TƐSALÓNIKA GƆ́LƆI HELE KÉLEI 3:2 - Kɛ́lɛ Niinaí

² Ná vólu, wú mɔ́ɔ ɣɛ́ wáá Ngala fɛ́li ni haáw̃a ngáá kɛinɔɔ́ Ngala ngí ní w̃ááh̃u béle faa ỹɔ́u ɣɛ́ mbélai ngeyá ɛ́ɣɛ nyaama yélaitii ngeyá, sífaa, nuí kpɛ́lɛɛ táá le yɛɛ́ tɔɔ ɣɛ́ lái ngáá Ndemɔí Jísu geela woí.

TƐSALÓNIKA GƆ́LƆI HELE KÉLEI 3:2 Iomraidhean Croise

MÁFIYU 17:17

Kɛ Jísu i ɣɛa ta, “Wá, nda tálai lɔ í wú h̃ú sí h̃uu yéteyangi h̃uu yélaitii, wáá lí ngáá kaka pélei! Táingi bɛɛ́ lɔ náa ngáá kɛ wú lííwaa wɔ́ɔ ɣɛ́a fái sítii ngatɔ́ mba?” I ɣɛ siỹɛndópoi w̃a, “Vá ngáá í lói mbéi.”

MÁFIYU 23:23

Í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngalá fái lá yaah̃ú kɛ́ aa wú líí h̃u! Wú hɔ́lɔ wɔlíngaitii wáá puu kélei he Ngalá ngéya í li bɛ́lɛ í to sí gúlo guloí wa wáá pu hakpá su áá kɛ nɛɛni. Kɛ́ sí kái kái í ngáá Ngala sávai h̃uu háitii, wáá kɛ́ngɔ wɔ́ɔ́ híya ngáá ti ye. Ná wáá ngáá, wáá baah̃áa sítii kɛ́ma tí péle w̃a ngáá wú kɛ ngáá nungáá vekaítiini, wɔ́i nungáitii ngaah̃ú w̃ááw̃aanu hóu ɛ́ɣɛ wáá ngáá tokolá ma yélaa. Kule í ɣɛ́ngɔ ɣɛi wú w̃a wú sítiini kɛ, kɛ́ wálaa Ngala kɔ́ féndai yafándɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:8

Ngí ndé wú w̃a, aa ti háá lɔɔỹaí he ti yaá ngáá maahulángɔ. Kɛ́ ná nuí síí w̃ɔ́i taa ɣɛ́ ma Nuu Búsa Goo H̃ú Loí áá va, aa nungáá lɔ́ ngeleí sí wu ti langɔ́ ngáá Ngalá?”

TI GƐ́Ɛ́ HAÍTII 13:45

Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.

TI GƐ́Ɛ́ HAÍTII 13:50

Ná Júsuaitii tí tɔwɔ́ mba yélaitii toní faa ỹɔ́u ɣɛ fááw̃a kpahangɔ́ nyah̃ái sítii kele tɔ mba Ngala ndúwambai í ɣɛ́i ti h̃u aáva ti ngáá tɔwɔ́ mba yélaa, ti ɣɛ́i náa taá faa bángaitii nda Pɔ́ɔni ngaa Bánaba w̃a, tí tí bɛ́ na.

TI GƐ́Ɛ́ HAÍTII 14:2

Kɛ́ Júsuai sítii kínɛi taá ɣɛ́i kɛí tɔɔ lá ngáá keela woí sí Pɔ́ɔni ngaa Bánaba ti ɣɛ́i ndení, ti sítii taa ngaa Júsua loni faa ỹɔ́u ɣɛ́ fááw̃a, ná vólu, tí tí wú su ỹáánini Pɔ́ɔni ngaa Bánaba haaw̃a.

