mu Lemɔ́i Jísu i kɛ́a ngáá háwu ni langɔ́ɔ́ lé lá ngáá wá lɔɔ sítii kɛ ní ndéngɔ wú w̃a ngáá wú ɣɛ́ wáá tí ɣɛ́ aáva wá lɔɔ́ ndí ngu ma ngáá ti ɣɛndáá.

TƐSALÓNIKA GƆ́LƆI HELE KÉLEI 3:4 Iomraidhean Croise

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

LÓÓMI 15:14

Mu mbála Yála fɛ́li mbélai, nyá gítei ndángɔɔ lé lá ngáá wú lúva veléi vangɔ́ɔ́ lé ngwála aáva wú kéle ɣelengí kpɛ́lɛɛ mááhɔlɔnga ngáá áá kɛ wú ɣɛ́ wáá kálambo mbó ngáá ỹɔw̃ɔ́ ỹɔ́w̃ɔ.

LÓÓMI 15:18

Seímil̃a p̃ɛ́ɛ́, sí léi nɔ́ɔ ngáá yɛ́pɛ mba ngáá ndiibá aá waa ngáá kíya Kílisitii í kɛ́a ngáá háwu sí ngáá kɛ́ ɛ́ɣɛ sí ngáá ndé, káámaa haa gɛvɛlɛ kɛvɛlɛngáitii tíwaa ɣɛ́ ɛ́ɣɛ sí Ngalángi Hɛ́ɛ́ma Ỹínangi iwaa kɛ ngi yákpangi w̃áá véle w̃a, ná lɔ́ í kíya sítii taa ngáá Júsua tíwaa gólo Ngalá mbɛ. Í séi náá Jɛlúsɛl̃ɛ taa walái h̃u í lí náá tataí sí h̃uu ɣéle tɔ taa náá lolí ngáá Elelikɔ ngí vílaa Ngalángi gééla woo vándai léma náitii kpɛ́lɛɛ kɔwɔ́ato Kílisitii wa.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E HESENDAA GƆLƆÍ 14:37

Ná wɔ́lii nuu fíli áá gísiya ngáá kɛ aá lɔ́ ngáá Ngala ndaa háá lé mɔ́ɔ, ɔɔ Hɛ́ɛ́ma Ỹínangi i kɛngá ngáá háwu faa tá í ɣɛ́ ngáá ngi yénge toko, maa w̃ɔ́i í ngatɔ́ mba ngáá kɛ sí ngáá pɔ́nɛ wú yéle aá lɔ ngáá Ndemɔí Jísu ngi háva langɔ́.

KƆ́L̃E HESENDAA GƆLƆÍ 7:19

Sífaa ti bɔ́ɔ́ nuu lɔ́ve pɛlɛ́ vólu ɔɔ tálaa tɔve pɛlɛ́ vólu, ná aa ngáá faá fíli. Fái bíkpingi waa ngáá, nuu gólondai Ngala sávaitii mbu.

KƆ́L̃E GƆ́LƆI HELE KÉLEI 2:3

Ná lɔ́ í kɛ́ngɔ ngí kɔlɔí ná vɔ́nɛngɔ wú yéle. Ngáá loí ngɔ́ɔ́ vá wú yéle wɛ́i kule í wú w̃a wú kóóh̃unɛɛ, wɔ́ɔ́ liiỹááni. Laáva ndángɔɔ lé lá ngáá ná kóóh̃u áá nɛ́ɛ́ aa wú kpɛ́lɛɛ kóóh̃unɛɛ wá bɛ́lɛ nɔ́.

KƆ́L̃E GƆ́LƆI HELE KÉLEI 2:9

Ngí kɔlɔí ná vɔ́nɛngɔ wú yéle sífaa ngí ɣɛ́ngɔ loí ngí nga kpɛ́ kpɛ́ ngí ɣɛ́ kɔ́lɔ ngáá kɛ kíya wú hómbongɔ wú lííbangɔ suugɔvɔ́ngi yáa, ná vólu, ná wɔ́lii wú w̃ááhei wóngɔ áá ɣɛ́ la hɔ́wɔ fíli ngáá wu híya ngáá sítii ngáá ndé wú w̃a.

