TƐSALÓNIKA GƆ́LƆI HELE KÉLEI 2:2 - Kɛ́lɛ Niinaí

² Wú gí máitii nga súpundai h̃uu álaa ɣɛ́ nɔ́ɔ lúkpu kɛlaa wɔ́ɔ́ ɣɛ́ wú nga wúúlee kɔwɔ́ato sí wa ndengɔ́i ngáá Ndemɔí Jísu vaa holói í folónga ma. Aá ɣéle tɛingaa h̃u nuu lɔ́ í ɣɛ́ngɔ áá ngusu lɔ́ ngóó le í ná léngɔ, ɔɔ nuu lɔ́ í ɣɛ́ngɔ áá keela wóó lé í ná léngɔ ɔɔ ná láá lé múl̃ɔ, tɛingaa taá ɣɛ́ ndengɔ́ ngáá ni ná vɔ́nɛngɔ kɔlɔ h̃u.

TƐSALÓNIKA GƆ́LƆI HELE KÉLEI 2:2 Iomraidhean Croise

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:7

Ná wáá mɛ́ni ngáá kɔɔni tí gúlaa ɔɔ wú tɛingáá w̃áá woo ỹɛ́ni ỹanda vékaitii, wú líí álaa gúla wú wa, bɔw̃álale kɛ tí ɣɛ, kɛ́ ngetéyangi yakɛɛlɛmái ɛi ɣɛ ngáá ná.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:19

Wú lángi í wú h̃u, a ndi ngu ma lá ngáá hɛmbɛ́ fíli ná ná va ngáá ɣɛ́, wáá kúnafɔ lɛ́ɛ́h̃ui w̃aahɔ́lɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:9

Ná vólu, ná wáá mɛni ngáá kɔɔní tí gúlaa, ná vólu, nungáá taa toow̃aá lápi wɔ, a waa lúwa. Sífaa kɛ fái sítiini tí ɣɛ, kɛ́ ti bɔ́ɔ́ ɣɛ, ngetéyangi yákɛɛlɛmai ɛi va nɔ́ɔ́ ngamá.”

NJƆÚ 14:1

Jísu í mɔ́ɔ́ nde volú yélaitii ma, i ɣɛ ta, “A waá liihɛ́lɛ, a lá ngáá Ngalá, wú lá ngáá ngé nyá bɛ́lɛ.

NJƆÚ 14:27

Ngáá kɛ ngáá háwu wú líí í héi aáva kpɔ́wɔ bɔ́wɔ lííhei lɔ ngíwaa vaa la. Ní ndá lííhei ngáá vaa la aa ngáá kíya ngeleí sí wú lííhei áá va. A waá liihɛ́lɛ, ná vólu, nduwá álaa ɣɛ́ wú h̃u.

KƆ́L̃E HESENDAA GƆLƆÍ 1:8

Jísu aa kɛ ngáá háwu wú h̃úúbangɔ í ló kpé kpé Ngala fái h̃u í ló su faa kpɛ́lɛɛ ngákɛɛlɛmai í folo kɛinɔɔ́ faa fíli álaa ɣɛ́ wú wa folói ná w̃á a mu Lemɔ́i Jísu Kílisitii áá vá vaamá ma.

KƆ́L̃E HESENDAA GƆLƆÍ 14:32

Nuí ngí ndá yénge tokoí áá ɣɛ́ ngáá Ngalá ndaa háá léndai, maa w̃ɔ́i lehé í ɣɛ́ maa yénge tókoi ná w̃á.

KƆ́L̃E HESENDAA GƆLƆÍ 7:26

Kɛ kíya hááwɔ yéteyangi sí bángɔ, aá lɔ́ kí ma ngáá maanɛ́ɛ́ngɔ lé nuu ɣɛ́ kíli í ló kíya áá ɣɛ́ na.

Ɛ́FƐSƆ 5:6

Wálaa kɛ nuu ɔ́ɔ́ wú yákpolowa ngáá ndɛɛ gɔ́ɔ́landaa wú yáá bɔw̃álale sítii kínɛi ngí yɛ́pɛa kɔwɔ́ato tí wá, tí hááw̃a lɔ áá kɛ Ngalá ngáá liiỹɔ́u sítii ma tɛi gólo mbɛ.

TƐSALÓNIKA HESENDAA GƆLƆÍ 3:3

Ni ná ɣɛ́i kɛinɔɔ́ faa bángai sítiini tálaa kɛ́ ngáá háwu wú tá fíli wɔ́ɔ́ liiỹááni Ngalá fái h̃u ngáá wɔ́ɔ́ yángaima vólu. Wá gíte wú suuwɔlɔ́ ngáá faa báma lááliai sítiini tiyá lɔ́ ngáá Ngalá túw̃ama h̃u háá a mu haáw̃a.

TƐSALÓNIKA HESENDAA GƆLƆÍ 4:15

Sí vá í ngáá kalambo Ndemɔí Jísu í mbóni kɔwɔ́ato maa hái wa aá wáá ngáá sí, muỹɛ́i a maá ló ndɛɛh̃úi h̃u í ló su Ndemɔí Jísu í vá, ná a maa ɣɛ́a lí ndaaw̃ɛ́ɛ́ma, mɔí lí sítii ngutúwɔ ti háángɔ áá ɣɛ́ lá.

TƐSALÓNIKA HESENDAA GƆLƆÍ 5:2

sífaa, wá gíte wú súúwɔlɔ nɔ́ɔ ngáá Ndemɔí Jísu vaa gilíi gúlangɔɔ lé nɔ́ɔ ngáá kíya ŋuỹá w̃ɔ́i áá ɣɛ́a vá ŋúỹai wóma ngáá kpindíi wɔ́i ɣɛ́ faa wɔ́lɔ mba.

TƐSALÓNIKA GƆ́LƆI HELE KÉLEI 2:15

Faale, mu mbála Yalá fɛ́li mbélai, a loo gilí bátɛ, wú ndí ngu ma ngáá tɔɔỹáa gálambongi sí ní mbóngɔ ngáá wú ye. I ɣɛi ngáá sí ní púi kɔ́lɔ w̃a ní tɔ́ve wú yéle, baa sí ní ndeí wú w̃a ngáá laa wóó.

TƐSALÓNIKA GƆ́LƆI HELE KÉLEI 3:17

Sí nyá gíte ngáá pɔ́nɛ ngáá bɔwɔ́ lóko, aá wáa ngáá sí, nyɛ́i ngí ngáá Pɔ́ɔ, ngí há wú w̃a. Ngimɔ́ɔ́ ngáá laahéingi vɔ́nɛ kɔlɔí kpɛ́lɛɛ sú ngáá pɔ́nɛ.

FAA YÁKƐ KƆ́LƆI 19:20

Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.