TƐSALÓNIKA GƆ́LƆI HELE KÉLEI 2:16 - Kɛ́lɛ Niinaí

^16-17 Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TƐSALÓNIKA GƆ́LƆI HELE KÉLEI 2:16 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:25

Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.

NJƆÚ 13:1

P̃ɛ́ɛ́ Júsuai ti Wumááwo Kúi ɔ́ɔ́ foló ma foló vékai w̃a, Jísu i ɣɛi suuwɔlɔ́ ngáá táingi i folónga ma ngáá íwaa vá náa híɣema ngeleí sí wu í lí Kɛɛɣɛí Ngala ngéle. Aáva hɔ́wɔ fíli i ɣɛi loí ngáá nungái sítii ti langɔ́ í ɣɛ́i lá lá, ti ngáá polú yélaa ngeleí sí wu. I ɣɛi loí ngáá ti ye í ló su bɛ́lɛ í foló naa h̃uu kái kái má í sáá w̃ááhɔlɔni.

NJƆÚ 15:13

Ndo fíli aa mɔɔ na ɔ́ɔ́ lɔ́ve sí wa ngáá sí nuí áá lɛɛh̃úi gúla kɛlɛ́ma ngi mbálangaitii faaw̃a.

NJƆÚ 15:9

Kɛ kíya ní Kɛ́ɛ́ɣɛ longɔ́ ngáá ngé, ngimɔ́ɔ́ nɔ́ɔ ndóngɔɔ ngáá wú ye. Faalɔ, a kɛ ngáá háwu ngí ndí ngú ma ngáá ndongí ngáá ɣɛ su ngáá wu ye.

NJƆÚ 16:22

Ngimɔ́ɔ́ nɔ́ɔ áá ɣɛ ngáá wú ye, kíya suu í na wú liiỹááni sɔ́wɔi i folónga ma, kɛ́ nyá lɔɔ vá wú lɔ́ma múl̃ɔ aáva wa lɔɔ vá gooh̃unɛ́ɛ́ma, nuu fíli pá ɛi wú góóh̃unɛi gúla wú yáá.

NJƆÚ 3:16

Sífaa, Ngalá ndóngɔ ngáá nuu búsai ngwala ná lɔ́ í kɛ́ni í ngi H̃íỹɛndou Lou yiláá kpéngi lɔ́veni ngáá nuí fíli áá lá ngáá ngi H̃íỹɛndou Loí ɛi saa w̃ááhɔlɔ kɛ́ aa kúnafɔ lɛ́ɛ́h̃ui w̃ááhɔlɔ.

NJƆÚ 4:14

Kɛ́ nuí fíli áá njɛí sí bɔ́le ngáá fe ngeyá, njɛ w̃ɔní ɛi mɔɔ maa w̃ɔ́i hóu kúnafɔ, laáva aa kúnafɔ lɛ́ɛ́h̃ui he mbɛ. Tɔɔỹáá hááw̃a njɛí sí ngáá fé maa w̃ɔ́i yaá aa ɣɛ maa w̃ɔ́i h̃u ngáá njɛí sí ɣɛ kíli áá gúla ndɔwɔlɔ́i wu púi púi.”

TI GƐ́Ɛ́ HAÍTII 15:11

Aa pele w̃a! Ni langɔ́ɔ́ lé lá ngáá kɛ Ndemɔí Jísu ngi háa bɔwɔ́i lɔ í kɛngɔ́ ngáá háwu mú ngumaawóngi sí w̃ááhɔlɔngɔ aáva ngimɔ́ɔ́ nɔ́ɔ tí maahɔ́lɔngɔ.”

TI GƐ́Ɛ́ HAÍTII 18:27

Ná Apólo í ɣɛ́i náa loní í lí Akáya lataí h̃u, ngi mbála Yalá fɛ́li mbélaitii tí nduwúh̃ulɛni la, ná vólu, tí kɔlɔ vɔ́nɛni Jísu volú yelaítii ngelé Akáya ngáá tí lokohéi mbu. Ná í foloní na, i bɔní ngwala sítii mba ti langɔ́ i ɣɛi ngáá Ngalá, Ngalangí háá bɔwɔ́i w̃aa véle w̃a.

