TƐSALÓNIKA GƆ́LƆI HELE KÉLEI 2:14 - Kɛ́lɛ Niinaí

¹⁴ Ngalá ngí wú lólingɔ ngáá wú ngumaawóngi w̃ááhɔlɔ keela wóó vándai w̃áá véle w̃a ní ndéngɔ wú w̃a. I wú lólingɔ kɛinɔɔ́ wú ɣɛ́ mu Lemɔ́i Jísu Kílisitii háá w̃aanɛɛnɛɛ ngwalaí sí h̃u.

TƐSALÓNIKA GƆ́LƆI HELE KÉLEI 2:14 Iomraidhean Croise

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

NJƆÚ 17:22

Ngí kɛ́a ngáá háwu ti ngufema w̃ááhɔlɔ kíya nɔ́ɔ yí kɛngɔ́ ngáá ngé. Ngí ná ɣɛ́ngɔ kɛinɔɔ́ ti ɣɛ́ ngáá nuu yíla kpé pele kpɛ́lɛɛ su kíya nɔ́ɔ mu ngáá nuu yíla kpé pele kpɛ́lɛɛ su.

NJƆÚ 17:24

Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́.

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

LÓÓMI 2:16

Keela wóo vándai sí ngíwaa nde aá lɔ́ɔ ngákɛ kpál̃au ngáá Ngalá tɔɔ vá kɛ́ma ngáá háwu Jísu Kílisitii í nuu kpɛ́lɛɛ kɔ́sɔ folói ná w̃a áá lí í to nuí fíli ngi ndá gí máá haítii mba.

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

Ɛ́FƐSƆ 1:18

Nyá lɔ́ɔ Ngalá fɛ́li ngáá wú gí mai ya ngí ɣɛ́ kpál̃au ngáá wú hómbo wú ɣɛ́ tɔɔỹái wɔlɔ́ áá gúla ngeyá kɛinɔɔ́ wú ɣɛ́ kitomái wɔlɔ́ áá kúla kɛlɛ́ma wú yɛ́ ɛ́ɣɛ ngi háá bɔwɔ walaí í wú gúúlongɔ lá

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

FAA YÁKƐ KƆ́LƆI 21:23

Taa walái sí aa ɣɛi bɛndɛí fólo hááw̃a taá ngálu, bɔw̃álale Ngalángi múw̃a muw̃angí lɔ́ áá naa ɣɛ́ kpál̃au. Mbaalaí lɔ í ná ngáá lámbongi.

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.