TƐSALÓNIKA GƆ́LƆI HELE KÉLEI 2:13 - Kɛ́lɛ Niinaí

¹³ Mu mbála Yalá fɛ́li mbélai, wɛ́i Ndemɔí lóngɔ ngáá wu ye, tɔkúla héimai kpɔ́lɔɔ Ngalá ngi lokolongɔ́ wú wá ngáá wú wúmaa í wó. I sí ɣɛ́ngɔ Hɛ́ɛ́ma Ỹínangi w̃aa véle w̃a lɛ́i í kɛ́nga ngáá háwu wú ɣɛ́ ngáá Ngalángi vóngaa Ngala ngéngengi hááw̃a aáva wú lá ngáá tɔɔỹáa gééla woí. Faalɔ, hɔ́wɔ fíli kule lɔ ni w̃a ní sɛ́ɣɛɛ gula Ngalá ma wú hááw̃a.

TƐSALÓNIKA GƆ́LƆI HELE KÉLEI 2:13 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:75

Ná vólu, a mu lɛ́ɛ́h̃ui h̃uuhíya faa ỹɔ́u fíli álaa ɣɛ́ mu h̃u, a mu ɣɛ ngáá telembo mbélaa ngaah̃ú, a mu ɣɛ kíli va í ɣɛ́ h̃íí na kúnafɔ lɛɛh̃úi sí h̃u a mú su.

NJƆÚ 1:1

Ngetéyangi lɔkúla héimai lɛ́i taa ɣɛ́ ma Keela Wói bɛ́lɛ i ɣɛi náá na. Keela Wói vá i ɣɛi na taá Ngalá. Keela Wói sí vá i ɣɛi ngáá Ngalá.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

TI GƐ́Ɛ́ HAÍTII 15:9

Ngalá ngáá ndowah̃u kɔlɛ́ fíli mbóngɔ mu lówah̃u maá tiyéni. Kɛ́ i ti lií w̃ááwolengɔ sífaa ti langɔ́ lá.

LÓÓMI 6:17

Nuu áá sɛ́ɣɛɛ gulá Ngalá ma ngáá kíya bɛ́lɛ wú ɣɛ́i ngáá nduwɔ lopóa ɣɛ́ kíli faa ỹɔ́u ɣɛ́ndai h̃u kɛ́ wú bɔ́wɔ gulangá kɛ́lɛma fó fóndei tɔɔỹaá galambongí sí wu, wú mááhɔlɔni.

LÓÓMI 8:33

Ná wɔ́lii Ngála ngáá ndé ngáá kɛ faa áá sítii mba í lókolonga tí wa ngáá ngi vóngaa, kɛ ele lɔ náá áá faa vɛ́lɛ ti wa?

LÓÓMI 9:11

Ná h̃u nɛ́nɛ taá nɛ́ɛ ɣɛ́i tí léni kpósouŋ kɛlaa tɔɔ́ ɣɛ faa vánda ɣɛ́ni ɔɔ faa ỹɔ́u, Ngalá ngí ndení ti njéé Lebɛ́ka w̃a ngáá kpakolo keleí aa ɣɛ ngáá ngenge mɔ́ɔ́ ndeɣe gélei yɛ́. Ngalá ngí sí léni ngáá kɛinɔɔ́ í hómbo í ngákɛ ngáá kɛ ngi líívo peleí lɔ́ áá híya la. Kɛ́ aa ɣɛi ngáá kɛ ndengái ti híya véle lɔ́ ɔ́ɔ́ ɣɛ́ loi mááh̃u ɔ́ɔ́ ná le.

KƆ́L̃E HESENDAA GƆLƆÍ 1:21

Ngalángi géle ɣélengi h̃u, i kɛngɔ́ ngáá háwu ngáá ɛi ɣɛ́ ngáá solowo fáá nungáitii ngeyá ngáá tɔɔ́ hómbo tɔ́ɔ́ ɣɛ́ kɔ́lɔ ngáá ele gíte waa ngáá laá ti bɔwɔ́ bɔ́wɔ géle ɣélengi h̃u. Kɛ́ aá ɣéle, Ngala ngí ndangɔ́ gi má ngáá í sítii ngumááwo taa lá ngáá keela woí sí náá nde, lɛ́i sítii ti ngáá ngeleí sí wu yélai gíte taa ngéɣe ngáá faa ỹááka.

GALÉSIYA 3:1

Wɛ́i wú ngáá Ngala fɛ́li mbélaitii wu Galésiya, wáá kisíya vánda womá. Ele lɔ í wú yákpolowangɔ? Wú faa wɔ́lɔ kpál̃au kɔwɔ́ato kpakpángi wa tí mbóni ngáá Jísu Kílisitii kulɔ́sii w̃a í ló na í há.