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

LÓÓMI 4:16

Maa hái kpɛ́lɛɛ i liingɔ́ nɔ́ɔ í tó ndangí wá nuu áá ɣɛ́ sú ngáá Ngalá ngáá kɛinɔɔ́ í ɣɛ ngáá Ngalángi háá bɔwɔí w̃áá véle w̃á ngí gúúlongi aa hítɛ nga. Aáva kuulóngi sí aa na nɔ́ɔ léikei Lébilah̃au laala lengáitii fááw̃a tiyɛ́i Ngala sávai í tí loow̃a, kɛ́ aá ɣéle, aá lɔ́ na nungái kpɛ́lɛɛ fááw̃a tiyɛ́i taa ɣɛ́ ngáá Lébilah̃au laala lengaa kɔwɔ́ato ndangí wá nɔ́ɔ taa ɣɛ́ su ngáá Ngalá kíya Lébilah̃au í ɣɛ́i na. Ná ná áá ɣɛ, kɛ Lébilah̃au lɔ í ngáá ti kpɛ́lɛɛ tí kɛ́ɛ́ɣɛ.

LÓÓMI 4:4

Ná ngénge mɔ́i áá pávai w̃ááhɔlɔ ngenge míl̃a áá ɣɛ́ mbóni kákpangi náá hááw̃a, ɛi ɣɛ ngáá faa bɔ́wɔ áá ɣɛ́ maahɔ́lɔni.

LÓÓMI 5:8

Kɛ́ Ngalá ngí ngi lóngi yaah̃ú ɣɛ́ngɔ ngáá mu ye ngwala, ná wáá ngáá, ná h̃ú nɛ́nɛ kpɛ́ a mu ɣɛ́ngɔ ngáá faa ỹɔ́u ɣɛ́ mbélaa, Kílisitii i haaní a mu haáw̃a ngáá saáɣa.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

Ɛ́FƐSƆ 5:25

Siỹɛngáitii pa wú ló ngáá wú ỹáh̃aitii kíya nɔ́ɔ Kílisitii í lóni ngáá Ngala fɛ́li mbélaitii í lɛ́ɛ́h̃ui gúlai kɛlɛ́ma tí hááw̃a.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 3:11

Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

TƐSALÓNIKA GƆ́LƆI HELE KÉLEI 2:13

Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TÁITƆ 1:2

Ná ná áá ɣɛ́, kitomái áá ɣɛ́ tí wa kúnafɔ lɛ́ɛ́h̃ui hááw̃a Ngala lɛ́i ɛ́i ndɛɛ gɔ́ɔ́la í máá gúúlombongɔ p̃ɛ́ɛ́ ngetéyangi ɔ́ɔ́ ɣɛ́a batɛ́.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 7:19

Saváitii Ngala ngí féni Muusé yaá ngakpá ngáá ɣɛi ti h̃u tɔ́ɔ́ núu ɣɛ́ kíli batɛ fó fóndei Ngala ngááh̃u. Kɛ́ Ngala ngí kitomáá vánda gulái kɛ́lɛma a mu yɛ áá kɛ́ ngáá háwu a mú fólo laa Ngalá ma.

NJƆÚ HESENDAA GƆLƆÍ 3:16

Ndongí va kɔlɔ́ kíli lɔ ngáá sí mu yɛ, ngáá kíya Jísu Kílisitii i lɛ́ɛ́h̃ui gúlani kɛ́lɛma a mu hááw̃a. Ngimɔ́ɔ́ nɔ́ɔ a muỹá bɛ́lɛ kule í mú w̃a a mú lɛ́ɛ́h̃ui gúla kɛ́lɛma a mu mbála Yalá fɛ́li mbélaitii faaw̃a.

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 22:5

Kpindí ɛ́i mɔ́ɔ vɛlɛ taa walái ná h̃u aáva lámbo ɔɔ foló kpɛ́ndɛ ɛi mɔ́ɔ ɣɛ nungáitii mba bɔw̃álale Ndemɔí Ngála aa ɣɛ́ ngáá ti lámbo tiyá vá taá ɣɛ́ ngáá ndɔwɔlɔ́ w̃ásangaa kúnafɔ fááw̃a.

FAA YÁKƐ KƆ́LƆI 3:9

A wolílo! Sítii tí ngáá Setána hitɛ polú yeláitii ngáá ndɛɛ yélai nátii, tíwaa ɣɛ́ ta tiyá lɔ́ ngáá Júsua, kɛ́ aa ngáá tɔɔỹáa, nyá lɔ́ɔ vá kɛ́ma tí vá tí lá wú gɔ́wɔ wú. Tí kpɛ́lɛɛ táa ɣɛ́ náá súúwɔlɔ ngáá kɛ ndóngɔɔ lé ngáá wú ye.