KƆ́L̃E GƆ́LƆI HELE KÉLEI 8:22

Faalɔ, niyá lɔ́ɔ mɔ́ɔ́ a mu mbála Yalá fɛ́li mɔ́ɔ́ veka lɔve taá tiyéni ní súúgɔvɔnga kuu bíh̃iw̃aa laa lówah̃u laáva ní tɔ́nga náa ngáá kɛ aá lɔ ndií h̃u ngwala hɔ́wɔ fíli ngáá í kpɔ́mba wo. Kɛ kíya suu í na, ndangɔ ngáá wú yé ngwala, laá lɔ ndií h̃u bútei ngáa í bɔ́ wú wa.

GALÉSIYA 5:10

Kɛ́ ndángɔɔ lé ngáá wú ye nɛ́nɛ. A mu báha gilíí wa Ndemɔí Jísu wa, ndángɔɔ lé lá ngáá kɛ wɛ́i kisiyá véka wo. Aáva nuí sí fíli áá wú yákpolowa, i ɣelé ɣɛ́i naa fíli Ngalá ngáá faa bá ndá ma.

FÉLEPA 1:6

Faalɔ, kí máá i kpál̃au ngáá Ngalá, lɛ́i í ngenge pándai sí lɔ́kula héinga wú lóów̃a, aá lɔɔ́ ndi ngu ma í ló su kpóloo í víla fóloi sí w̃a Jísu Kílisitii áá yangáima ma.

FÉLEPA 2:12

Faalɔ, mu mbála vandáitii, kɛ kíya nɔ́ɔ hɔ́wɔ fíli wú gólongɔ í ɣɛ́ngɔ lá mbɛ́ ná ngí ɣɛ́ngɔ wú lóów̃a, aá lɔ ngáá faa wúú ỹííngɔ ngáá wú gólo mbɛ́ sí h̃u ná ngáá mɔ́ɔ wú lóów̃a. A yakpá wú wú wúmaawongi wúkula ngáá wú yákpangi kpɛ́lɛɛ Ngalá mbɛ.

TƐSALÓNIKA HESENDAA GƆLƆÍ 4:10

Aáva p̃ɛ́ɛ́ wú ndó ngááh̃u ɣɛ́a ngáá mu mbála Yalá fɛ́li mbélaitii kínɛi ti Mɛsedóniya lataí h̃u. Kɛ́ ná fíli su, mu mbála Yalá fɛ́li mbélai, niỹá lɔ́ɔ wú w̃áánɛɛnɛ ngáá wú ndí ngu ma ngáá kɛndáá ngwala.

TƐSALÓNIKA GƆ́LƆI HELE KÉLEI 3:12

Niỹá lɔ́ɔ ndé gíte Ndemɔí Jísu Kílisitii laahéingi h̃u ngáá ndaahí ngóó bikpi nungái sítiini ma, maanɛɛnɛ́ su ngáá ti héi ngáá ti ɣɛ́ taa yénge kɛinɔɔ́ ti háá í ɣɛ́ bɔ́wɔ wa.

TƐSALÓNIKA GƆ́LƆI HELE KÉLEI 3:6

Mu mbála Yalá fɛ́li mbélai, niỹá lɔ́ɔ fái sí lé náa wú w̃a ngáá ndaahí ngóó bikpi Ndemɔí Jísu Kílisitii laahéingi h̃u ngáá sítii taa ɣɛ́ héi gbááma wú lííwaa tɛi ɣɛ́ lói tɔ́ɔ faa vaá fíli mbó ɛ́ɣɛ sítiini tɛí ɣɛ́ taa híya ngáá fái sítiini ní tí lengɔ́ wú w̃a, waa bɔ́ faa fíli má wáá tiyéni.

FELÉMO 1:21

Ngí súúwɔlɔ kpál̃au ngáá ná ngáá í w̃ɔ́ɔ́ni faa fíli fááw̃a kɔlɔí sí h̃u ngíwaa pɔ́nɛ í yéle, yáá kɛ́ bɛ́lɛ í lɔ́ve ma.