TƐSALÓNIKA GƆ́LƆI HELE KÉLEI 2:12 - Kɛ́lɛ Niinaí

¹² Faale, sítii kpɛ́lɛɛ tɛ́i ɣɛ́ lái ngáá tɔɔỹáa gééla woí, kɛ́ láa ɣéle, ti liivóngi í ngáá faa ỹɔ́u ɣɛ́ndai, Ngalá ngáá ti kpɛ́lɛɛ péle lála.

TƐSALÓNIKA GƆ́LƆI HELE KÉLEI 2:12 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:11

Ná Ngala sááɣa gula mbélai ti wutúwɔaitii ti ná ỹɛ́nini, i ti góóh̃unɛɛni ngwala. Faalɔ, ti Júdɔ guulóni ngáá taá naholó hé ngeyá. Náá hááw̃a, Júdɔ i ɣɛi náá áá pele wɔlí mba ngáá kɛ kíya áá kɛ áá Jísu lokolevé.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:16

Nuí fíli pá áá lá la aáva maa w̃ɔ́i í nguyaí w̃ááhɔlɔ, maa w̃ɔ́i wumáá áá wo, kɛ́ nuí fíli ɛ́i ɣɛ́ láni lá, ngumáá ɛ́i wo.

NJƆÚ 3:36

Nuí fíli áá la ngáá Ngalángi H̃íỹɛndou Loí, kɛ kúnafɔ lɛ́ɛ́h̃ui lɔ maa w̃ɔ́i yaá. Kɛ́ nuí fíli ɛ́i golo mbu ɛi kúnafɔ lɛ́ɛ́h̃ui w̃aahɔ́lɔ, kɛ́ aá ɣéle, Ngalángi haa bamaí aa ɣɛ maa w̃ɔ́i w̃a kúnafɔ.”

LÓÓMI 1:32

Tí súúwɔlɔ ngáá Ngalá ngí ndengɔ́ ngáá nuí fíli kɛ́ kíli áá ɣɛ́ h̃íí, kulé lɔ maa w̃ɔ́i w̃a í saá w̃aahɔ́lɔ. Kɛ́ ná fíli sú, taá ɣɛ́ nɔ́ɔ taá ndí ngu ma ngáá maa haa ỹɔí sítii kɛ́ndaa, aá ɣéle p̃ɛ́ɛ́ taá ɣɛ́ taá nungáá vékaa liiwúúlɛ ngáá nátii bɛ́lɛ ti ɣɛ́ táá faa ỹɔ́itii kɛ.

LÓÓMI 12:9

Wálaa ɣɛ́ nɔ́ɔ wáá kpátɛ ngáá wú lóngɔɔ lé ngáá ỹɔw̃ɔ́ ỹɔ́w̃ɔ kɛ́ ɛi ɣɛ wú líí h̃u. A híli ngáá faa ỹɔ́u ɣɛ́ndai, wú ló ngáá faa vándaitii kɛ́ndaa.

LÓÓMI 2:8

Kɛ́ Ngalá tɔɔ vá lúúma sítii ngeyá tí beɣéngɔ nɔ́ɔ ngáá bɔwɔ́ í mɔ́ɔ faa báma wala lá ti w̃a, tiyɛ́i táa léle Ngalángi lɔ́ɔ́ỹai wa, ná vólu, ti liivó fái í ngáá faa ỹɔ́u ɣɛ́ndai.

KƆ́L̃E HESENDAA GƆLƆÍ 13:6

Ɛi gooh̃unɛ́ɛ faa ỹɔ́i hááw̃a, kɛ́ aa gooh̃unɛ́ɛ́ tɔɔỹáa hááw̃a.

TƐSALÓNIKA HESENDAA GƆLƆÍ 5:9

Bɔw̃álale, Ngála ngáá mú yéɣengɔ ngáá ngí vóngaa ngáá kɛinɔɔ́ ɔ́ɔ́ ngí háá bama lá mú w̃a mú háá ỹɔítii fááw̃a, kɛ́ aá ɣéle, i ná ɣɛ́ngɔ ngáá kɛinɔɔ́ a mú ngúmaawongi w̃ááhɔlɔ mu Lemɔ́i Jísu Kílisitii w̃áá véle w̃a.

TƐSALÓNIKA GƆ́LƆI HELE KÉLEI 2:10

Sítii pa ti wu ngáá vá lóma su, aa ti ya yakpólowa pele bíh̃i bíh̃i su. Nátii pa ti wú tɔ́ɔ́ ló su bɔw̃álale, taá lokohéingɔ tɔɔỹáa gééla woí wú tɔɔ́ ló lá ngáá ti wumáá ɔ́ɔ́ wó.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

NJƆÚ GƆ́LƆI HAWA KÉLEI 1:11

Mu mbála vandái, yálaa suw̃a suw̃ama wó faa h̃ú ɛ́i ɣɛ́ péle w̃a kɛ́ suw̃a suw̃ama wó faa h̃ú áá ɣɛ́ péle w̃a. Nuí fíli áá ɣɛ́ áá faa ɣɛ́ pangɔ́ áá ɣɛ la maa w̃ɔ́i lɔ Ngalá fááw̃a. Kɛ́ nuí fíli pá áá ɣɛ́ áá faa ỹɔ́u ɣɛ́ kɛ maa w̃ɔ́i áá nɛ́ɛ Ngalá kɔ́lɔ ngáá ele gíte waa ngáá laá.