TI GƐ́Ɛ́ HAÍTII 17:5

Kɛ́ Júsuai ti wútuwɔai tí tolóma batɛní gí ma, tí tamál̃a mbélaa lɛingáá gúla kovíítii su, tí tí yatɛ́ mba ndapi gúla fááw̃a. Aáva tí taa walái ná h̃úu ɣɛí wúúlee. Tí lií ngáá viliỹɛ́ Jésɔ vɛlɛí la Pɔ́ɔni ngaa Sáilɔ wɔlí fááw̃a ngáá ndiiỹɔ́u kɛinɔɔ́ ti vá ngáá ti ye nungáitii ngelé.

TI GƐ́Ɛ́ HAÍTII 25:27

Aá lɔ kí ma ngáá kɛ aa pele w̃a ngáá nuu í pelésina lɔve ná nuu ɛ́i ɣɛ́ ngi háá ỹaaningí téɣele kɛ́ni taa ɣɛ́ pɛlɛí mba.”

TI GƐ́Ɛ́ HAÍTII 28:24

Ti lɛ́ingaa ti ɣɛ́i ti h̃u tí láni lá ngáá kɛ sí áá nde tɔɔỹáá le. Kɛ́ pekaítii taá láni la.

LÓÓMI 10:16

Kɛ́ ná fíli sú, nuu kpɛ́lɛɛ táá le tɔ́ɔ ɣɛ́ lánga ngáá keela woó vándai sí, kíya nɔ́ɔ Ngalá ndaa háá lé mɔ́i Aisáya í ndéni, i ɣɛ ta, “Ndemɔí Ngála, ele lɔ náa gíte í láa ngáá sí ní ndéngɔ?”

LÓÓMI 15:31

A Ngala fɛ́li ngáá Ngalá ngí mááh̃u béle sítii ngeyá taa lái ngáá Jísu ti Judíya lataí h̃u. Ná vólu mɔ́ɔ́, Ngalangí vóngai sítii tí Jɛlúsɛl̃ɛ taa walái h̃u ti liilɛ́ingɔ í ɣɛ́ la ngengengí sí hááw̃a ngíwaa mbo.

KƆ́L̃E HESENDAA GƆLƆÍ 15:32

Sí í híyani ngáá ngé Ɛ́fɛsɔ taa h̃u, i ɣɛi nɔ́ɔ kíya kpéi ngí ɣɛ́i ngáá lápi ngáá suwa walá wála. Kɛ́ ná wɔ́lii ɔ́ɔ́ ɣɛ́ ngáá nuu búsa ndá gísiya ɣɛ kílii, kɛ ndée lɔ náa ɔ́ɔ́ ɣɛ ngáá ní gúlasuunumai ná sí nungáitii taá ndé áá ɣɛ́ ngáá tɔɔỹaá? Ná wáá ngáá sí taa ɣɛ́ ta, “Ngala ngɛ́i nuu wúyoɣe sái h̃u.” Ná wɔ́lii áá ɣɛ ngáá tɔɔỹáa, kɛ a mu hítɛ sí vólu nungáitii táá nde ngáá a mú laaỹɛ́, mu ndɔɔ bɔ́le, sífaa ná á maa há, kɛ kɛɛlɛ́ míl̃a.

TƐSALÓNIKA HESENDAA GƆLƆÍ 2:18

Ní ɣɛ́ngɔ lói ní yángaima wú yéle. Nyá bútei ngí ngáá Pɔ́ɔ, naa lɔ́vengɔɔ lé náa ngilaa má ngáá ngíwaa yákpa ngáá ngí vá wú yéle, kɛ́ Setána i kɛí ngáá háwu náa lóko w̃aahɔ́lɔi nɔ́ɔ vá.

TÍMOTI GƆ́LƆI HELE KÉLEI 4:17

Kɛ́ Ndemɔí Jísu i ɣɛi pólu aáva i kɔ́i ngáá ngakpá ngáá ngí hómbo ngí keela woó vándai le ngí ngúkula fó sítii ma taa ngáá Júsua. Aáva Ngalá ngí mááɣawoni naa saí yáa.