Ɛ́FƐSƆ 2:8

Ná wáá ngáá, Ngalángi háá bɔwɔí lɔ í mú wúmaawongɔ la ndangí w̃áá véle w̃a a mú su la. Aa ngáá mu yénge panda haa lɔ Ngalá ngí mú wúmaawongɔ faaw̃a, kɛ́ Ngala máábatɛ te nɔ́ɔ. Náá hááw̃a, nuu ɛ́i maayónga tevé.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

TƐSALÓNIKA HESENDAA GƆLƆÍ 1:4

Ná vólu múl̃ɔ, mu mbála Yalá fɛ́li mbélaitii, naá sɛ́ɣɛɛ gula Ngalá ma sífaa ní kɔ́lɔ ngáá Ngála ndongɔ́ɔ́ lé ngáá wú ye aáva í wú yéɣenga ngáá ngi vóngaa.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA HESENDAA GƆLƆÍ 4:7

Sífaa, Ngalá ngáá mu yeɣéngɔ ngáá mu ɣɛ́ faa ỹɔ́i nátii kɛ́ ndaani su, kɛ́ aá ɣéle, i mu yeɣéngɔ ngáá ngi vóngaa ngáá faa ỹɔ́u fíli álaa ɣɛ́ mu h̃u.

TƐSALÓNIKA HESENDAA GƆLƆÍ 5:9

Bɔw̃álale, Ngála ngáá mú yéɣengɔ ngáá ngí vóngaa ngáá kɛinɔɔ́ ɔ́ɔ́ ngí háá bama lá mú w̃a mú háá ỹɔítii fááw̃a, kɛ́ aá ɣéle, i ná ɣɛ́ngɔ ngáá kɛinɔɔ́ a mú ngúmaawongi w̃ááhɔlɔ mu Lemɔ́i Jísu Kílisitii w̃áá véle w̃a.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TƐSALÓNIKA GƆ́LƆI HELE KÉLEI 2:10

Sítii pa ti wu ngáá vá lóma su, aa ti ya yakpólowa pele bíh̃i bíh̃i su. Nátii pa ti wú tɔ́ɔ́ ló su bɔw̃álale, taá lokohéingɔ tɔɔỹáa gééla woí wú tɔɔ́ ló lá ngáá ti wumáá ɔ́ɔ́ wó.

TƐSALÓNIKA GƆ́LƆI HELE KÉLEI 2:12

Faale, sítii kpɛ́lɛɛ tɛ́i ɣɛ́ lái ngáá tɔɔỹáa gééla woí, kɛ́ láa ɣéle, ti liivóngi í ngáá faa ỹɔ́u ɣɛ́ndai, Ngalá ngáá ti kpɛ́lɛɛ péle lála.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.

TÍMOTI GƆ́LƆI HELE KÉLEI 2:15

Yenge ngáá hɛmbɛ kpɛ́lɛɛ kɛinɔɔ́ yí Ngalá ndiilɛi. Ɣɛ́ ngáá Ngalá ngénge mɔ́ɔ vánda ngáá yɛi wúfe ngáá ngengengí yíwaa mbo, yí ɣɛ ngáá nuu áá tɔɔỹáa gálambongi wo ngáá pangɔ́.

TÍMOTI GƆ́LƆI HELE KÉLEI 3:15

Yí kɔ́lɔ ngáá yí lói ngáá ndopo gúlo yí ɣɛ́ Hɛ́ɛ́ma Yála Kɔ́lɔi wɔ́lɔ. Kɔlɔí sí vá tɔ áá kɛ nuu áá ɣɛ́ faa wɔ́lɔ kɔwɔ́ato ngumaawóngi wa nuu áá mááhɔlɔ ndangí h̃u nuu áá ɣɛ́ su ngáá Jísu Kílisitii.

HÍBULU 1:10

Ngala ngí mɔ́ɔ́ ɣɛ ta, “Ndemɔí, ngetéyangi lɔ́kula héi máá wɔ́lɔ yí ngélewu bátɛni aáva ngeleya tɔ́ ngáá í bátɛ ngeyá wɔ́li.

JIMISÍ 1:18

Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

NJƆÚ HESENDAA GƆLƆÍ 4:10

Ndongí gítei aa ngáá ndongí mu sú ngáá Ngala kɛ́ aá wáa ngáá ndongí Ngala ngí su ngáá mu ye í ngi H̃íỹɛndou Loí lɔ́vengɔ ma ngáá saáɣa a mu háá ỹɔítii suuhaaló fááw̃a.

NJƆÚ HESENDAA GƆLƆÍ 4:19

Ndongí lɔ́ mu liítii sú bɔw̃álale Ngalá hése tɔ í lóngɔ ngáá mu ye.