TƐSALÓNIKA GƆ́LƆI HELE KÉLEI 3:16 - Kɛ́lɛ Niinaí

¹⁶ Bɛlɛ́ Ndemɔí Jísu bútei, lɛ́i mu lííhei áá tɔkúla héi mba, í kɛ́ ngáá háwu ndiiheí í ɣɛ́ wú yɛ kúnafɔ pele fíli su nɔ́ɔ, ná vólu, í ɣɛ́ kái wú vólu wú kpɛ́lɛɛ.

TƐSALÓNIKA GƆ́LƆI HELE KÉLEI 3:16 Iomraidhean Croise

MÁFIYU 1:23

“Kpela niinángi ɛ́i nɛ́ɛ́ ɣɛ siỹɛ fáá wɔlɔ́, aá lɔɔ vá koo yeɣéma, í siỹɛndóu lou le, aáva taá tóli ngáá Imanyuwɛ. Ná wúi wáá ngáá, Ngalá tɔ a mu liiwáá.”

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

NJƆÚ 14:27

Ngáá kɛ ngáá háwu wú líí í héi aáva kpɔ́wɔ bɔ́wɔ lííhei lɔ ngíwaa vaa la. Ní ndá lííhei ngáá vaa la aa ngáá kíya ngeleí sí wú lííhei áá va. A waá liihɛ́lɛ, ná vólu, nduwá álaa ɣɛ́ wú h̃u.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

LÓÓMI 15:33

Bɛlɛ́ Ngalá lɛ́i áá ndiiheí hé nuu yɛ́ í ɣɛ́ wú lóów̃a wú kpɛ́lɛɛ. Amíína.

LÓÓMI 16:20

Ná vá kɛngɔ́ Ngalá lɛ́i áá kɛ́ ngáá háwu mú ndííhei w̃aahɔ́lɔ aá lɔ́ɔ vá Setána ɣɛ kíli ỹaani má h̃úmbuwa í ɣɛ́ ngáá wú gɔ́wɔ wú wɔ́li kɛ kíli. Bɛlɛ́ a mu Lemɔ́i Jísu háá bɔ́wɔi í ɣɛ́ wú yɛ.

KƆ́L̃E HESENDAA GƆLƆÍ 14:33

Sífaa Ngalá tɔ́ ngáá Ngalá áá faa yéɣe kɔwɔ́ w̃a, í kɛ ngáá ndiiheí véle kɛ́ aa ngáá faa yáfahangɔ Yála. Kule lɔ́ nyah̃áitii ma ti w̃ááɣɛngɔ í ɣɛ́ la ló, tálaa yɛ́pɛ Ngala fɛ́li máákpɔitii su kíya nɔ́ɔ í na Ngalá fɛ́li mbélaitii ndiiwáá tí ỹándaitii kpɛ́lɛɛ kpɛ́lɛɛ. Ngutuwɔ́ háá álaa ɣɛ́ nyah̃áitii toko h̃u Ngala fɛ́li máákpɔitii su kíya Ngalángi hávai í féni Muusé yaá í ndéngɔ.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

Ɛ́FƐSƆ 6:23

Bɛlɛ́ a mu Kɛ́ɛ́ɣɛ Ngalá taá Ndemɔí Jísu Kílisitii tí mu kpɛ́lɛɛ kɔ́ ngáá ndiihéi, ndongí taá ndángi muỹɛ́i mu ngáá Ngala fɛ́li mbélaitii.

TƐSALÓNIKA HESENDAA GƆLƆÍ 3:11

Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TƐSALÓNIKA GƆ́LƆI HELE KÉLEI 3:18

Bɛlɛ́ Ndemɔí Jísu Kílisitii háá bɔwɔí í ɣɛ́ wú kpɛ́lɛɛ mbɛ́.

TÍMOTI GƆ́LƆI HELE KÉLEI 4:22

Bɛlɛ́ Ndemɔí Jísu hɛ́ɛ́ í ɣɛ́ í w̃á ɛ́ɣɛ Ngalángi háá bɔwɔí í ɣɛ́ wú kpɛ́lɛɛ mbɛ́.

FELÉMO 1:25

Bɛlɛ́ Ndemɔí Jísu Kílisitii háá bɔwɔí í ɣɛ́ wú kpɛ́lɛɛ mbɛ́.

HÍBULU 13:20

Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.