TƐSALÓNIKA GƆ́LƆI HELE KÉLEI 3:3 - Kɛ́lɛ Niinaí

³ Kɛ́ Ndemɔí Jísu va aá lɔ́ ngáá tokolá má w̃ɔ́ɔ́, aá lɔ́ɔ́ wú lííwuulɛ, í wú w̃ááh̃u béle faa ỹɔ́i yaa.

TƐSALÓNIKA GƆ́LƆI HELE KÉLEI 3:3 Iomraidhean Croise

MÁFIYU 5:37

Faa fíli sú, a lúw̃a nɔ́ɔ ná wáá ɣɛ́ wáá kɛ ɔɔ wú léle ná wɔ́i ɣɛ́ wáá kɛ. Kɛ́ ná láá lé, ngoo véka fíli wáá ndé mɔ́ɔ ná vólu, kɛ ná áá ɣɛ gulaí nuí síí w̃ɔ́i yaá taa ɣɛ́ ma Nyaama W̃ɔ́i.”

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:4

Ni háá ỹɔítii suuhaaló sífaa niỹá bɛ́lɛ naa sítii suuhaaló taá faa ỹɔ́u ɣɛ ngáá ni ye. Yálaa kɛ ngáá háwu suugɔvɔ́ kpángɔ ɔ́ɔ́ vá ni yelé ɔ́ɔ́ kɛ́ nɔɔ́ faa ỹɔ́u ɣɛ.’ ”

NJƆÚ 17:15

Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i.

KƆ́L̃E HESENDAA GƆLƆÍ 1:9

Ngalá tɔ ngáá tokola ma w̃ɔ́ɔ́ lɛ́i í lókolongɔ wú wá ngáá wú háá í ɣɛ́ su yíla wáá ngi H̃íỹɛndou Lói Jísu Kílisitii a mu Lemɔ́i.

KƆ́L̃E HESENDAA GƆLƆÍ 10:13

Suugɔvɔ́ngi kínɛi áá vá wú yéle ngi h̃íí lɔ nɔ́ɔ áá vá nungáá vékaitii ngelé. Kɛ́ Ngalá ngaa ngi gúúlongi hítɛ nga ɛi luw̃áma suugɔvɔ́ ngɔ́ɔ́ vá wú yéle ngáá wú yákpangi ɛ́i hómbo nda. Táingi sí w̃a suugɔvɔ́ngi áá vá wú yéle, aa suubá fé wú yɛ́ wú liilɔ́lɔ nga aáva aa pele gúla kɛlɛ́ma wú yɛ ngáá wú gúla su.

TƐSALÓNIKA HESENDAA GƆLƆÍ 5:24

Laáva lɛ́i í wú lólingɔ, aá lɔ́ ngáá tókola ma w̃ɔ́ɔ, faalɔ, aá lɔɔ ná ɣɛ.

TÍMOTI GƆ́LƆI HELE KÉLEI 4:18

Ndemɔí Jísu aa mááɣawo ngáá faa ỹɔ́u híí fíli ɛi la ma, ná vólu, í lí ngáá ngé lɛ́i lɛ́i ngi w̃ásandai h̃u í ngelegóóh̃u. Bɛlɛ́ ndaaw̃aa í lɛ kúnafɔ taa ngi ndá gúnafɔ! Amíína.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 2:9

Faale, a mú náa lɔngá kíya nungái sítii taa ɣɛ́ Ndemɔí Ngala fááw̃a áá tí w̃ááɣawo ti háá bɔlundáitii su aáva kíya áá ɣɛ́ áá faa lá telembo tála yélaitii ma í ló su Ngala kɔ́sɔ mbaaléve fóloi í fóloma,

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.